Dokʉ̈ Timotë 2:6 - Mbëtï Ndjapä: TÄFO MADƗ̈

⁶ Tche zätə̂ yê la kuzü ndə̂kə̂ yosə̂ azü gbɛ̂. Rə ndə̂ Krîsiti mbô rə̂ kä lâme ndə̂kə̂ nyisə̂ nə̈ pä Ndjapä nyïndə̂ kə̂ tcha azü gbɛ̂ lə̂ kuzü, tche mbö rə̂ gundə̂sə̂ lö nə̈ ndə̂ tche nyîkrə rə̂.

Dokʉ̈ Timotë 2:6 Iomraidhean Croise

Matiyə̈ 20:28

Ârə̂ kä ndə̂ Modô ndə̂ Akrə nə̂âbo ndə̂kə̂ pa azü mbo kua sə̈ tchë-a, praâbalë tche nə̈ ndə̂kə̂ mbo kua sə̈ azü lakə̂ zatə̂ yê sə̈ kuzü ndə̂kə̂ ji angbängbä azü lə̂ ngbongbo rə ndə̂ andjê.»

Mâreke 1:15

Tche tö rə̂ päkëdə̂: «Lo nə̈ tâ tâ nə̂, Gbölö gö-gbïɛ̈ ndə̂ Ndjapä ndô nə̂. Nyë gbötə̂ bəndɨ kə̂ mbo rə ndə̂ nyê kə̈ gamba Tchôtchô Pö ndə̂ Ndjapä!»

Mâreke 10:45

Bëte Modô ndə̂ Akrə nə̂âbo ndə̂kə̂ pa azü mbo kua sə̈ tchë-a, praâbalë tche nə̈ ndə̂kə̂ mbo kua sə̈ azü lakə̂ zatə̂ yê sə̈ kuzü ndə̂kə̂ ji angbängbä azü lə̂ ngbongbo rə ndə̂ andjê.»

Jâan 10:15

batə̂ rə̂ ndə̂ Bha mê wûnsə̂ mê, ânyë më wûn ndjë sə̂ Bha mê. Më gbötə̂ tchîsûwu ndə̂ mê bëte aɛ̈bro-ngbaga ndə̂ mê.

Jâan 6:51

Mëmê kä ndə̂ âwâtə̂ mâpa ndə̂ âza tchîsûwu sə̈ azü, ndə̂ âtô bhâ lafô ânyë kə̈ jrê. Akrə ndə̂ tche zɨ̂ mâpa lâme, tche âwa la tchîsûwu ndə̂ logbɛ̂ logbɛ̂. Mëmê, mâpa ndə̂ mê zadje rə̂ wätə̂ mbë mê ndə̂ âmbo rə̂ pä azü tchêbêche wa la tchîsûwu.»

Rômo 16:26

Angaâtə, a mü pö nə̈ kraâ lə̂ Mbëtï ndə̂ a-earə̂ ndə̂ma Ndjapä mbô rə̂. Ndjapä wä logbɛ̂ logbɛ̂, tche zäma ndə̂kə̂ pa a mu pö nə̈ lâme sə̈ azü pâ cho gbɛ̂ ndə̂kə̂ pa andjë za su andjê sə̈ tchë ânyë kə̂ dje ma yê.

Rômo 5:6

Bëte, ndə̂ azə̂ wâbô wâ alême la gbôgbô, Krîsiti tchû bëte a-earə̂ ngbongbo rə, gundə̂sə̂ lo nə̈ ndə̂ Ndjapä nyïkrə rə̂.

Dokʉ̈ Körɛ̂nte 1:6

Dëkë apö ndə̂ nyë djê rə̂ pâ Krîsiti gbô tchô bhâtə̂ su nyê nə̂.

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Gälâte 1:4

Gbölö Gbïɛ̈ Jezü yösə̂ tə̂ yê la tə̂ yê ndə̂kə̂ ji azə̂ lə̂ angbongbo arə ndə̂ tchîsûwu âtə batə̂ rə̂ ndə̂ su Ndjapä Bha azə̂ nyîndə̂ nə̈.

Gälâte 4:4

Praâbalë lo nə̈ ndə̂ Ndjapä dɨ̂ rə̂ âsə̈ wutu, Ndjapä wân Modô ndə̂ yê. Ɛ̈chë kä ndə̂ âzɨ̂ tchë, ânyë tche sə̂ tchâtchâ ndïɛ̈,

Ëfêze 1:17

Më yükû nə̈ sə̈ Ndjapä ndə̂ Gbölö Gbïɛ̈ ndə̂ azə̂ Jezü Krîsiti, Bha ndə̂ tche wâ gbölö, ndə̂kə̂ pa tche za Yingö ndə̂ küma ndə̂ âwa lanə̈ sə̈ nyê. Yingö nə̈ nyiadje sə̂ apö pâ Ndjapä sə̈ nyê, kə̂ mbo rə̂ pä nyë wunsə̂ yê tə̂ lëge nə̈.

Ëfêze 1:7

Lə̂ köbosə̂ nə̈ ndə̂ azə̈ wâ balë la Krîsiti, a jï azə̂ lə̂ ngbongbo rə lə̂ köbosə̂ jï yê, kə̈ kô pö lə̂ küma azə̂, lə̂ köbosə̂ tchôtchô rə ndə̂ tchôtchô su yê.

Ëfêze 3:5

Rə ndə̂ âwâ lə̂ küwû nə̈ lâme, Ndjapä nyîâbo sə̂nə̈ alême sə̈ azü ndə̂ tchô dokʉ̈tchê lâme-a, batə̂ rə̂ ndə̂ tche nyîsə̂ nə̈ angaâtə sə̈ abadjângele ndə̂ yê la a-earə̂ ndə̂ma Ndjapä ndə̂ tche kʉ̂ andjê ngbî bëte tchë lə̂ köbosə̂ Yingö.

Ëfêze 5:2

Nyë sə̈ lakə̂ nyində̂ angâ nyê, batə̂ rə̂ ndə̂ Krîsiti nyîndə̂ azə̂ ânyë kə̈ zâtə̂ yê la tə̂ yê la ngela sə̈ Ndjapä bëte azə̂, batə̂ ngâ gia ndə̂ a zô tchë pâ gbalâka sə̈ Ndjapä ndə̂ tchâfo yê fô djîrə̂ ânyë kə̈ fû tə̂ su yê.

Bïchuû Tësälönîke 1:10

Lo nə̈ ndə̂ tche kangbâ yê, azü ndə̂ yê âvogadje tchë, azü ndə̂ andjë zâ su andjê sə̈ Krîsiti âwun-adje tchë la mômô. Nyënyê ndjë gbɛ̂ nyë âsə lə̂ gbâtə̂ azü nə̈ lâme bëte nyë gämba pö ndə̂ ârâ mû rə̂ sə̈ nyê.

Dokʉ̈ Timotë 6:15

Tche âkangbâ yê tə̂ lo nə̈ ndə̂ Ndjapä nyîkrə rə̂. Ndjapä ndə̂ a to tchôtchô pö ndə̂ yê, tche wä gbokôngô, ânyë kə̈ wâ pâ arə gbɛ̂. Tche wätə̂ Gbïɛ̈ ndə̂ agbïɛ̈ gbɛ̂, Gbölö Gbïɛ̈ ndə̂ agbölö gbïɛ̈ gbɛ̂.

Bïchuû Timotë 1:8

Âwâbo pä mo mbo ganô ndə̂kə̂ to pö pâ Gbölö Gbïɛ̈ ndə̂ azə̂-a. Âwâbo pä mo mbo ganô mê, earə̂ kânga ndə̂ yê-a. Praâbalë amö gamba rə̂ ndə̂kə̂ wun yûkü la mê, bëte Tchôtchô Pö, lakə̂ za su zə̈ pâ gbôgbô ndə̂ Ndjapä.

Tîte 1:3

Ndə̂ lo nə̈ tâ tâ, Ndjapä ndə̂ tche wâtə̂ Earə̂ kə̂ tcha azə̂, tche nyîsə̂ pö ndə̂ yê nə̈. Tche nyïsə̂ nə̈ lə̂ köbosə̂ pö ndə̂ yê, ndə̂ tche zâ rə̂ sə̈ mê, gundə̂sə̂ kə̂ zama ndə̂ tche zâ rə̂ sə̈ mê.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 9:12

Ndə̂ Krîsiti lî sûsunə̈ balë tratralë bhâlə̂ nda ndə̂ a mbô rə̂ la lə̂ba ndə̂ âwâ ngbî ânyë kə̈ dâka gbɛ̂ bëte Ndjapä, tche zâbo jï akökö aɛ̈bro la angbavö abâgala-a, tche zä jï yê la tə̂ yê la ngela ndə̂kə̂ ji azə̂ tratralë lə̂ angbongbo rə ndə̂ azə̂.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Jâan 4:10

Kə̂ nyində̂ ngâ wä kâkë: Âdə̂âbô azə̂ kä ndə̂ ânyîndə̂ Ndjapä-a, praâbalë Ndjapä kä ndə̂ ânyîndə̂ azə̂ ânyë kə̈ wân Modô ndə̂ yê, tche zätə̂ yê la ngela ndə̂kə̂ pa Ndjapä ko pö lə̂ küma azə̂.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,

Apökälîbïchi 5:9

Andjë sə̈ lakə̂ pa ngâ täfo düwü päkëdə̂: «Mo kʉ̈sə̂ kə̂ za mbëtï nə̈ kə̂ on mênde nə̈ bëte a wôn mö alême nə̂. Mo yösə̂ azü sə̈ Ndjapä lə̂ köbosə̂ jï zə̈, azü nə̈ ndə̂ mo yôsə̂ andjê lâme də̈ azü pâ amawo gbɛ̂, ama gö gbɛ̂, azü gö gbɛ̂ la azü ndə̂ agö ngbî.