Dokʉ̈ Timotë 2:4 - Mbëtï Ndjapä: TÄFO MADƗ̈

⁴ Ndjapä nyïndə̂ nə̈ pä azü gbɛ̂ tcha lə̂ kuzü, lakə̂ wunsə̂ lëge pö.

Dokʉ̈ Timotë 2:4 Iomraidhean Croise

Matiyə̈ 28:19

Nyë êë pu azü pâ cho gbɛ̂, kə̂ mbo andjê tə̂ adjisîpili, nyë zä batɛ̂me sə̈ andjê la rə̈ Bha, la rə̈ Modô, la rə̈ Kpɨ̂ki Yingö.

Mâreke 16:15

Pânə̈ Jezü tô rə̂ sə̈ adjisîpili ndə̂ yê päkëdə̂: «Nyë êë kupâ cho gbɛ̂, kə̈ mu Tchôtchô Pö ndə̂ mê sə̈ azü gbɛ̂.

Lûke 1:77

ndə̂kə̂ nyisə̂ köbo sə̈ azü gö ndə̂ yê, ânyë a ko pö lə̂ küma andjê, ânyë andjë tcha lə̂ kuzü.

Lûke 14:23

Käko gbölö akrə nə̈ tô rə̂ sə̈ earə̂ kua ndə̂ yê nə̈ päkëdə̂: ‹Êë kulə̂ ayɛ̈yɛ̈ köbo, kupâ agbadja, kə̂ e azü, kə̂ to rə̂ sə̈ andjê la gbôgbô pä andjë lîlï ndə̂kə̂ pa tchâalê nə̈ sɨ.

Lûke 24:47

Äwäpä a mu pö la rə̈ yê katchôgbɛ̂, ätö bhâ Jerûzalêmo ndjoa ëtə̂ azü tchêbêche gbɛ̂, ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä ko pö lə̂ küma andjê.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 17:17

Amö bata andjê ngbî bëte mö lə̂ köbosə̂ lëge pö. Pö ndə̂ zə̈ wätə̂ lëge pö.

Jâan 6:37

Azü gbɛ̂ ndə̂ Bha kʉ̂ andjê sə̈ mê, andjë ânə pu mê. Ânyë akrə ndə̂ tche nə̂ pu mê, mê groabô tchë atə̂ sûwu balë tee-a.

Rômo 11:14

ndə̂kə̂ mbo rə̂ pä azü pâ mawo ndə̂ mê ajuîfu wa la gbölö su ânyë mê tcha angânə̈ lə̂ gbâtə̂ andjê lə̂ kuzü.

Dokʉ̈ Timotë 4:10

Âdə azə̂ âsə̈ wun yûkü, ndjë âdə azə̈ âsə lakə̂ mbo kʉ̈ʉ̈, bëte azə̈ zä su azə̂ pâ Ndjapä ndə̂ tche wâ la tʉ̈rʉ̂ la yê. Tche wätə̂ earə̂ kə̂ tcha azü gbɛ̂, tə̂ gbogbôsə̂nə̈ tche tchä azü ndə̂ andjë zâ su andjê sə̈ Krîsiti.

Bïchuû Timotë 2:25

Äwäpä tche nyisə̂ rə nyima sə̈ azü ndə̂ andjë kôsə̂ apö ndə̂ yê: Ambêteko, Ndjapä âmboadje rə̂ ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë kə̂ wunsə̂ lëge pö.

Bïchuû Timotë 3:7

Aɛ̈chë nə̈ lâme pu köbo logbɛ̂ ndə̂kə̂ manda rə, praâbalë kə̈ gbôâbo köbo ndə̂kə̂ wunsə̂ lëge pö-a.

Tîte 1:1

Mëmê Pôlo, më wätə̂ earə̂ kua ndə̂ Ndjapä, kə̈ wâ ndjë tə̂ badjângele ndə̂ Jezü Krîsiti. Ndjapä wän mê ndə̂kə̂ pa më ka la azü ndə̂ tche dɨ̂ andjê ânyë andjë zâ su andjê sə̈ Jezü, ndə̂kə̂ pa andjë wunsə̂ lëge pö gundə̂sə̂ kə̂ zatə̂ andjê gbɛ̂ sə̈ Ndjapä,

Tîte 2:11

Bëte Ndjapä nyïsə̂ tchôtchô su yê sə̈ azü gbɛ̂ ndə̂kə̂ pa lə̂ köbosə̂ nə̈, azü gbɛ̂ gbo köbo ndə̂kə̂ tcha lə̂ kuzü.

Aheborö 10:26

Bëte âdə azə̂ âwunsə̂ alëge pö gbɛ̂, ânyë gbô azə̂ ndə̂po lakə̂ mbo ngbongbo rə batə̂ su azə̂ nyîndə̂ nə̈, ngâ ngela ngbî ndə̂kə̂ djutu ngbongbo rə ndə̂ azə̂ nə̈ wâbo-a.

Jâke 3:14

Praâbalë âdə nyê âwa la kïkï gbölö su, ndjë la gʉ ndə̂kə̂ wa gbölö tə̂ angâ nyê, nyë bhïäbô gogo nyê bhî ämbänə̈-ê, lakə̂ mo yepa ndə̂kə̂ ndɨ köbo lëge pö-ê.

Bïchuû Pîêre 3:9

Rə ndə̂ Gbölö Gbïɛ̈ zâ bâlâ tə̂ pö ndə̂nə̈, tche chîabo ndə̂kə̂ mbo rə̂-a, batə̂ angânə̈ to tchê rə̂. Tche rʉ̈ätə̂ su yê la nyê bëte tche nyîâbo ndə̂nə̈ pä angânə̈ lə̂ gbâtə̂ nyê tchu-a, praâbalë tche nyïndə̂ nə̈ pä azü gbɛ̂ gbotə̂ bəndɨ kə̂ mbo rə ndə̂ andjê.

Bïchuû Jâan 1:1

Mëmê Jâan, kpôkpô akrə ndə̂ Egilîze kä ndə̂ âwân mbëtï âtə sə̈ mö ndə̂ Ɛ̈chë la abechë ndə̂ zə̈, ndə̂ Ndjapä dɨ̂ mö, ndə̂ më nyîndə̂ zə̈ tə̂ lëge nə̈ gbɛ̂. Âdə̂âbo mëmê la kütû mê kä ndə̂ ânyîndə̂ nyê-a. Praâbalë azü gbɛ̂ ndə̂ andjë wûnsə̂ lëge pö kä ndə̂ ânyî ndjë ndə̂ nyê.

Apökälîbïchi 14:6

Pânə̈ më wûn ngâ ânje ndə̂ tche sə̂ lakə̂ wrʉ ngrɨ̈ lə̂ gûgû tchə̂lə̂ɛtchô, tche wä la Tchôtchô Pö ndə̂ logbɛ̂ logbɛ̂ ndə̂ tche wâ ndə̂kə̂ mu rə̂ sə̈ azü gbɛ̂ ndə̂ andjë mbô gö pâ cho, pâ amawo gbɛ̂, lə̂ ama gö gbɛ̂ la azü gö gbɛ̂.