Dokʉ̈ Timotë 1:3 - Mbëtï Ndjapä: TÄFO MADƗ̈

³ Batə̂ rə̂ ndə̂ më yûkû nə̈ alême sə̈ mö ndə̂ mê âsə̈ ro atə̂ Mäsëdöâne lâme, amö sə po bhâ Ëfêze. Angâ azü bhâye ndə̂ andjë nyisə̂ rə ndə̂ âwâ ngbî tə̂ pö Ndjapä lâme, amö dacho la andjê.

Dokʉ̈ Timotë 1:3 Iomraidhean Croise

Abadjângele 18:19

Andjë wûtu bhâ Ëfêze, Pôlo gbôtə̂ Äkïlâse la Prïsîye tchâme. Tche ê atə̂lə̂ nda kə̂ voga Ndjapä ndə̂ ajuîfu kə̈ sə̂ lakə̂ to pö sə̈ ajuîfu.

Abadjângele 18:21

Ndə̂ tche gbôtə̂ andjê ndə̂kə̂ ro, tche tô rə̂ sə̈ andjê päkëdə̂: «Âdə Ndjapä ânyində̂ nə̈, mê kadje tə̂ngâlo ndə̂kə̂ wun nyê.» Tche â lə̂ batöo bhâ Ëfêze kə̈ rô etə̂.

Rômo 15:26

Bëte azü ndə̂ Mäsëdöâne la andjanə̈ ndə̂ Akayï nyîkrə rə̂ tə̂ su andjê ndə̂kə̂ pala makətche ndə̂kə̂ wan rə̂ sə̈ azü ndə̂ Ndjapä bhâ Jerûzalêmo ndə̂ andjë sə̂ lə̂ nyonyo.

Rômo 16:17

Arə̂mä, rə ndə̂ mê yûkû nə̈ sə̈ nyê kä âtə: La nyê gbö tə̂ azü ndə̂ andjë nə la apö ndə̂ âkrʉ tchə̂lə̂ azü la apö ndə̂ âmbo rə̂ pä azü te lə̂ ngbongbo rə. Azü nə̈ gbôtə̂ köbo pö ndə̂ ârâ nyîsə̂ nə̈ sə̈ andjê lâme nə̂. Nyë gïtə̂ nyê tə̂ azü lâme bhâchï.

Bïchuû Körɛ̂nte 11:4

Bëte nyë rʉ̈ätə̂ su nyê la azü ndə̂ andjë nə̂ ndə̂kə̂ mu pö sə̈ nyê pâ ngâ Jezü ngbî tə̂ Jezü ndə̂ ârâ mû pö ndə̂ yê sə̈ nyê lâme. Nyë kä ndjë tchêtchêtchê ndə̂kə̂ nyində̂ ngâ yingö ngbî tə̂ Yingö ndə̂ nyë gbô tchë dokʉ̈tchê lâme. Nyë kä ndjë tchêtchêtchê ndə̂kə̂ gamba ngâ tchôtchô pö ngbî tə̂ Tchôtchô Pö ndə̂ nyë djê rə̂ dokʉ̈tchê!

Ëfêze 4:14

Käko azə̂ kä wa bata batə̂ ayɛ̈yɛ̈ abechë tee-a, ndə̂ andjë wâ batə̂ külû la ngû ndə̂ kpabe sə lakə̂ e la rə̂ katchôgbɛ̂ lâme ndə̂, kə̂ nyisə̂ rə ndə̂ a-earə̂ yepa la a-earə̂ kə̂ bolo azü wâ batə̂ yi ndə̂ âro la andjê dəkalâ dəkalâ lâme.

Fïlîpe 2:24

Âdə Gbölö Gbïɛ̈ ânyində̂ nə̈, mëmê ndjë gbɛ̂ mê nəadje lə̂ angâ alö.

Dokʉ̈ Timotë 4:11

Rə ndə̂ âwâ pä mo zama tə̂ pö ndə̂nə̈, lakə̂ nyisə̂ nə̈ kä lâme.

Dokʉ̈ Timotë 4:6

Amö nyisə̂ rə lâme gbɛ̂ sə̈ arə̂mâ, käko mô wadje tə̂ tchôtchô earə̂ kua ndə̂ Jezü Krîsiti. Mô nyiadje sə̂nə̈ pä tchə̂lə̂ zə̈ sɨ̂sɨ̈ la apö ndə̂kə̂ za su sə̈ Krîsiti, la tchôtchô kə̂ nyisə̂ rə ndə̂ mo zâ tchêngbâ nə̈ djîrə̂ lâme.

Dokʉ̈ Timotë 5:7

Arə ndə̂ âwâ pä mo zama tə̂ pö ndə̂nə̈ kä lâme, ânyë a gboabô ngâ pö gbô balë ndə̂kə̂ gbɨtɨ tü aɛ̈chë lə̂ ndavrö la rə̂-ê.

Dokʉ̈ Timotë 6:10

Bëte chëchë angbongbo arə balë balë gbɛ̂ də̈ kə̂ nyində̂ makətche. Angâ azü gbötə̂ köbo, kə̂ ê tʉ̂rʉ tə̂ su andjê ndə̂ andjë zâ rə̂ sə̈ Krîsiti tə̂ pö ndə̂ kə̂ nyində̂ makətche. Andjë zä nyonyo tə̂ su andjê la tə̂ andjê lə̂ köbosə̂ tchə̂lə̂ küma andjê ndə̂ âdjîngɨli.

Dokʉ̈ Timotë 6:17

Andə̂ a-earə̂ kə̂ gbo arə tchêbêche âtə, amö zama sə̈ andjê pä andjë bhiabô gogo andjê bhî, kə̂ zabô su andjê zâ pâ kə̂ gbo rə ndə̂ tchêbêche, ndə̂ âchiabô chî lâme-ê. Praâbalë äwäpä andjë za su andjê pâ Ndjapä, tchetchë ndə̂ tche kʉ arə gbɛ̂ sə̈ azə̂ tə̂ gbölösə̂nə̈, ndə̂kə̂ pa su azə̂ wa la mômô lə̂ köbosə̂ nə̈.

Dokʉ̈ Timotë 6:3

Âdə ngâ akrə ânyisə̂ ngâ pö ngbî, ânyë kə̈ zâbô tə̂ yê zâ tə̂ alëge apö ndə̂ Gbölö Gbïɛ̈ ndə̂ azə̂ Jezü Krîsiti-î, lakə̂ nyisə̂ rə ndə̂ âwâbô wâ gundə̂sə̂ apö ndə̂kə̂ zatə̂ andjê sə̈ Ndjapä-ê,

Bïchuû Timotë 1:18

Äfü pä Gbölö Gbïɛ̈ Jezü za rə̂ sə̈ tchë ndə̂kə̂ gbo dâkâ ndə̂ Gbölö Gbïɛ̈ Ndjapä tə̂ lo nə̈ lâme. Atchôtchô arə gbɛ̂ ndə̂ tche mbô rə̂ tə̂ mê bhâ Ëfêze lâme, mo wünsə̂ nə̈ ârô adɨ̂ azü gbɛ̂.

Bïchuû Jâan 1:7

A-earə̂ yepa zâ tchêpâ cho nə̂ gbɛ̂: Andjë kösə̂ nə̈ pä Jezü Krîsiti nə̂âbo atə̂ bêche âtə batə̂ lëge akrə-a. Akrə ndə̂ tche tô pö käko, dëkë tche wätə̂ earə̂ yepa, kə̈ wâ ndjë tə̂ earə̂ kə̂ kosə̂ Krîsiti.

Apökälîbïchi 2:14

Praâbalë angâ arə kä tâ ndə̂ më nyîndə̂ kə̂ gbɨtɨ tü zə̈ pânə̈: Angâ azü kä bhândə̂ zə̈ ndə̂ andjë zâ tchêngbâ Bälâme lakə̂ nyisə̂ rə ndə̂ yê. Bälâme zä wängö alême sə̈ Bälâke ndə̂kə̂ pa tche dro kû tə̂ abechë gö ndə̂ Isarayële lakə̂ zro andjê ndə̂kə̂ pa andjë zɨ gûsû ndə̂ a wâ rə̂ la ngela sə̈ angakʉ̈lä, ndjë ndə̂kə̂ gbotə̂ köbo lëge Ndjapä.

Apökälîbïchi 2:20

Praâbalë rə ndə̂ më nyîndə̂ kə̂ gbɨtɨ tü zə̈ pânə̈ də̈ rə̂ ndə̂: Mo gbötə̂ köbo sə̈ Jëzäbêle, ɛ̈chë lâme ndə̂ tche tô rə̂ pâ anyë sə̈ lakə̂ to ndə̂ma Ndjapä. Tche mbö rə̂ pä köbo yu tə̂ azü ndə̂ mê, kə̈ sə̂ lakə̂ nyïsə̂ köbo sə̈ andjê ndə̂kə̂ gbotə̂ köbo lëge Ndjapä, lakə̂ zɨ kɨ̈zɨ̂ ndə̂ a wâ rə̂ la ngela sə̈ angakʉ̈lä.