Dokʉ̈ Timotë 1:18 - Mbëtï Ndjapä: TÄFO MADƗ̈

¹⁸ Timotë, modô ndə̂ mê, kə̂ zama ndə̂ më nyîndə̂ kə̂ za rə̂ sə̈ mö kä âtə. Äwä gundə̂sə̂ apö ndə̂ a-earə̂ ndə̂ma Ndjapä tô rə̂ pâ zə̈ alême. Pö lâme zadje gbôgbô sə̈ mö ndə̂kə̂ pa mo mbo tchôtchô kʉ̈ʉ̈.

Dokʉ̈ Timotë 1:18 Iomraidhean Croise

Abadjângele 16:1

Pôlo wûtu bhâlə̂ gö ndə̂ Dêrebe ndjë la Lîsetere. Ngâ djisîpili kä bhâye ndə̂ rə̈ yê wû pä Timotë, anyï nə̈ də̈ ngâ juîfu ndə̂ tche zâ su yê sə̈ Krîsiti. Praâbalë bha nə̈ də̈ gerêke.

Dokʉ̈ Körɛ̂nte 4:17

Tə̂ pö ndə̂nə̈ kä ndə̂ më wân Timotë sə̈ nyê, modô ndə̂ mê ndə̂ më nyîndə̂ yê tə̂ gbölösə̂nə̈, ndə̂ gbô tchë sə̂ lə̂ köbo Gbölö Gbïɛ̈. Tche kä ndə̂ ânyiadje sə̂ köbo ndə̂ më sə̂ la rə̂ la tchêngbâ nə̈ ndə̂ më wâ balë la Krîsiti, batə̂ rə̂ ndə̂ më nyîsə̂ nə̈ katchôgbɛ̂, kulə̂ a-Egilîze.

Dokʉ̈ Körɛ̂nte 9:7

Tchabâ kä ndə̂ âlî lə̂ kua turûgu ânyë kə̂ zɨ rə ngbâ makətche ndə̂ yê la tə̂ yê? Tchabâ kä ndə̂ âchî vînye ânyë kə̈ zɨ̂âbô ndjî nə̈ zɨ̂-î? Âdəndjë rə̂ ndə̂ tche bâta abâgala ânyë kə̈ ndjôâbô ngû ngo andjê ndjô-ê?

Fïlîpe 2:22

Praâbalë nyënyê la tə̂ nyê, nyë wünsə̂ nə̈ pä Timotë nyïsə̂ köbo ndə̂ tche mbô djîrə̂ rə, batə̂ modô la bha nə̈, tche zätə̂ yê ndə̂kə̂ mbo kua bëte Tchôtchô Pö ndrotə̂ mê.

Dokʉ̈ Timotë 1:2

Më mbö mbëtï âtə sə̈ mö Timotë, ndə̂ mo wâtə̂ lëge modô ndə̂ mê lə̂ köbosə̂ kə̂ za su zə̈ sə̈ Ndjapä. Äfü pä Ndjapä Bha la Jezü Krîsiti Gbölö Gbïɛ̈ ndə̂ azə̂ mbo tchôtchô su tə̂ zə̈, kə̂ wun nyonyo zə̈, kə̂ za zɨtɨ su sə̈ mö.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Dokʉ̈ Timotë 4:14

Amö taluabô sə̂ rə ndə̂ Yingö ndə̂ Ndjapä zâ rə̂ sə̈ mö lâme tâlu-î. Tche zä rə̂ sə̈ mö lə̂ köbosə̂ tchôtchô su yê, ndjë gundə̂sə̂ pö ndə̂ a-earə̂ ndə̂ma Ndjapä tô rə̂ pâ zə̈, ndjë la rə̂ ndə̂ kpûlû akpôkpô azü tô könô andjê pâ zə̈ lâme.

Dokʉ̈ Timotë 4:4

Bëte rə gbɛ̂ ndə̂ Ndjapä mbô rə̂ wätə̂ tchôtchô nə̈, ânyë ngâ rə balë ndə̂kə̂ pa a kosə̂ nə̈ wâbo-a. Äwä ndə̂kə̂ pa akrə zɨ rə̂ lakə̂ za ayîabâ sə̈ Ndjapä.

Dokʉ̈ Timotë 6:20

Timotë, amö bata rə ndə̂ Ndjapä gbôtâ ëtchânə̂ zə̈ lâme. Amö kpe tə̂ awünwün apö ndə̂ âwa ngbî tə̂ pö ndə̂kə̂ za su sə̈ Krîsiti lâme. Amö kpe ndjë tə̂ apö kə̂ gama pâ angbongbo kə̂ wunsə̂ rə.

Bïchuû Timotë 1:2

Më mbö mbëtï âtə sə̈ mö Timotë, bechë ndə̂ mê ndə̂ më nyîndə̂ zə̈ tə̂ gbölösə̂nə̈. Äfü pä Ndjapä Bha la Gbölö Gbïɛ̈ ndə̂ azə̂ Jezü Krîsiti mbo tchôtchô su tə̂ zə̈, kə̂ wun nyonyo zə̈, kə̂ za zɨtɨ su sə̈ mö.

Bïchuû Timotë 4:7

Më mbô tchôtchô kʉ̈ʉ̈ nə̂, kə̈ kpê la rö nə̈ âkâ nə̂, më bâta su mê ndə̂ më zâ rə̂ sə̈ Krîsiti lâme nə̂.

Tîte 1:4

Më mbö mbëtï âtə sə̈ mö Tîte, ndə̂ mo wâtə̂ lëge modô ndə̂ mê, ndə̂kə̂ za su mê la mö sə̈ Krîsiti wâ balë. Äfü pä Ndjapä Bha azə̂, la Jezü Krîsiti Earə̂ kə̂ tcha azə̂, mbo tchôtchô su tə̂ zə̈, kə̂ za zɨtɨ su sə̈ mö.

Filemön 1:10

Më yükû nə̈ sə̈ mö ndə̂kə̂ pa mo mbo dâkâ tə̂ bechë ndə̂ mê Önëzîme. Bëte bhâlə̂ nda kânga bhâtə, tche wâ nə̂ tə̂ modô ndə̂ mê lə̂ köbosə̂ Jezü Krîsiti.