Dokʉ̈ Timotë 1:2 - Mbëtï Ndjapä: TÄFO MADƗ̈

² Më mbö mbëtï âtə sə̈ mö Timotë, ndə̂ mo wâtə̂ lëge modô ndə̂ mê lə̂ köbosə̂ kə̂ za su zə̈ sə̈ Ndjapä. Äfü pä Ndjapä Bha la Jezü Krîsiti Gbölö Gbïɛ̈ ndə̂ azə̂ mbo tchôtchô su tə̂ zə̈, kə̂ wun nyonyo zə̈, kə̂ za zɨtɨ su sə̈ mö.

Dokʉ̈ Timotë 1:2 Iomraidhean Croise

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Gälâte 1:3

Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Dokʉ̈ Tësälönîke 3:2

ânyë kə̈ wân Timotë ngâ ârâ lə̂ Krîsiti sə̈ nyê; tche də̈ akrə ndə̂ andjë mbo kua balë la Ndjapä, kua ndə̂kə̂ mu Tchôtchô Pö ndə̂ Krîsiti. Ârâ wän tchë sə̈ nyê ndə̂kə̂ mbo rə̂ ânyë nyê kpokpo tə̂ nyê, kə̂ mbo rə̂ ânyë nyê gbo gbôgbô lə̂kə̂ za su nyê sə̈ Krîsiti,

Dokʉ̈ Timotë 1:12

Më zä ayîabâ tə̂ gbölösə̂nə̈ sə̈ Jezü Krîsiti Gbölö Gbïɛ̈ ndə̂ azə̂, ndə̂ tche zâ gbôgbô sə̈ mê. Tchetchë kä ndə̂ âwûn mê batə̂ akrə ndə̂ tche za su yê pâ yê, ânyë kə̈ zâ mê tə̂ earə̂ kua ndə̂ yê.

Dokʉ̈ Timotë 1:18

Timotë, modô ndə̂ mê, kə̂ zama ndə̂ më nyîndə̂ kə̂ za rə̂ sə̈ mö kä âtə. Äwä gundə̂sə̂ apö ndə̂ a-earə̂ ndə̂ma Ndjapä tô rə̂ pâ zə̈ alême. Pö lâme zadje gbôgbô sə̈ mö ndə̂kə̂ pa mo mbo tchôtchô kʉ̈ʉ̈.

Dokʉ̈ Timotë 6:20

Timotë, amö bata rə ndə̂ Ndjapä gbôtâ ëtchânə̂ zə̈ lâme. Amö kpe tə̂ awünwün apö ndə̂ âwa ngbî tə̂ pö ndə̂kə̂ za su sə̈ Krîsiti lâme. Amö kpe ndjë tə̂ apö kə̂ gama pâ angbongbo kə̂ wunsə̂ rə.

Bïchuû Timotë 1:2

Më mbö mbëtï âtə sə̈ mö Timotë, bechë ndə̂ mê ndə̂ më nyîndə̂ zə̈ tə̂ gbölösə̂nə̈. Äfü pä Ndjapä Bha la Gbölö Gbïɛ̈ ndə̂ azə̂ Jezü Krîsiti mbo tchôtchô su tə̂ zə̈, kə̂ wun nyonyo zə̈, kə̂ za zɨtɨ su sə̈ mö.

Bïchuû Timotë 2:1

Andə̂ zə nə̈, bechë ndə̂ mê, amö kpokpo tə̂ zə̈ lə̂ köbosə̂ tchôtchô su ndə̂ âwâ lə̂ Jezü Krîsiti.

Tîte 1:4

Më mbö mbëtï âtə sə̈ mö Tîte, ndə̂ mo wâtə̂ lëge modô ndə̂ mê, ndə̂kə̂ za su mê la mö sə̈ Krîsiti wâ balë. Äfü pä Ndjapä Bha azə̂, la Jezü Krîsiti Earə̂ kə̂ tcha azə̂, mbo tchôtchô su tə̂ zə̈, kə̂ za zɨtɨ su sə̈ mö.

Tîte 2:2

Äwäpä akpôkpô aköchë zɨabô rə zɨ âro masə̂nə̈-ê, äwäpä andjë lusə̂tə̂ andjê, kə̂ to pö la köbo nə̈, kə̂ za su andjê tə̂ lëge nə̈ gbɛ̂ sə̈ Krîsiti, kə̂ nyində̂ angâ andjê, lakə̂ rʉatə̂ su andjê lə̂ arə gbɛ̂.

Tîte 3:15

Andjanə̈ gbɛ̂ ndə̂ më sə̂ la andjê bhâtə, andjë pô ndə̂ zə̈ nə̂. Azü ndə̂ andjë nyîndə̂ ârâ lə̂ köbosə̂ kə̂ za su andjê sə̈ Krîsiti lâme, amö po ndə̂ andjê sə̈ ârâ. Äfü pä Ndjapä mbo tchôtchô su tə̂ nyê gbɛ̂.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Bïchuû Jâan 1:3

Äfü pä Ndjapä Bha, la Jezü Krîsiti Modô ndə̂ Bha, mbo tchôtchô su tə̂ azə̂, kə̂ wun nyonyo azə̂, kə̂ za zɨtɨ su sə̂ azə̂, lə̂ köbosə̂ lëge pö lakə̂ nyində̂ ngâ.

Vötaâ Jâan 1:4

Ndə̂ më djê pö ndə̂ abechë ndə̂ mê ndə̂ andjë sə̂ lə̂ lëge pö, mômô ndə̂ më wâ la rə̂ rö adɨ̂ amômô gbɛ̂.

Jûde 1:2

Äfü pä Ndjapä wun nyonyo nyê, kə̂ za zɨtɨ su sə̈ nyê, kə̂ za ndjë kə̂ nyində̂ ngâ sə̈ nyê tə̂ gbölösə̂nə̈.