Dokʉ̈ Timotë 2:10 - Mbëtï Ndjapä: TÄFO MADƗ̈

¹⁰ Praâbalë äwäpä andjë nyisə̂ kə̂ fu ndə̂ andjê lə̂ köbosə̂ kə̂ mbo tchôtchô rə. Rə ndə̂ aɛ̈chë ndə̂ andjë zâtə̂ andjê sə̈ Ndjapä wâ ndə̂kə̂ mbo rə̂ kä lâme.

Dokʉ̈ Timotë 2:10 Iomraidhean Croise

Abadjângele 9:36

Lə̂ gbölö gö ndə̂ Jopë, ngâ ɛ̈chë ndə̂ tche wâtə̂ djisîpili ndə̂ Jezü kä tâ ndə̂ rə̈ yê wû pä Tabïta. Rə̈ yê la ma gerêke wä pä Dörökâse, ndə̂ ânyîndə̂ kə̂ to rə̂ pä «mbölë». Tche zätə̂ yê gbɛ̂ ndə̂kə̂ mbo tchôtchô rə tə̂ azü, ndə̂kə̂ za könô sə̈ a-earə̂ yûkü.

Abadjângele 9:39

Pîêre âlafô gasa kə̈ gû la andjê. Ndə̂ tche âsə̈ wutu bhâye, andjë â la tchë dələ̂ darə də lafô. Aɛ̈chë lə̂ ndavrö gbɛ̂ pâlatə̂ andjê ndrotə̂ Pîêre lakə̂ kɨ. Andjë sə̈ lakə̂ nyisə̂ akrʉ lə̂ba la angrɨ̈ngrɨ̈ alə̂ba ndə̂ Dörökâse sɨ̂ rə̂ sə̈ andjê sə̂nə̈ ndə̂ gbô tchë sə̂ alême la tʉ̈rʉ̂ la yê.

Ëfêze 2:10

Bëte Ndjapä kä ndə̂ âmbô azə̂, a mbö azə̂ lə̂ köbosə̂ kə̂ wa balë ndə̂ azə̂ la Jezü Krîsiti, ndə̂kə̂ pa azə̈ mbo atchôtchô arə ndə̂ tche nyikrə rə̂ dokʉ̈tchê ndə̂kə̂ pa azə̈ mbo rə̂.

Dokʉ̈ Timotë 2:11

Âdə a âsə̈ nyisə̂ rə sə̈ aɛ̈chë, äwäpä andjë sə gii-ï, kə̂ zatə̂ andjê gbɛ̂ ndə̂kə̂ dje earə̂ kə̂ nyisə̂ rə nə̈.

Dokʉ̈ Timotë 2:9

Âdə andə̂ aɛ̈chë, äwäpä andjë yu lə̂ba la köbo nə̈, lə̂ba ndə̂ a lusə̂ andjê la rə̂, ndə̂ âwâtə̂ mbämbä lə̂ba. Âwâbo pä andjë ngbo küma andjê la angâ arə kulə̂ nə̈-a, kə̂ yuabô arə ndə̂ lôlo yû ëtə̂ andjê, kə̂ yuabô akɨ̂dji yû-î, la alə̂ba ngbâ gbölö makətche-ê.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Bïchuû Pîêre 3:11

Ndə̂ arə lâme gbɛ̂ wâ ndə̂kə̂ rôrö lâme, käko äwäpä nyë wunsə̂ rə ndə̂ nyë wâ ndə̂kə̂ mbo rə̂! Äwäpä nyë watə̂ azü ndə̂ andjë dâka gbɛ̂, kə̂ zatə̂ nyê gbɛ̂ sə̈ Ndjapä.

Apökälîbïchi 2:19

Më wûnsə̂ akua ndə̂ zə̈ nə̂, lakə̂ nyində̂ ngâ ndə̂ zə̈, la su zə̈ ndə̂ mo zâ rə̂ sə̈ Ndjapä, la tchôtchô rə ndə̂ mo mbo rə̂ tə̂ azü, lakə̂ rʉatə̂ su zə̈. Më wûnsə̂ nə̈ nə̂ pä akua ndə̂ zə̈ ndə̂ mo mbô rə̂ angaâtə ngbä kə̈ rô anə̈ ndə̂ mo mbô rə̂ dokʉ̈tchê.