Dokʉ̈ Timotë 2:8 - Mbëtï Ndjapä: TÄFO MADƗ̈

⁸ Më nyïndə̂ nə̈ pä aköchë to pö sə̈ Ndjapä kusə̂ tchô gbɛ̂, lakə̂ kenga könô andjê atə̂ lafô, könô ndə̂ âwâ ngbî ânyë kə̈ dâka gbɛ̂. Âwâbo pä andjë to pö nə̈ sə̈ tchë la mêrâ-a, âdəndjë lakə̂ gama andjê lə̂ gbâtə̂ andjê-a.

Dokʉ̈ Timotë 2:8 Iomraidhean Croise

Matiyə̈ 21:21

Jezü tô rə̂ ndə̂nə̈ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Tə̂ngâlo, âdə nyë âza su nyê sə̈ Ndjapä ânyë kə̈ dôdoabô su nyê dôdo-ê, nyê âmbo rə batə̂ rə̂ ndə̂ më mbô rə̂ tə̂ yö ndə̂ fîge lâme, kə̂ mbo rə̂ âro anə̈ lâme. Âdə nyë âto rə̂ sə̈ aga âtə päkëdə̂: ‹Alafô tchâme, kə̈ tê bhâlə̂ gbölö ngû ngbro›, rə nə̈ âmbo batə̂ rə̂.

Matiyə̈ 5:44

Mëmê ndə̂ me nə̈, më tö rə̂ sə̈ nyê päkëdə̂: Nyë nyïndə̂ a-earə̂ kə̂ kosə̂ nyê! Nyë tö pö sə̈ Ndjapä bëte azü ndə̂ andjë mbo gbôgbô tə̂ nyê!

Matiyə̈ 6:12

amö ko pö lə̂ küma ârâ, batə̂ rə̂ ndə̂ ârâ ko ndjë pö lə̂ küma azü ndə̂ andjë mbo ngbongbo rə tə̂ ârâ.

Lûke 23:34

Jezü tô rə̂ päkëdə̂: «Bha mê, amö ko pö lə̂ küma andjê-ê, bëte andjë wûn-âbo sə̂ rə ndə̂ andjë mbô rə̂ âtə-a.» Andjë tâ kʉ̂kâ ndə̂kə̂ pa änyisə̂ akrə ndə̂ tchê kʉadje alə̂ba ndə̂ Jezü, pânə̈ andjë krʉ̂ tchə̂lə̂ nə̈ tə̂ andjê.

Lûke 24:50

Pânə̈ Jezü kʉ̂ andjê, kə̈ wûtu la andjê lə̂ gö nə̈, kə̈ rô la andjê lə̂ köbo atə̂ Betanï. Tchâme, tche kênga könô yê atə̂ lafô, ânyë kə̈ ê tchôtchô pö pâ andjê.

Jâan 4:21

Jezü tô rə̂ sə̈ tchë päkëdə̂: «Ɛ̈chë, amö gamba pö ndə̂ mê, lo nə̈ âtadje tâ ndə̂ nyê vogabô Ndjapä Bha azə̂ lə̂ küma aga âtə tee-a, âdəndjë bhâ Jerûzalêmo-a.

Abadjângele 10:2

Tche zätə̂ yê gbɛ̂ sə̈ Ndjapä, kə̈ kpê wa yê, tchetchë la azü tchâalê ndə̂ yê. Tche kʉ̈ arə tə̂ gbölösə̂nə̈ sə̈ a-earə̂ yûkü ndə̂ andjë sə̂ lə̂ gûtə̂ ajuîfu, kə̂ to pö sə̈ Ndjapä logbɛ̂.

Abadjângele 10:31

Tche tô rə̂ sə̈ mê päkëdə̂: ‹Körönɛ̈ye! Ndjapä djê apö ndə̂ mo tô rə̂ sə̈ tchë lâme nə̂. Atchôtchô arə ndə̂ mo kʉ̂ rə̂ sə̈ a-earə̂ yûkü lâme, sə̂nə̈ yûâbo tə̂ yê-a.

Abadjângele 10:4

Gbô la Körönɛ̈ye kä lakə̂ wun ânje nə̈; wawa mbô tchë ânyë tche tô rə̂ päkëdə̂: «Giamâ kä, Gbölö Gbïɛ̈?» Ânje nə̈ tô rə̂ ndə̂nə̈ sə̈ tchë päkëdə̂: «Apö ndə̂ mo tô rə̂ sə̈ Ndjapä la arə ndə̂ mo kʉ̂ rə̂ sə̈ a-earə̂ yûkü lâme, tche nyîndə̂ nə̈ nə̂, sə̂nə̈ yûâbo tə̂ yê-a.

Abadjângele 21:5

Praâbalë lö ârâ tchâme âsə̈ ka, ârâ âlafô kə̈ rô etə̂. Ârâ gbɛ̂ âlafô, aɛ̈chë la abechë, andjë tô ârâ lə̂ köbo zoo ëtə̂ ma gö nə̈. Ârâ gʉ̂te ëbêche tə̂ maga ngû ngbro nə̈ ânyë kə̈ tô pö sə̈ Ndjapä.

Abadjângele 7:60

La tchêngbâ nə̈ tche gʉ̂te ëbêche ânyë kə̈ ôn ngbôô kə̈ tô rə̂ päkëdə̂: «Gbölö Gbïɛ̈, amö ko pö lə̂ küma andjê!» La tchêngbâ pö nə̈ lâme, tche tchû-î.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 7:7

Më nyïndə̂ nə̈ pä azü gbɛ̂ wa batə̂ mê, praâbalë akrə balë balë gbö gbôgbô ndə̂ Yingö ndə̂ Ndjapä za rə̂ sə̈ tchë. Tche zä ngânə̈ sə̈ tchanə̈ âtə, kə̂ za ngânə̈ ngbî sə̈ tchanə̈ təbhâ.

Bïchuû Körɛ̂nte 2:14

Azə̈ zä ayîabâ sə̈ Ndjapä bëte lə̂ köbosə̂ nə̈ ndə̂ azə̈ wâ balë la Krîsiti, tche kʉ̂ azə̂ nə̂ lə̂ mawû azü ndə̂ andjë rô la gbôgbô. Lə̂ köbosə̂ azə̂, tche mbö rə̂ pä azü wunsə̂ Krîsiti katchôgbɛ̂ batə̂ ngâ kâdâ-yömbö ndə̂ tchâfo nə̈ fô katchôgbɛ̂.

Fïlîpe 1:12

Arə̂mä, më nyïndə̂ nə̈ pä nyë wunsə̂ nə̈: Rə ndə̂ âgbô mê, ämbö rə̂ pä Tchôtchô Pö e atə̂ tchâtchu nə̈.

Dokʉ̈ Tësälönîke 1:8

Bëte pö ndə̂ Gbölö Gbïɛ̈ tö bhândə̂ nyê ânyë kə̈ zâ tchô gbɛ̂, kə̈ wûtu bhâ Mäsëdöâne ndjë la Akayï. Praâbalë kə̂ za su nyê ndə̂ nyë zâ rə̂ sə̈ Krîsiti lâme, pö ndə̂nə̈ zä tchô gbɛ̂ ânyë ârâ nyîâbo ndə̂kə̂ to pö pânə̈-a.

Dokʉ̈ Timotë 5:14

Më nyïndə̂ nə̈ pä abechë-ɛ̈chë lə̂ ndavrö kä to aköchë, kə̂ zɨ abechë, kə̂ nyisə̂ köbo sə̈ azü nda ndə̂ andjê. Käko andjê gboabô tə̂ köbo sə̈ earə̂ kə̂ kosə̂ azə̂, ndə̂kə̂ dɨ angbongbo apö tə̂ azə̂ tee-a.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.

Aheborö 10:22

Käko äwäpä azə̈ gitə̂ azə̂ pu Ndjapä la su azə̂ ndə̂ âwâ djîrə̂, ndjë la su azə̂ ndə̂ azə̈ zâ rə̂ tə̂ lëge nə̈ sə̈ Jezü, la su azə̂ ndə̂ azə̈ wûnsə̂ nə̈ pä âgrô nə̂ gbɛ̂, lakə̂ rɨ tchə̂lə̂ su azə̂ ndə̂ a djûtu rə̂ lə̂ tchôtchô ngû.

Jâke 4:8

Nyë gïtə̂ nyê ndola Ndjapä, ânyë tche giadje ndjë tə̂ yê ndola nyê. Nyënyê ndə̂ a-earə̂ ngbongbo rə, nyë grʉ̈ bata ngbongbo rə grʉ̂-ê, nyënyê ndə̂ su nyê wâ bïbïchuû âtə! Nyë djütu tchə̂lə̂ su nyê.

Dokʉ̈ Pîêre 3:7

Nyënyê ndjë aköchë ndə̂ aɛ̈chë, lə̂kə̂ sə ndə̂ nyê pâ cho la aɛ̈chë ndə̂ nyê, äwäpä nyë wunsə̂ nə̈ pä aɛ̈chë ndə̂ nyê də̈ amömö azü. Nyë lüsə̂ andjê, bëte nyënyê la andjê gbɛ̂ kä ndə̂ âgbo tchîsûwu ndə̂ Ndjapä za rə̂ sə̈ akrə, ndə̂kə̂ pa ngâ rə balë kiabô kîtə̂ köbo tə̂kə̂ to pö ndə̂ nyê sə̈ Ndjapä-ê.