Dokʉ̈ Timotë 3:1 - Mbëtï Ndjapä: TÄFO MADƗ̈

¹ Pö ndə̂ mê to rə̂ âtə wätə̂ pö ndə̂ âwâ ndə̂kə̂ pa akrə za su yê pânə̈: Âdə ngâ akrə ânyində̂ kə̂ watə̂ akrə tə̂ küma Egilîze, dëkë tchôtchô kua kä ndə̂ tche nyîndə̂ nə̈.

Dokʉ̈ Timotë 3:1 Iomraidhean Croise

Lûke 15:10

Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Abadjângele 1:20

A mbö rə̂ lə̂ mbëtï ndə̂ Apösômo päkëdə̂: ‹Äwäpä tchə̂lə̂ nda ndə̂ yê wa ämbämbänə̈, ngâ akrə loabô lô lə̂nə̈-ê.› A kä mbô ndjë rə̂ lə̂ mbëtï nə̈ päkëdə̂: ‹Äwäpä ngâ akrə za kua nə̈ ngbâ yê.›

Abadjângele 20:28

La nyê gbö tə̂ kə̂ sə ndə̂ nyê, aɛ̈bro-ngbaga ndə̂ Kpɨ̂ki Yingö gbôtə̂ andjê tchânə̂ nyê lâme, nyë bäta andjê djîrə̂. Nyë bäta azü ndə̂ Egilîze ndə̂ Ndjapä yô andjê lə̂ köbosə̂ jï yê la tə̂ yê lâme.

Rômo 11:13

Angaâtə, nyënyê ndə̂ nyë wâbô wâtə̂ ajuîfu, nyënyê kä ndə̂ mê to pö sə̈ nyê âtə. Më wätə̂ badjângele ndə̂ andjanə̈ ndə̂ andjë wâbô wâtə̂ ajuîfu. Bëte rə̂ kä ndə̂ mê lusə̂ kua ndə̂ mê,

Ëfêze 4:12

Tche kʉ̈ arə nə̈ lâme käko ndə̂kə̂ pa azü ndə̂ Ndjapä gbo köbo ndə̂kə̂ mbo kua ndə̂ Ndjapä zâ rə̂ sə̈ andjê ânyë tə̂ Krîsiti ge,

Fïlîpe 1:1

Mëmê Pôlo la Timotë, a-earə̂ kua ndə̂ Jezü Krîsiti. Ârâ wän mbëtï âtə sə̈ azü ndə̂ Ndjapä ndə̂ andjë wâ balë la Jezü Krîsiti lə̂ gbölö gö ndə̂ Fïlîpe. Ârâ wän ndjë mbëtï âtə sə̈ azü tə̂ küma Egilîze la adiâkere:

Dokʉ̈ Tësälönîke 5:14

Arə̂mä, ârâ zä wängö sə̈ nyê ndə̂kə̂ pa nyë gbɨtɨ tü andjanə̈ ndə̂ andjë mboabô rə mbô lə̂ köbo nə̈ lâme-ê, kə̂ za wängö ndə̂kə̂ za gbôgbô tə̂ su andjanə̈ ndə̂ andjë zôgo. Nyë zä könô sə̈ andjänə̈ ndə̂ andjë wâbô wâ la gbôgbô-ê, kə̂ rʉatə̂ su nyê la azü gbɛ̂.

Dokʉ̈ Timotë 1:15

Pö ndə̂ mê to rə̂ âtə wä ndə̂kə̂ pa akrə za su yê pânə̈, kə̈ kʉ̂sə̂ nə̈ ndə̂kə̂ pa azü gbɛ̂ gamba rə̂, pö nə̈ wä kâkë: Jezü Krîsiti nə̈ atə̂ bêche âtə ndə̂kə̂ tcha earə̂ ngbongbo rə, ndə̂ mëmê, më wâtə̂ dokʉ̈ earə̂ ngbongbo rə nə̈.

Dokʉ̈ Timotë 4:9

Pö âtə wätə̂ pö ndə̂ âwâ ndə̂kə̂ pa akrə za su yê pânə̈, kə̈ kʉ̂sə̂ nə̈ ndə̂kə̂ pa azü gbɛ̂ gamba rə̂ la su andjê gbɛ̂.

Bïchuû Timotë 2:11

Pö ndə̂ mê to rə̂ âtə wä ndə̂kə̂ pa akrə za su yê pânə̈, pö nə̈ wä kâkë: «Âdə azə̂ âtchu la tchë, azə̂ wadje la tʉ̈rʉ̂ la la tchë.

Tîte 1:7

Akrə ndə̂ tche sə̂ tə̂ küma Egilîze, tche wätə̂ akrə ndə̂ tche wun tchô pâ arə ndə̂ Ndjapä, âwâbo pä ngâ pö ndə̂kə̂ gbɨtɨ tü balë wa lə̂ küma yê-a. Tche də̂âbo akrə ndə̂ tche bhi gogo yê-a, âdəndjë akrə ndə̂ mêrâ-a. Tche də̂âbo akrə ndə̂ tche zâtə̂ yê gbɛ̂ ndə̂kə̂ djo pî-a, âdəndjë akrə ndə̂kə̂ mbo kʉ̈ʉ̈-a. Tche də̂âbo akrə ndə̂ tche gbo arə ndə̂ yê lə̂ köbosə̂ ngbongbo kə̂ gbo rə-a.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.

Aheborö 12:15

La nyê gbö-ê, ânyë ngâ akrə dodoabô tə̂ yê dôdo tə̂ tchôtchô su ndə̂ Ndjapä-ê. Âwâbo pä ngâ akrə wa batə̂ soabe, ndə̂ ndôngâ yê wutu ânyë kə̂ ndɨ angbängbä azü-a.

Dokʉ̈ Pîêre 2:25

Bëte nyë yû alême nə̂ batə̂ aɛ̈bro-ngbaga, praâbalë angaâtə, nyë kâ nə̂ pu Krîsiti ndə̂ tche wâ batə̂ earə̂ kə̂ batə̂ aɛ̈bro-ngbaga, ndjë la earə̂ kə̂ bata vrö nyê.

Dokʉ̈ Pîêre 4:15

Âwâbo pä akrə balë lə̂ gbâtə̂ nyê wun yûku tə̂ pö ndə̂kə̂ won azü-a, âdəndjë kə̂ zɨ ngbä-a, âdəndjë kə̂ mbo ngbongbo rə tə̂ azü-a, âdəndjë ndə̂kə̂ yitə̂ yê lə̂ arə ndə̂ angâ yê-a.

Dokʉ̈ Pîêre 5:2

Nyë bäta kpûlû azü ndə̂ Ndjapä ndə̂ tche gbôtə̂ andjê ëtchânə̂ nyê, batə̂ a-earə̂ kə̂ bata aɛ̈bro-ngbaga ndə̂ andjë bata kpûlû aɛ̈bro-ngbaga. Nyë wün tchô pâ andjê la tchôtchô su, batə̂ rə̂ ndə̂ su Ndjapä nyîndə̂ nə̈, äwäpä nyë mbo rə̂ la tə̂ nyê. Nyë mböäbô rə̂ mbô la gʉ ndə̂kə̂ gbo makətche tə̂ gbölösə̂nə̈-ê, praâbalë nyë zä su nyê gbɛ̂ pâ kua nə̈.