Dokʉ̈ Timotë 1:4 - Mbëtï Ndjapä: TÄFO MADƗ̈

⁴ Amö to rə̂ sə̈ andjê pä andjë zabô tə̂ andjê zâ ndə̂kə̂ dɨ andə̂ma apö yepa-ê, lakə̂ dɨ arə̈ angbängbä araâta andjê-ê. Arə lâme mbö rə̂ pä azü gama andjê lə̂ gbâtə̂ andjê, praâbalë âdə̂âbo rə ndə̂ su Ndjapä nyîndə̂ nə̈ kä lâme-a, ndə̂ a wunsə̂ nə̈ lə̂ köbosə̂ kə̂ za su sə̈ Ndjapä.

Dokʉ̈ Timotë 1:4 Iomraidhean Croise

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Ëfêze 3:2

Nyë wûnsə̂ nə̈ nə̂ tə̂ lëge nə̈ pä lə̂ köbosə̂ tchôtchô su ndə̂ Ndjapä, tche zä kua ndə̂ tche nyîkrə rə̂ dokʉ̈tchê sə̈ mê ndə̂kə̂ mbo rə̂ tə̂ pö ndə̂ nyê.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Dokʉ̈ Timotë 4:7

Amö dje tchêngbâ zə̈ tə̂ angbongbo andə̂ma pö ndə̂ âwâ ngbî tə̂ pö ndə̂kə̂ za su sə̈ Krîsiti lâme-ê, praâbalë amö zatə̂ zə̈ gbɛ̂ sə̈ Ndjapä.

Dokʉ̈ Timotë 6:11

Âdə andə̂ zə nə̈, akrə ndə̂ Ndjapä, amö kpe tə̂ arə lâme gbɛ̂. Amö pu köbo djîrə̂ rə, kə̂ zatə̂ zə̈ gbɛ̂ sə̈ Ndjapä, kə̂ za su zə̈ sə̈ Krîsiti, kə̂ nyində̂ ngâ, kə̂ mbo rə nyima-ë.

Dokʉ̈ Timotë 6:20

Timotë, amö bata rə ndə̂ Ndjapä gbôtâ ëtchânə̂ zə̈ lâme. Amö kpe tə̂ awünwün apö ndə̂ âwa ngbî tə̂ pö ndə̂kə̂ za su sə̈ Krîsiti lâme. Amö kpe ndjë tə̂ apö kə̂ gama pâ angbongbo kə̂ wunsə̂ rə.

Bïchuû Timotë 2:14

Apö lâme gbɛ̂, äwäpä mo ka tô tchêndə̂ nə̈, kə̂ to rə̂ sə̈ andjê tchâtchu Ndjapä ndə̂kə̂ pa andjë gbotə̂ kə̂ po tə̂ pö ndə̂ ada pö-ê. Ngâ rə balë wâbo lə̂kə̂ po nə̈ lâme-a, praâbalë ändɨ̈ andjanə̈ ndə̂ andjë dje rə̂.

Bïchuû Timotë 2:22

Amö kpe tə̂ gʉ arə ndə̂ âmbo abechë-ɛ̈köchë la abechë-ɛ̈chë lâme. Pu köbo ndə̂kə̂ mbo djîrə̂ rə, kə̂ za su zə̈ sə̈ Krîsiti, kə̂ nyində̂ ngâ, kə̂ sə la zɨtɨ su la azü ndə̂ nyê e rə̈ Gbölö Gbïɛ̈ la andjê, la grôgrô su.

Bïchuû Timotë 2:23

Praâbalë awünwün apö ndə̂ âwâtə̂ angbɨ̈lə̈ nə̈ lâme, amö kosə̂ nə̈-ê. Bëte mo wûnsə̂ nə̈ nə̂ pä apö käko mbö rə̂ pä azü po la angâ andjê.

Bïchuû Timotë 4:4

Andjê beadje tü andjê ndə̂kə̂ dje lëge pö, ânyë kə̂ dekadje tü andjê ndə̂kə̂ dje andə̂ma pö.

Tîte 1:1

Mëmê Pôlo, më wätə̂ earə̂ kua ndə̂ Ndjapä, kə̈ wâ ndjë tə̂ badjângele ndə̂ Jezü Krîsiti. Ndjapä wän mê ndə̂kə̂ pa më ka la azü ndə̂ tche dɨ̂ andjê ânyë andjë zâ su andjê sə̈ Jezü, ndə̂kə̂ pa andjë wunsə̂ lëge pö gundə̂sə̂ kə̂ zatə̂ andjê gbɛ̂ sə̈ Ndjapä,

Tîte 1:14

Âwâbo pä andjë dje andə̂ma pö ndə̂ ajuîfu lâme-a, la andïɛ̈ ndə̂ azü ndə̂ andjë djê tchêngbâ andjê tə̂ lëge pö lâme.

Tîte 3:9

Praâbalë amö kpe tə̂kə̂ pu dju arə ndə̂ âwâtə̂ wünwün nə̈, lakə̂ dɨ rə̈ araâta, lakə̂ po, lakə̂ gama pâ apö ndə̂ ndïɛ̈, bëte ngâ rə balë wâbo lə̂ arə lâme-a, kütû awünwün apö kä.

Aheborö 13:9

Âwâbo pä nyë gbotə̂ köbo sə̈ azü, andjë bolo nyê lakə̂ nyisə̂ angâ apö ngbî ngbî sə̈ nyê-a, bëte äwäpä su nyê kpokpo tə̂ yê lə̂ köbosə̂ tchôtchô su ndə̂ Ndjapä, âdə̂âbo tə̂ pö ndə̂ kɨ̈zɨ̂-a. Azü ndə̂ andjë bata ndïɛ̈ ndə̂ kɨ̈zɨ̂ lâme, andjë gbôâbo ngâ rə ngbânə̈ balë-a.

Bïchuû Pîêre 1:16

Tə̂ lëge nə̈, âwâbo lə̂ köbosə̂ ndə̂ma tro, la apö ndə̂kə̂ rɨ̈ tchə̂lə̂ küma azü kä ndə̂ ârâ nyîsə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la gbôgbô-a, praâbalë ârâ wün kə̂ wa gbölö ndə̂ yê la lala ârâ.