Dokʉ̈ Timotë 2:5 - Mbëtï Ndjapä: TÄFO MADƗ̈

⁵ Bëte Ndjapä wä kütû balë, akrə ndə̂ tche nə̂ la zɨtɨ su lə̂ gbâtə̂ Ndjapä la azü, tche wä ndjë balë: Tche də̈ Jezü Krîsiti ndə̂ tche wâtə̂ akrə.

Dokʉ̈ Timotë 2:5 Iomraidhean Croise

Matiyə̈ 1:1

Mbëtï âtə wä pâ rə̈ araâta Jezü Krîsiti, modô ndə̂ Davîdi, ndə̂ tche də̂ modô ndə̂ Abrahâmo.

Matiyə̈ 1:23

«Bechë-ɛ̈chë ndə̂ tche wûn-âbô sə̂ aköchë wûn zadje güzu, kə̂ zɨadje bechë tə̂ köchë, a eadje rə̂ tə̂ yê pä Emanuwɛ̈le, ndə̂ âtô rə̂ pä Ndjapä kä la azə̂.»

Lûke 14:22

Pânə̈ earə̂ kua nə̈ kângbâ yê, kə̈ tô rə̂ päkëdə̂: ‹Gbölö akrə, ârâ mbô rə gbɛ̂ ndə̂ mo tô pö ndə̂nə̈ lâme nə̂, gbô adɨ̂ tchô kä po.›

Jâan 1:14

Tchanə̈ ndə̂ tche wâtə̂ Pö nə̈ lâme mbötə̂ yê tə̂ akrə, kə̈ sə̂ lə̂ gbâtə̂ azə̂; tchôtchô su la lëge pö sɨ̂sɨ̈ lə̂ yê. Ârâ wün golowäre ndə̂ yê, golowäre ndə̂ gbokôngô Modô gbô rə̂ tchânə̂ Bha.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Abadjângele 4:12

«Akrə wâbo ndə̂kə̂ tcha lə̂ kuzü lə̂ köbosə̂ ngâ rə̈ ngbî-a, bëte pâ cho gbɛ̂ ngâ rə̈ ngbî ndə̂ Ndjapä zâ rə̂ sə̈ azü ndə̂kə̂ pa andjë tcha lə̂ köbosə̂ nə̈ wâbo balë-a.»

Rômo 1:3

Tchôtchô Pö nə̈ tö pö pâ Modô ndə̂ yê batə̂ akrə, a zɨ̈ tchë pâ mawo ndə̂ gbïɛ̈ Davîdi.

Rômo 10:12

Käko ajuîfu la azü ndə̂ andjë wâbô wâtə̂ ajuîfu wä balë. Gbölö Gbïɛ̈ ndə̂ andjê wä balë. Tche kʉ̈ atchôtchô arə sə̈ azü ndə̂ andjë e tchë.

Dokʉ̈ Körɛ̂nte 8:4

Käko äwä ndə̂kə̂ zɨ gûsû ndə̂ a wâ rə̂ la ngela sə̈ angakʉ̈lä ämbänə̈? Azə̈ wûnsə̂ nə̈ nə̂ pä ngâ ngakʉ̈lä balë sə̂âbo pâ cho âtə-a, ânyë ngâ ndjapä ngbî wâbo-a, kütû Ndjapä balë.

Dokʉ̈ Körɛ̂nte 8:6

Âdə andə̂ azə̂, Ndjapä wä kütû balë, tche də̈ Bha ndə̂ rə gbɛ̂ tô bhândə̂ yê, ânyë bëte tchë kä ndə̂ azə̈ wâ la tchîsûwu. Azə̈ wä ndjë la Gbölö Gbïɛ̈ kütû balë, tche də̈ Jezü Krîsiti ndə̂ Ndjapä mbô arə gbɛ̂ lə̂ köbosə̂ yê, ânyë azə̈ wâ la tʉ̈rʉ̂ la azə̂ lə̂ köbosə̂ yê.

Gälâte 3:20

Praâbalë earə̂ kə̂ nyikrə tchôtchô kə̂ sə lə̂ gbâtə̂ azü nə̈ la Ndjapä wâbo tə̂ earə̂ kə̂ nyikrə tchôtchô kə̂ sə lə̂ gbâtə̂ akrə balë-a. Dëkë Ndjapä wä kütû balë.

Ëfêze 4:6

Ndjapä wä balë, tche də̈ Bha azü gbɛ̂, tche wä gbïɛ̈ pâ azü gbɛ̂, tche mbö rə lə̂ köbosə̂ azü gbɛ̂, kə̈ sə̂ lə̂ azü gbɛ̂.

Dokʉ̈ Timotë 6:13

Më zäma sə̈ mö tchâtchu Ndjapä ndə̂ tche za tchîsûwu sə̈ arə gbɛ̂, ndjë tchâtchu Jezü Krîsiti ndə̂ tche tô tchôtchô pö tchâtchu Pônse Pïlâte, tə̂ pö ndə̂ su yê ndə̂ tche zâ rə̂ sə̈ Ndjapä.

Aheborö 12:24

Nyë gîtə̂ nyê nə̂ ndola Jezü ndə̂ tche də̂ earə̂ kə̂ nyîkrə tchôtchô kə̂ sə lə̂ gbâtə̂ azü la Ndjapä, lə̂ köbosə̂ Täfo Madɨ̈, la jï yê ndə̂ âtû bëte azü ânyë kə̈ tô pö ârô andə̂ jï Äbêle.

Aheborö 7:25

Bëte rə̂ kä, azü ndə̂ andjë gitə̂ andjê pu Ndjapä lə̂ köbosə̂ yê, tche kä la gbôgbô ndə̂kə̂ tcha andjê tə̂ lëge nə̈ tratralë, bëte tche wä la tchîsûwu ndə̂ logbɛ̂ logbɛ̂ ndə̂kə̂ to pö sə̈ Ndjapä bëte andjê.

Aheborö 8:6

Tə̂ lëge nə̈ Ndjapä zä kua sə̈ Jezü, ârô andə̂ a-earə̂ kə̂ wa ngela sə̈ Ndjapä gbɛ̂. Bëte tche də̈ earə̂ kə̂ nyikrə tchôtchô kə̂ sə lə̂ gbâtə̂ azü la Ndjapä lə̂ köbosə̂ tchôtchô madɨ̈. Tchôtchô madɨ̈ nə̈ lâme krʉ̈ pâ atchôtchô arə ndə̂ Ndjapä zâ bâlâ tə̂ pö ndə̂nə̈.

Aheborö 9:15

Bëte rə̂ kä ndə̂, Krîsiti, lə̂ köbosə̂ ngâ Täfo Madɨ̈, tche də̈ earə̂ kə̂ nyikrə tchôtchô kə̂ sə lə̂ gbâtə̂ Ndjapä la azü. Käko azü ndə̂ Ndjapä ê andjê gbö atchôtchô arə ndə̂ âwâ logbɛ̂ logbɛ̂, ndə̂ tche zâ bâlâ nə̈ tə̂ azü ndə̂ yê. Andjë wä ndə̂kə̂ gbo rə̂ bëte kuzü ndə̂ tche tchû rə̂, bëte rə̂ kä ndə̂ a jî azü lə̂ angbongbo arə ndə̂ andjë mbô rə̂ tchâtchâ Dokʉ̈ Madɨ̈.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Apökälîbïchi 1:13

Lê gûtə̂ ada-lâmba lâme, më wûn ngâ akrə ndə̂ tche kʉ̂tə̂ yê la modô ndə̂ akrə. Tche yü ngâ ngrɨ̈ngrɨ̈ lə̂ba ëtə̂ yê, ânyë kə̈ î tchə̂lə̂ krʉ yê la wû tchêpâ lə̂ba ndə̂ a mbô rə̂ la lôlo.