Dokʉ̈ Timotë 1:9 - Mbëtï Ndjapä: TÄFO MADƗ̈

⁹ Äwäpä azə̈ djë tchə̂lə̂ pö atə̂ djîrə̂: Ndïɛ̈ wâbo bëte azü ndə̂ andjë mbo djîrə̂ rə-a, praâbalë äwä bëte azü ndə̂ andjë kosə̂ ndïɛ̈ la azü ndə̂ andjë kôsə̂ Ndjapä, la a-earə̂ ngbongbo su, la a-earə̂ ngbongbo rə, la azü ndə̂ andjë kpêâbô wa Ndjapä kpê-ê, ndə̂ andjë mbôâbô wa rə ndə̂ âwâ ngbî bëte Ndjapä mbô-ê, la azü ndə̂ andjë wôn arabha andjê, la azü ndə̂ andjë wôn araanyï andjê, la a-earə̂ kə̂ won azü,

Dokʉ̈ Timotë 1:9 Iomraidhean Croise

Matiyə̈ 10:21

Ngâ yîngâ yoadje sə̂ yîngâ yê ndə̂kə̂ pa a won tchë, bha mboadje ndjë tâ käko tə̂ bechë ndə̂ yê. Abechë âadje lafô tə̂ arabha andjê la araanyï andjê, kə̂ mbo rə̂ ndə̂kə̂ pa a wa ngbanga kuzü lə̂ küma andjê.

Rômo 1:30

andjë tö angbongbo apö la rə̈ angâ andjê, andjë kösə̂ Ndjapä, andjë wätə̂ a-earə̂ kə̂ dro tchô, andjë wüntə̂ andjê gbölö kə̈ rô azü gbɛ̂, andjë bhï gogo andjê tə̂ gbölösə̂nə̈, andjë pü köbo gbɛ̂ ndə̂kə̂ mbo kütû angbongbo rə, andjë djêâbo pö ma arabha la araanyï andjê-a.

Rômo 4:13

Ndjapä zä bâlâ alême tə̂ Abrahâmo ndjë la azü pâ mawo ndə̂ yê pä tchêbêche wadje tə̂ andə̂ andjë nə̈. Ndjapä mbôâbo rə̂ tə̂ pö ndə̂nə̈ ndə̂ Abrahâmo mbô rə gundə̂sə̂ ndïɛ̈-a. Tche mbö rə̂ bëte tche wün Abrahâmo batə̂ djîrə̂ akrə lə̂ köbosə̂ kə̂ za su yê sə̈ Ndjapä.

Rômo 5:20

Ndïɛ̈ nə̈ ndə̂kə̂ mbo rə̂ pä ngbongbo rə ndə̂ azü ro masə̂nə̈. Praâbalë sə̂ tchô ndə̂ ngbongbo rə ro masə̂nə̈, tchôtchô su ndə̂ Ndjapä rö masə̂nə̈ tə̂ gbölösə̂nə̈.

Rômo 6:14

Tə̂ lëge nə̈, ngbongbo rə ka wabô la kümändëmä pâ nyê tee-a, bëte rə̂ ndə̂ nyë kä wâbo tchâtchâ ndïɛ̈-a, praâbalë nyë wä tchâtchâ tchôtchô su ndə̂ Ndjapä.

Gälâte 3:19

Käko bëte giamâ kä ndə̂ Ndjapä zâ ndïɛ̈? Ndjapä zä ndïɛ̈ nə̈ ëpâ kə̂ za bâlâ ndə̂ tche zâ rə̂. Tche zä rə̂ ndə̂kə̂ nyisə̂ bəndɨ kə̂ mbo rə ndə̂ azü zoo ëtə̂ kə̂ wutu ndə̂ akrə pâ mawo ndə̂ Abrahâmo, ndə̂ tche zâ bâlâ tə̂ pö ndə̂ yê. Ndjapä zä ndjë ndïɛ̈ ndə̂ yê lə̂ köbosə̂ aânje sə̈ ngâ akrə ndə̂ tche wâtə̂ earə̂ kə̂ sə lə̂ gbâtə̂ Ndjapä la azü.

Gälâte 5:18

Praâbalë âdə Yingö ânyisə̂ köbo sə̈ nyê, nyë sə̂âbo tchâtchâ ndïɛ̈-a.

Gälâte 5:21

kə̂ mbo gʉ rə ndə̂ akrə, kə̂ ndjo rə lakə̂ zɨ rə âro masə̂nə̈ lə̂ akpülü, la angâ arə ndə̂ âwâ batə̂ rə̂. Më tô pö lâme sə̈ nyê dokʉ̈tchê nə̂, ânyë kə̂ kä to rə̂ âtə: Azü ndə̂ andjë mbo tə̂ arə käko, andjê gboabô tchô lə̂ Gbölö gö-gbïɛ̈ ndə̂ Ndjapä tee-a.

Gälâte 5:23

kə̂ mbo rə nyima-ë, ndjë lakə̂ kitə̂ gʉ tə̂ su akrə la tə̂ yê. Ndïɛ̈ kôâbo sə̂ arə käko lâme-a.

Bïchuû Tësälönîke 2:8

Käko Ngbongbo akrə lâme âmadje tə̂ yê, Gbölö Gbïɛ̈ Jezü won-adje tchë lə̂ köbosə̂ yi tchə̂lə̂ ma yê. Tchê ndɨadje Ngbongbo akrə lâme lə̂ köbosə̂ sɨ̂nyî ndə̂kə̂ ka ndə̂ yê.

Dokʉ̈ Timotë 4:7

Amö dje tchêngbâ zə̈ tə̂ angbongbo andə̂ma pö ndə̂ âwâ ngbî tə̂ pö ndə̂kə̂ za su sə̈ Krîsiti lâme-ê, praâbalë amö zatə̂ zə̈ gbɛ̂ sə̈ Ndjapä.

Dokʉ̈ Timotë 6:20

Timotë, amö bata rə ndə̂ Ndjapä gbôtâ ëtchânə̂ zə̈ lâme. Amö kpe tə̂ awünwün apö ndə̂ âwa ngbî tə̂ pö ndə̂kə̂ za su sə̈ Krîsiti lâme. Amö kpe ndjë tə̂ apö kə̂ gama pâ angbongbo kə̂ wunsə̂ rə.

Bïchuû Timotë 2:16

Amö kpe tə̂ awünwün apö ndə̂ âwâ ngbî tə̂kə̂ zatə̂ andjê gbɛ̂ sə̈ Ndjapä lâme. Bëte azü ndə̂ andjë zâtə̂ andjê lakə̂ dɨ awünwün apö nə̈ lâme, andjê eadje atə̂ tchâtchu nə̈ kütû lə̂ köbosə̂ kə̂ wa ngbî tə̂ pö ndə̂kə̂ zatə̂ andjê gbɛ̂ sə̈ Ndjapä lâme.

Bïchuû Timotë 3:2

Bëte azü wadje tə̂ a-earə̂ kpɨ̂tɨ̈, azü ndə̂ andjë wa la gʉ makətche, azü ndə̂ andjë nyisə̂ tə̂ andjê, azü ndə̂ andjë bhi gogo andjê, a-earə̂ kə̂ dro tchô, azü ndə̂ andjë kosə̂ araanyï la arabha andjê, azü ndə̂ andjë wûn-âbo wûnsə̂ kə̂ za ayîabâ-ê, azü ndə̂ andjë mbôâbo wa arə ndə̂ âwâ ngbî bëte Ndjapä mbô-ê.

Tîte 1:10

Angâ angbängbä azü kä tâ ndə̂ andjë kôsə̂ kə̂ dje ma, andjë dɨ̈ awünwün apö lakə̂ bôlo azü. A gbö azü nə̈ lâme tə̂ gbogbôsə̂nə̈ lə̂ gbâtə̂ ajuîfu ndə̂ andjë zâ su andjê sə̈ Krîsiti.

Tîte 1:16

Andjë tö rə̂ la ma andjê pä, anyë wûnsə̂ Ndjapä nə̂, dëkë kua ndə̂ andjê nyïsə̂ nə̈ pä andjë vûsə̂ yê nə̂. Ngbongbo rə ndə̂ andjê rö masə̂nə̈, azü ndə̂ andjë kôsə̂ Ndjapä, andjë wâbo ndjë ndə̂kə̂ mbo tchôtchô rə balë-a.

Tîte 1:6

Âwâbo pä a gbo ngâ pö ndə̂kə̂ gbɨtɨ tü balë lə̂ küma ngâ kpôkpô akrə-a, äwäpä tche watə̂ köchë ndə̂ ɛ̈chë kütû balë, äwäpä abechë ndə̂ yê watə̂ azü ndə̂ Krîsiti, ânyë âwâbo pä a yi pö lə̂ küma andjê tə̂ pö ndə̂ mbə̈lï-a, la pö ndə̂kə̂ kosə̂ ma-a.

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.

Aheborö 11:31

Lə̂ köbosə̂ kə̂ za su sə̈ Ndjapä, Rahâbo, ɛ̈chë ndə̂ kua ndə̂ yê wâ ndə̂kə̂ pu aköchë tchûâbo la azü ndə̂ andjë kôsə̂ Ndjapä-a, bëte azü ndə̂ a wân andjê tchâkabû ndə̂kə̂ wun gö nə̈, tche kʉ̈ andjê bhândə̂ yê tə̂ tchôtchô nə̈.

Aheborö 12:16

La nyê gbö-ê, ânyë akrə balë lə̂ gbâtə̂ nyê puabô aɛ̈chë âdəndjë aköchë pû katchôgbɛ̂! Nyê lüsə̂ arə ndə̂ âwâtə̂ andə̂ Ndjapä. Nyê mbôâbô rə mbô batə̂ Ezawü ndə̂ tche yôsə̂ tchô ndə̂ yê ndə̂ dokʉ̈ bechë bëte kalângʉ balë ndə̂ kɨ̈zɨ̂ lâme-ê.

Dokʉ̈ Pîêre 2:7

Âdə andə̂ nye nə̈ azü ndə̂ Ndjapä, täme nə̈ lü lə̂ la nyê, praâbalë andə̂ andjanə̈ ndə̂ andjë kôsə̂ Ndjapä, «täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈.»

Dokʉ̈ Pîêre 3:20

Andjanə̈ ndə̂ andjë kôsə̂ pö ma Ndjapä alême, sə̂nə̈ ndə̂ tche rʉ̂âtə̂ su yê ndə̂kə̂ krʉ bëte andjê pä andjë ka pu tchë tə̂ lo nə̈ ndə̂ Nowë mbô âreche. Kütû kpîɛ̂kpîɛ̂ kə̂ ngba ndə̂ azü mïndûu manə̈ vötaâ kä ndə̂ âlî lə̂nə̈, ânyë Ndjapä tchâ andjê lə̂ köbosə̂ ngû.

Dokʉ̈ Pîêre 4:18

Batə̂ rə̂ ndə̂ Mbëtï Ndjapä tö rə̂ päkëdə̂: «Âdə sə̂ rə nə̈ âka tə̂ djîrə̂ akrə ndə̂kə̂ tcha lə̂ kuzü, andə̂ earə̂ ngbongbo su la earə̂ ngbongbo rə âdə atöko?»

Jûde 1:15

ndə̂kə̂ wa ngbanga pâ azü ndə̂ tchêbêche gbɛ̂. Azü ndə̂ andjë wâtə̂ a-earə̂ ngbongbo rə, tchê wadje ngbanga pâ andjê bëte angbongbo rə gbɛ̂ ndə̂ andjë mbô rə̂ tə̂ yê. Azü ndə̂ andjë to angbongbo apö pu tchë, tchê wadje ngbanga pâ andjê bëte angbongbo pö ndə̂ andjë tô rə̂ tə̂ yê.»

Apökälîbïchi 21:8

Andə̂ a-earə̂ gbugbu la azü ndə̂ andjë zâbô su andjê zâ sə̈ Ndjapä la a-earə̂ ngbongbo rə la a-earə̂ kə̂ won tchô la a-earə̂ kə̂ pu aɛ̈chë âdəndjë aköchë katchôgbɛ̂ la a-earə̂ yëwä la a-earə̂ kə̂ voga angakʉ̈lä la a-earə̂ yepa gbɛ̂; tchô ndə̂ andjê kä bhâlə̂ gbölö tïmï wo ndə̂ sûfre, ndə̂ âwâtə̂ bïchuû kuzü.»

Apökälîbïchi 22:15

Praâbalë a âyiadje azü kâkë atə̂ sûwu: Azü ndə̂ andjë mbo rə batə̂ aɛ̈vrô la a-earə̂ yëwä la azü ndə̂ andjë pu aɛ̈chë âdəndjë aköchë katchôgbɛ̂ la a-earə̂ kə̂ won azü la a-earə̂ kə̂ voga angakʉ̈lä la akrə balë balë gbɛ̂ ndə̂ tche nyîndə̂ yepa lakə̂ mo yepa!