Dokʉ̈ Timotë 1:17 - Mbëtï Ndjapä: TÄFO MADƗ̈

¹⁷ Äfü pä azə̈ lusə̂ gbïɛ̈ ndə̂ tche wâ pïï etə̂, Ndjapä ndə̂ tche wâbô wâ ndə̂kə̂ tchu-î, ndə̂ a wûn-âbô tchë wûn-î, ndə̂ tche wâ gbokôngô. Kə̂ lusə̂tə̂, la voga wätə̂ andə̂ ye nə̈, tə̂ logbɛ̂ logbɛ̂! Amin!

Dokʉ̈ Timotë 1:17 Iomraidhean Croise

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Matiyə̈ 28:20

Nyë nyïsə̂ nə̈ sə̈ andjê ndə̂kə̂ bata arə gbɛ̂ ndə̂ më tô pö ndə̂nə̈ sə̈ nyê. Äwäpä nyë wunsə̂ nə̈ pä, më kä la nyê logbɛ̂, ndjoa ësə̂nə̈ ndə̂ tchêbêche krʉ tâ.»

Matiyə̈ 6:13

Amö gboabô gbôtə̂ ârâ ndə̂kə̂ pa ârâ te lə̂ arə ndə̂ âbolo azü-î. Praâbalë amö ji ârâ tchânə̂ Ngbongbo akrə. [Bëte kümändëmä la gbôgbô lakə̂ lusə̂tə̂ də̈ andə̂ zə nə̈ ndə̂ logbɛ̂ logbɛ̂! Amin.›]

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Jâan 5:44

Nyë nyïndə̂ nə̈ pä angâ nyê gamba nyê, nyê gamba ndjë andjê, ânyë kə̈ nyîâbô nyîndə̂ kə̂ pu köbo ndə̂kə̂ pa Ndjapä gamba nyê lâme, nyë âza su nyê sə̈ mê tchïtchïnə̈ atöko?

Rômo 1:20

Angâ arə ndə̂ Ndjapä kä tâ ndə̂ la akrə wâbo ndə̂kə̂ wun rə̂-a: Gbôgbô ndə̂ tche wâ la rə̂ pïï etə̂ lakə̂ sə ndə̂ yê ndə̂ Ndjapä. Ätö tə̂ lo nə̈ ndə̂ Ndjapä mbô tchîsûwu, azü ndə̂ andjë za küma andjê wün rə̂ gbɛ̂ lə̂ köbo arə ndə̂ Ndjapä mbô rə̂. Ârə̂ kä, âdə azü âto rə̂ pä anyë wûn-âbo sə̂ yê-a, andjê wabô tee la ngâ pö balë ndə̂kə̂ to rə̂-a.

Rômo 1:23

Ndə̂kə̂ pa andjë voga gbölö ndə̂ Ndjapä ndə̂ tche wâ la tchîsûwu ndə̂ logbɛ̂ logbɛ̂, andjë gbôtâ kə̂ voga kütû anyîsɨ̂ arə ndə̂ âkʉ̂ akrə ndə̂ tche wâ ndə̂kə̂ tchu, rə ndə̂ âkʉ̂ nyïɛ̈nə̈ la agia ndə̂ da andjê gû voanə̈ la agia ndə̂ andjë hro bêche.

Rômo 11:36

Rə gbɛ̂ tö bhândə̂ Ndjapä, rə gbɛ̂ wä lə̂ köbosə̂ yê, rə gbɛ̂ wä bëte tchë. Azə̈ vöga tchë logbɛ̂ logbɛ̂! Amin.

Rômo 16:27

Ndjapä balë kä ndə̂ küma yê wâ lanə̈. Äfü pä Ndjapä gbo voga tə̂ logbɛ̂ logbɛ̂ lə̂ köbosə̂ Jezü Krîsiti! Amin.

Rômo 2:10

Andə̂ azü gbɛ̂ ndə̂ andjë mbo tchôtchô rə, Ndjapä âvogadje andjê, kə̂ luadje sə̂ andjê ânyë kə̂ za zɨtɨ su sə̈ andjê. Ajuîfu dokʉ̈tchê, la tchêngbâ nə̈, azü ndə̂ andjë wâbô wâtə̂ ajuîfu.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Kölôse 1:15

Krîsiti də̈ nyîsɨ̂ Ndjapä ndə̂ akrə wâbo ndə̂kə̂ wun tchë-a. Tche də̈ dokʉ̈ Bechë tə̂ küma arə gbɛ̂ ndə̂ Ndjapä mbô rə̂.

Aheborö 11:27

Lə̂ köbosə̂ kə̂ za su sə̈ Ndjapä, Möyîze gbô lə̂ gö ndə̂ Ejîpiti. Tche wâbo la wawa mêrâ ndə̂ gbïɛ̈-a, tche rʉ̈ätə̂ su yê, âwûntî pä tche wün Ndjapä ndə̂ akrə wûn-âbô tchë wûn-î.

Aheborö 2:7

Mo mbö rə̂ pä tche wa ëtchâtchâ aânje ndə̂ kpîɛ̂kpîɛ̂ lö. Mo mbö rə̂ pä azü voga tchë tə̂ gbölösə̂nə̈ ânyë kə̂ lusə̂ yê.

Dokʉ̈ Pîêre 5:11

Gbôgbô wätə̂ andə̂ ye nə̈ tə̂ logbɛ̂ logbɛ̂! Amin.

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.

Dokʉ̈ Jâan 4:12

Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.

Jûde 1:25

Ndjapä balë kä ndə̂ âdə̂ Earə̂ kə̂ tcha azə̂ lə̂ köbosə̂ Jezü Krîsiti Gbölö Gbïɛ̈ ndə̂ azə̂. Voga la gbölö la gbôgbô la kümändëmä gbɛ̂ də̈ andə̂ ye nə̈, dokʉ̈tchê, angaâtə, ânyë tə̂ logbɛ̂ logbɛ̂! Amin.

Apökälîbïchi 15:3

Andjë pä düwü ndə̂ Möyîze earə̂ kua ndə̂ Ndjapä, la düwü ndə̂ Ngbavö Ɛ̈bro-ngbaga päkëdə̂: «Gbölö Gbïɛ̈ Ndjapä ndə̂ mo wâ la gbôgbô gbɛ̂, arə könô zə̈ gë tə̂ gbölösə̂nə̈, kə̈ dâka gbɛ̂! Gbïɛ̈ ndə̂ azü tchêpâ cho gbɛ̂, köbo kə̂ mbo rə ndə̂ zə̈ wä djîrə̂ kə̈ wâtə̂ lëge nə̈!

Apökälîbïchi 17:14

Andjê mboadje kʉ̈ʉ̈ la Ngbavö Ɛ̈bro-ngbaga ânyë Ngbavö Ɛ̈bro-ngbaga nə̈ roadje pâ andjê bëte tche wätə̂ Gbölö gbïɛ̈ ndə̂ agbölö gbïɛ̈ la Gbïɛ̈ ndə̂ agbïɛ̈. Ngbavö Ɛ̈bro-ngbaga nə̈ la azü ndə̂ tche ê andjê ânyë kə̈ dɨ̂ andjê ndə̂kə̂ watə̂ azü ndə̂ yê lâme, andjê roadje pâ agbïɛ̈ lâme la kʉ̈ʉ̈.»

Apökälîbïchi 19:1

Pânə̈ më djê ngâ gbölö ôn bhâ lafô batə̂ andə̂ angbängbä kpûlû azü päkëdə̂: «Alelûya! Earə̂ kə̂ tcha azə̂ lə̂ kuzü, voga la gbôgbô wätə̂ andə̂ Ndjapä ndə̂ azə̂!

Apökälîbïchi 19:16

A mbö ngâ rə̈ pâ gbölö lə̂ba ndə̂ yê ndjë pâ kü yê, rə̈ nə̈ tö rə̂ päkëdə̂: «Gbïɛ̈ ndə̂ agbïɛ̈ la Gbölö Gbïɛ̈ ndə̂ agbölö gbïɛ̈.»

Apökälîbïchi 19:6

Pânə̈ më djê tchə̂lə̂ ngâ gɨ̈ batə̂ andə̂ kpûlû angbängbä azü, kɨ̈ nə̈ wä batə̂ sɨ̈kɨ̈ gbölö ngû, batə̂ nyïvrö ndə̂ âsoa la gbôgbô. Pö ndə̂ a tô rə̂ kä âtə: «Alelûya! Bëte Gbölö Gbïɛ̈ Ndjapä ndə̂ azə̂ ndə̂ tche wâ la gbôgbô gbɛ̂ jêtə̂ kə̂ mbo kümändëmä ndə̂ yê nə̂.

Apökälîbïchi 7:12

Andjë sə̈ lakə̂ to rə̂ päkëdə̂: «Amin! Voga, golowäre, küma ndə̂ âwâ lanə̈, ayîabâ, kə̂ lusə̂tə̂, kümändëmä la gbôgbô wätə̂ andə̂ Ndjapä ndə̂ azə̂ ndə̂ tche wâ pïï etə̂! Amin.»