Dokʉ̈ Timotë 1:20 - Mbëtï Ndjapä: TÄFO MADƗ̈

²⁰ Lə̂ gûtə̂ azü nə̈ lâme, a gbö Imenë la Alegezândere. Më gbötə̂ andjê tchânə̂ Satäa, ndə̂kə̂ pa andjë ka tôâbô angbongbo pö tô tə̂ Ndjapä-ê.

Dokʉ̈ Timotë 1:20 Iomraidhean Croise

Matiyə̈ 18:17

Âdə tche âkosə̂ kə̂ dje andjê, amö to ndə̂ma pö nə̈ sə̈ azü ndə̂ Egilîze. Âdə tche âkosə̂ kə̂ dje azü ndə̂ Egilîze, amö wun tchë batə̂ akrə ndə̂ tche wûn-âbô sə̂ Ndjapä wûn-î, wun tchë batə̂ earə̂ kə̂ pala makətche-lapöo lə̂ la zə̈.

Abadjângele 13:45

Ndə̂ ajuîfu wûn kpûlû azü nə̈, andjë wâ la gbölö su, ânyë andjë sə̂ lakə̂ kosə̂ apö ndə̂ Pôlo ânyë kə̈ sə̂ lakə̂ dro tchë.

Abadjângele 19:33

Angâ azü lə̂ kpûlû azü nə̈ nyîsə̂ dju pö nə̈ sə̈ Alegezândere, ndə̂ ajuîfu nyîsə̂ yê lə̂ la azü gbɛ̂ ndə̂kə̂ to pö lə̂ kpâlâ andjê. Tche mbô könô yê sə̈ azü nə̈ ndə̂kə̂ pa andjë sə gii ânyë tche nyisə̂ dju pö nə̈ sə̈ andjê.

Dokʉ̈ Körɛ̂nte 11:32

Praâbalë Gbölö Gbïɛ̈ wä ngbanga ndə̂ azə̂, kə̈ gbɨ̂tɨ tu azə̂ ânyë kə̈ wâbô ngbanga wâ lə̂ küma azə̂ la adɨ̂ azü tchêbêche âtə-ê.

Bïchuû Körɛ̂nte 10:6

Âdə nyë âmbo rə gundə̂sə̂ pö ma Krîsiti djîrə̂ nə̂, ârâ âsə tchêtchêtchê ndə̂kə̂ wa ngbanga lə̂ küma azü ndə̂ andjë kôsə̂ pö.

Bïchuû Körɛ̂nte 13:10

Bëte rə̂ kä ndə̂ gbô mê sə̂ ngrɨ̈ tə̂ nyê, kə̈ mbô mbëtï âtə ndə̂kə̂ wan rə̂ sə̈ nyê. Käko âdə mê âwutu bhâye, kə̂ hroabô hrô la nyê-ê lə̂ köbosə̂ gbôgbô ndə̂ Gbölö Gbïɛ̈ zâ rə̂ sə̈ mê ndə̂kə̂ mbo rə̂ pä Egilîze ndə̂ nyê kpokpo tə̂ yê, âdə̂âbo ndə̂kə̂ ndɨ rə̂ ndɨ̈-a.

Bïchuû Tësälönîke 3:15

Nyë wün-äbô tchë wûn batə̂ earə̂ kə̂ kosə̂ nyê-ê, praâbalë nyê gbɨ̈tɨ tü yê batə̂ ngâ nyê akrə lə̂ Krîsiti.

Dokʉ̈ Timotë 5:15

Bëte angâ aɛ̈chë lə̂ ndavrö gbôtə̂ tchôtchô köbo nə̂, ânyë kə̈ zâ tchêngbâ Satäa.

Bïchuû Timotë 2:14

Apö lâme gbɛ̂, äwäpä mo ka tô tchêndə̂ nə̈, kə̂ to rə̂ sə̈ andjê tchâtchu Ndjapä ndə̂kə̂ pa andjë gbotə̂ kə̂ po tə̂ pö ndə̂ ada pö-ê. Ngâ rə balë wâbo lə̂kə̂ po nə̈ lâme-a, praâbalë ändɨ̈ andjanə̈ ndə̂ andjë dje rə̂.

Bïchuû Timotë 2:17

Kə̂ to pö ndə̂ andjê wä batə̂ ngbongbo ku ndə̂ âzâ kʉ̂tê akrə gbɛ̂. Imenë la Fïlête kä lə̂ gbâtə̂ andjê.

Bïchuû Timotë 3:2

Bëte azü wadje tə̂ a-earə̂ kpɨ̂tɨ̈, azü ndə̂ andjë wa la gʉ makətche, azü ndə̂ andjë nyisə̂ tə̂ andjê, azü ndə̂ andjë bhi gogo andjê, a-earə̂ kə̂ dro tchô, azü ndə̂ andjë kosə̂ araanyï la arabha andjê, azü ndə̂ andjë wûn-âbo wûnsə̂ kə̂ za ayîabâ-ê, azü ndə̂ andjë mbôâbo wa arə ndə̂ âwâ ngbî bëte Ndjapä mbô-ê.

Aheborö 12:5

Pö ndə̂ Ndjapä tô rə̂ sə̈ nyê batə̂ pö ndə̂ bha to rə̂ sə̈ amodô ndə̂ yê ndə̂kə̂ za wängö sə̈ nyê lâme, sə̂nə̈ yû tə̂ nyê nə̂? Tche tö rə̂ päkëdə̂: «Modô ndə̂ mê, âdə Gbölö Gbïɛ̈ âbhi mö, amö wun-abô rə̂ wûn tə̂ mbämbä rə-ê. Âdə Gbölö Gbïɛ̈ âgbɨtɨ tü zə̈, âwâbo pä su zə̈ zogo-a.

Apökälîbïchi 13:1

Pânə̈ më wûn ngâ gia ndə̂ tche wûtu lə̂ gbölö ngû ngbro, tche wä la aküma mïndûu manə̈ bïchuû la adudu yê lə̂ könô gbɛ̂. Akurône kä pâ adudu nə̈ balë balë ânyë a mbô arə̈ ndə̂kə̂ dro Ndjapä ëpâ aküma yê balë balë gbɛ̂.

Apökälîbïchi 3:19

Mëmê, azü gbɛ̂ ndə̂ më nyîndə̂ andjê, më gbɨ̈tɨ tü andjê, kə̂ ka la andjê ëpâ tchôtchô köbo. Amö za su zə̈ gbɛ̂ lakə̂ mbo kua, kə̂ gbotə̂ bəndɨ kə̂ mbo rə ndə̂ zə̈-ê.