Dokʉ̈ Timotë 2:7 - Mbëtï Ndjapä: TÄFO MADƗ̈

⁷ Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele. Më wä ndjë tə̂ earə̂ kə̂ nyisə̂ rə sə̈ azü ndə̂ andjë wâbô wâtə̂ ajuîfu, ndə̂kə̂ pa andjë za su andjê sə̈ Krîsiti, kə̂ wunsə̂ lëge pö. Pö ndə̂ më tô rə̂ lâme wätə̂ lëge pö, më môâbo yepa-a.

Dokʉ̈ Timotë 2:7 Iomraidhean Croise

Jâan 7:35

Ajuîfu tô rə̂ lə̂ gbâtə̂ andjê päkëdə̂: «Tche âe bhâ tchêbâ ânyë azə̂ gboabô tchë gbô-ê? Tche âe bhândə̂ ajuîfu ndə̂ andjë krʉ̂ tchə̂lə̂ tə̂ andjê lə̂ gbâtə̂ agerêke lâme ndə̂kə̂ nyisə̂ rə sə̈ agerêke nə̈?

Abadjângele 14:27

Ndə̂ andjë wûtu bhâ Äntïyôche, andjë pâla azü ndə̂ Egilîze kə̈ nyîsə̂ tchêngbâ arə gbɛ̂ ndə̂ Ndjapä mbô rə̂ lə̂ köbosə̂ andjê sə̈ azü ndə̂ Egilîze nə̈. Andjë nyîsə̂ köbosə̂ nə̈ ndə̂ Ndjapä jî köbo sə̈ azü ndə̂ andjë wâbô wâtə̂ ajuîfu ânyë andjë zâ su andjê sə̈ Jezü.

Abadjângele 22:21

Gbölö Gbïɛ̈ tô rə̂ sə̈ mê päkëdə̂: ‹Amö êë, bëte më wän ndjë mö ngrɨ̈ kundə̂ azü ndə̂ angâ agö ngbî.›»

Abadjângele 26:20

Praâbalë më jëtə̂ kə̂ mu pö dokʉ̈tchê sə̈ azü ndə̂ Dämâse, ndjë la azü ndə̂ Jerûzalêmo. Pânə̈ më mû pö nə̈ sə̈ azü ndə̂ Judë gbɛ̂, ndjë la azü ndə̂ angâ agö ngbî. Më yükû nə̈ sə̈ andjê ndə̂kə̂ gbotə̂ bəndɨ kə̂ mbo rə ndə̂ andjê, kə̂ ka pu Ndjapä, lakə̂ mbo rə ndə̂ ânyîsə̂ nə̈ pä andjë gbôtə̂ bəndɨ köbo andjê nə̂.

Abadjângele 9:15

Praâbalë Gbölö Gbïɛ̈ tô rə̂ sə̈ tchë päkëdə̂: «Êë, bëte më dɨ̈ köchë âtə ndə̂kə̂ pa tche watə̂ ngâ rə kua ndə̂ mê, ndə̂kə̂ nyisə̂ rə̈ mê sə̈ azü ndə̂ agö pâ amawo ngbî ngbî, agbïɛ̈ la azü ndə̂ Isarayële.

Rômo 1:9

Ndjapä ndə̂ më zâ su mê gbɛ̂ ndə̂kə̂ mbo kua ndə̂ yê lə̂ köbosə̂ nə̈ ndə̂ mê mu Tchôtchô Pö ndə̂ Modô ndə̂ yê, tche wûnsə̂ nə̈ nə̂ pä më tö lëge pö. Më tö pö ndə̂ nyê logbɛ̂,

Rômo 10:14

Atöko kä ânyë azü e Gbölö Gbïɛ̈ ndə̂ andjë zâbô su andjê zâ sə̈ tchë? Atöko kä ânyë andjë za su andjê sə̈ Gbölö Gbïɛ̈ ndə̂ andjë djêâbô pö ndə̂ yê djê? Atöko kä ânyë andjë dje pö ndə̂ yê ndə̂ akrə ndə̂kə̂ mu pö nə̈ wâbô wâ?

Rômo 11:13

Angaâtə, nyënyê ndə̂ nyë wâbô wâtə̂ ajuîfu, nyënyê kä ndə̂ mê to pö sə̈ nyê âtə. Më wätə̂ badjângele ndə̂ andjanə̈ ndə̂ andjë wâbô wâtə̂ ajuîfu. Bëte rə̂ kä ndə̂ mê lusə̂ kua ndə̂ mê,

Rômo 15:16

ânyë kə̈ zâ mê ndə̂kə̂ mbo kua ndə̂ Jezü Krîsiti lə̂ gbâtə̂ azü ndə̂ andjë wâbô wâtə̂ ajuîfu. Tche zä mê ngbî bëte kə̂ mu Tchôtchô Pö ndə̂ Ndjapä sə̈ azü, käko ânyë azü ndə̂ andjë wâbô wâtə̂ ajuîfu wa ndjë tə̂ tchôtchô ngela lə̂ la yê lə̂ köbosə̂ Kpɨ̂ki Yingö, tchetchë kä ndə̂ âmbo rə̂ ânyë andjë wa lə̂ köbo nə̈.

Rômo 9:1

Pö ndə̂ më nyîndə̂ kə̂ to rə̂ âtə, më tö lëge pö, më môâbo yepa-a, bëte më wä balë la Krîsiti. Kpɨ̂ki Yingö nyïsə̂ köbosə̂ kə̂ rɨ tchə̂lə̂ su mê, ânyë su mê nyîsə̂ nə̈ päkëdə̂, rə nə̈ wätə̂ lëge pö.

Dokʉ̈ Körɛ̂nte 9:1

Më kʉ̂âbo sə̂kə̂ mbo arə gbɛ̂? Më də̂âbo badjângele? Më wûn-âbo Jezü Gbölö Gbïɛ̈ ndə̂ azə̂? Nyë də̂âbo azü ndə̂ nyë wâtə̂ rə ngbâ kua ndə̂ më mbô rə̂ sə̈ Gbölö Gbïɛ̈ lâme?

Bïchuû Körɛ̂nte 11:31

Ndjapä Bha Gbölö Gbïɛ̈ Jezü ndə̂ tchôtchô pö wâ pâ yê tə̂ logbɛ̂ logbɛ̂, tche wûnsə̂ nə̈ nə̂ pä më môâbo yepa-a.

Gälâte 1:16

kə̈ nyîsə̂ Modô ndə̂ yê sə̈ mê, ndə̂kə̂ pa më nyisə̂ yê batə̂ Tchôtchô Pö sə̈ azü ndə̂ andjë wâbô wâtə̂ ajuîfu, kə̈ yûâbo ngâ akrə balë ndə̂kə̂ pa tche za wängö sə̈ mê-a,

Gälâte 1:20

Pö ndə̂ më mbô rə̂ lə̂ mbëtï sə̈ nyê âtə, më tö rə̂ lə̂ la Ndjapä, më môâbo yepa-a.

Gälâte 2:16

Azə̈ wûnsə̂ nə̈ nə̂ pä akrə wâbo tə̂ djîrə̂ akrə lə̂ la Ndjapä lə̂ köbosə̂ kə̂ mbo rə gundə̂sə̂ ndïɛ̈-a, praâbalë kütû lə̂ köbosə̂ kə̂ za su sə̈ Jezü Krîsiti. Bëte rə̂ kä ndə̂, ârâ ndjë gbɛ̂ zâ su ârâ sə̈ Krîsiti Jezü ndə̂kə̂ pa ârâ watə̂ adjîrə̂ azü lə̂ la Ndjapä. Âdə̂âbo lə̂ köbosə̂ kə̂ mbo rə gundə̂sə̂ ndïɛ̈-a. Bëte akrə balë wâbo tə̂ djîrə̂ akrə lə̂ la Ndjapä lə̂ köbosə̂ kə̂ mbo rə gundə̂sə̂ ndïɛ̈-a.

Gälâte 2:9

Jâke la Pîêre la Jâan ndə̂ a wûn andjê batə̂ agbölö azü tə̂ küma Egilîze wünsə̂ nə̈ pä tə̂ lëge nə̈, Ndjapä zâ kua nə̈ lâme sə̈ mê nə̂. Käko andjë pö ndə̂ mê la Bärnäbâse la könô andjê ndə̂kə̂ nyisə̂ nə̈ pä ârâ la andjê wä balë. Käko andə̂ ârâ, ârâ ë pu azü ndə̂ andjê wâbô wâtə̂ ajuîfu, ânyë andjë ê andə̂ andjë nə̈ pu azü ndə̂ andjë wâ gasa.

Gälâte 3:9

Käko azü gbɛ̂ ndə̂ andjë zâ su andjê sə̈ Ndjapä, Ndjapä eadje tchôtchô pö pâ andjê batə̂ rə̂ ndə̂ tche ê tchôtchô pö pâ Abrahâmo ndə̂ tche zâ su yê sə̈ Ndjapä.

Bïchuû Timotë 1:11

Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele, kə̂ nyisə̂ rə.

Bïchuû Pîêre 2:5

Ndjapä gbôâbo ndjë tə̂ dokʉ̈ tchêbêche alême ämbämbänə̈-a, praâbalë tche mbö rə̂ pä gbölö nyïvrö nyi, kə̈ vô pâ cho nə̈ ndə̂ angbongbo azü nə̈ sə̂ pânə̈, tche tchâ kütû Nowë ndə̂ tche mû pö ndə̂ djîrə̂ rə, tchetchë la azü mïndûu manə̈ bïchuû.