Dokʉ̈ Timotë 1:19 - Mbëtï Ndjapä: TÄFO MADƗ̈

¹⁹ Lə̂ köbosə̂ su zə̈ ndə̂ mo zâ rə̂ sə̈ Ndjapä lâme, la tchôtchô kə̂ rɨ tchə̂lə̂, angâ azü kösə̂ kə̂ dje atchôtchô apö ndə̂ andjë rɨ tchə̂lə̂ su andjê pânə̈ lâme, ânyë su andjê ndə̂ andjë zâ rə̂ sə̈ Ndjapä lâme, köbo nə̈ yû-î.

Dokʉ̈ Timotë 1:19 Iomraidhean Croise

Matiyə̈ 6:27

Tchabâ lə̂ gûtə̂ nyê kä ndə̂ âwâ ndə̂kə̂ za ngâ lö ëpâ lö yê lə̂ köbosə̂ kə̂ dɨ su yê?

Dokʉ̈ Körɛ̂nte 11:19

Äwäpä tchə̂lə̂ tə̂ nyê krʉ-ê, ânyë a wun andjanə̈ lə̂ gûtə̂ nyê ndə̂ andjë wâtə̂ adjîrə̂ azü.

Gälâte 5:4

Âdə nyë âpu köbo ndə̂kə̂ wa djîrə̂ lə̂ la Ndjapä lə̂ köbosə̂ kə̂ mbo arə gbɛ̂ ndə̂ ndïɛ̈, dëkë tchə̂lə̂ gbâtə̂ nyê la Krîsiti krʉ̂ nə̂, köbo ndə̂kə̂ pa nyë gbo tchôtchô su ndə̂ Ndjapä wâbo-a.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Dokʉ̈ Timotë 3:9

Adiâkere də̈ azü ndə̂ andjë bata alëge apö pâ kə̂ za su sə̈ Krîsiti ndə̂ a nyîsə̂ nə̈, la tchôtchô kə̂ rɨ tchə̂lə̂ su.

Dokʉ̈ Timotë 6:12

Amö mbo tchôtchô kʉ̈ʉ̈ lə̂ köbosə̂ kə̂ za su sə̈ Krîsiti. Amö za tchîsûwu ndə̂ logbɛ̂ logbɛ̂ ndə̂ a ê mö ndə̂kə̂ gbo rə̂ lâme, ndə̂ mo gâmba pö ndə̂kə̂ za su zə̈ sə̈ Krîsiti kraâ alême lə̂ la angbängbä azü ndə̂ andjë sə̂ sə̂nə̈.

Dokʉ̈ Timotë 6:21

Angâ azü gämba apö nə̈ lâme, ânyë kə̈ gbôtə̂ köbo su andjê ndə̂ andjë zâ rə̂ sə̈ Krîsiti lâme. Äfü pä Ndjapä mbo tchôtchô su tə̂ nyê.

Dokʉ̈ Timotë 6:9

Andə̂ andjanə̈ ndə̂ andjë nyîndə̂ kə̂ gbo rə tə̂ gbölösə̂nə̈ lâme, andjë të la kû ndə̂ arə ndə̂ âbolo azü, la angbängbä angbongbo agʉ ndə̂kə̂ gbo rə, ndə̂ ândɨ azü, ânyë kə̂ e la andjê pu kuzü.

Bïchuû Timotë 2:18

Andjë chɛ̂ɛ tə̂ lëge pö nə̈, kə̈ tô rə̂ pä akuzü jô lə̂ kuzü alême nə̂. Käko andjë mbö rə̂ pä angbängbä azü te lə̂ su andjê ndə̂ andjë zâ rə̂ sə̈ Krîsiti lâme.

Bïchuû Timotë 4:4

Andjê beadje tü andjê ndə̂kə̂ dje lëge pö, ânyë kə̂ dekadje tü andjê ndə̂kə̂ dje andə̂ma pö.

Tîte 1:9

Äwäpä tche zatə̂ yê gbɛ̂ pâ pö Ndjapä, ndə̂ âwâtə̂ pö ndə̂kə̂ za su sə̈ Krîsiti, ânyë kə̈ wâ gundə̂sə̂ pö ndə̂ a nyîsə̂ nə̈ dokʉ̈tchê. Käko tchê wadje tə̂ akrə ndə̂ tche kʉ̂sə̂ kə̂ za wängö sə̈ azü tə̂ pö ndə̂ lëge pö ndə̂ a nyîsə̂ nə̈ sə̈ andjê, ndjë kə̂ nyisə̂ nə̈ sə̈ a-earə̂ kə̂ kosə̂ lëge pö pä, andjë tchâ köbo nə̂.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Dokʉ̈ Jâan 2:19

Azü nə̈ lâme gbô lə̂ gûtə̂ azə̂ nə̂, praâbalë andjë wâbo alême tə̂ andjandə̂ azə̈ nə̈-a. Âdə andjê âwa alême tə̂ andjandə̂ azə̂, dëkë andjê ândəpo alême lə̂ gûtə̂ azə̂. Praâbalë ndə̂ andjë gbô lə̂ gûtə̂ azə̂ lâme, änyïsə̂ nə̈ pä tə̂ lëge nə̈ ngâ akrə balë lə̂ gûtə̂ andjê wâbo alêe tə̂ tchandə̂ azə̈ nə̈-a.

Apökälîbïchi 3:10

Batə̂ rə̂ ndə̂ mo bâta pö ndə̂ mê lakə̂ rʉatə̂ su zə̈, mëmê ndjë gbɛ̂ më âbata mö lə̂ alö arə nyonyo ndə̂ ânə pâ cho gbɛ̂ ndə̂kə̂ nyoanyoa azü tchêbêche gbɛ̂.

Apökälîbïchi 3:3

Rə ndə̂ a nyîsə̂ nə̈ sə̈ mö la rə ndə̂ mo djê rə̂ alême, äwäpä sə̂nə̈ te lê zə̈, mo bata rə̂, kə̂ gbotə̂ bəndɨ kə̂ mbo rə ndə̂ zə̈-ê. Âdə mo âjoabô jô-ê, mê ânə pu mö batə̂ ngâ earə̂ ngbä, ânyë mô wun-abô sə̂ dalo ndə̂ mê tro mö la rə̂ tee-a.

Apökälîbïchi 3:8

Më wûnsə̂ akua ndə̂ zə̈ nə̂, wunsaâ më krô ngâ manda tchâtchu zə̈ nə̂, ngâ akrə balë ndə̂ tche tchu rə̂ sə̂âbo-a. Gbôgbô ndə̂ zə̈ wä kütû kpîɛ̂kpîɛ̂ rə̂, praâbalë mo bäta pö ndə̂ mê, kə̈ vûâbo sə̂ rə̈ mê-a.