Dokʉ̈ Timotë 1:16 - Mbëtï Ndjapä: TÄFO MADƗ̈

¹⁶ Praâbalë ndə̂ Jezü Krîsiti wûn nyonyo mê lâme, äwä ndə̂kə̂ pa mëmê ndə̂ më də̂ dokʉ̈ earə̂ ngbongbo rə lâme, tche nyïsə̂ köbo ndə̂ tche rʉ̂âtə̂ su yê ndə̂kə̂ sə bëte mê. Tche mbö tâ käko ndə̂kə̂ sro köbo sə̈ azü ndə̂ andjê zadje su andjê sə̈ tchë, ânyë kə̂ gbo tchîsûwu ndə̂ logbɛ̂ logbɛ̂.

Dokʉ̈ Timotë 1:16 Iomraidhean Croise

Lûke 15:10

Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Lûke 23:43

Jezü tô rə̂ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö: Angêta âtə, mëmê la mö, azə̈ kä lə̂ paradï.»

Lûke 7:47

Ârə̂ kä ndə̂ më tô rə̂ sə̈ mö päkëdə̂: A kô angbängbä apö lə̂ küma yê nə̂ bëte rə̂ ndə̂ tche nyîndə̂ mê tə̂ gbölösə̂nə̈. Bëte âdə a âko pö lə̂ küma akrə kpîɛ̂kpîɛ̂ rə̂, tche ânyində̂ azü kpîɛ̂kpîɛ̂ rə̂.»

Jâan 20:31

Angâ arə nə̈ ndə̂ a mbô rə̂ lə̂ mbëtï âtə, a mbö rə̂ ndə̂kə̂ pa nyë gamba rə̂ pä Jezü wätə̂ Krîsiti, Modô ndə̂ Ndjapä. Âdə nyë âgamba rə̂, nyê wadje la tchîsûwu lə̂ köbosə̂ yê.

Jâan 3:36

Akrə ndə̂ tche zâ su yê sə̈ Modô nə̈, tche kä la tchîsûwu ndə̂ logbɛ̂ logbɛ̂. Akrə ndə̂ tche kôsə̂ kə̂ za su yê sə̈ Modô nə̈, tchê wabô la tchîsûwu nə̈ lâme tee-a, praâbalë gbô mêrâ ndə̂ Ndjapä kä pâ yê.

Jâan 5:24

«Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche djê pö ndə̂ mê, ânyë kə̈ zâ su yê sə̈ akrə ndə̂ tche wân mê, tche kä la tchîsûwu ndə̂ logbɛ̂ logbɛ̂, ngbanga wâbo lə̂ küma yê-a, praâbalë tche rô lə̂ kuzü nə̂, ânyë kə̈ wâ la tchîsûwu.

Jâan 6:37

Azü gbɛ̂ ndə̂ Bha kʉ̂ andjê sə̈ mê, andjë ânə pu mê. Ânyë akrə ndə̂ tche nə̂ pu mê, mê groabô tchë atə̂ sûwu balë tee-a.

Jâan 6:40

Bëte rə ndə̂ su Bha mê nyîndə̂ nə̈ wä ndə̂kə̂ pa akrə balë balë gbɛ̂ ndə̂ tche wûn Modô ndə̂ yê, ânyë kə̈ zâ su yê sə̈ tchë, tche wa la tchîsûwu ndə̂ logbɛ̂ logbɛ̂. Käko mê joadje tchë lə̂ kuzü lə̂ adɨ̂ alö.»

Jâan 6:54

Akrə ndə̂ tche zɨ̂ mbë mê ânyë kə̈ ndjô jï mê, tche âwa la tchîsûwu ndə̂ logbɛ̂ logbɛ̂. Käko mëmê, mê joadje tchë lə̂ kuzü lə̂ adɨ̂ alö.

Abadjângele 13:39

Lə̂ köbosə̂ Jezü kä ndə̂ azü gbɛ̂ ndə̂ andjë zâ su andjê sə̈ Ndjapä, a kô pö lə̂ küma andjê.

Rômo 15:4

Apö gbɛ̂ ndə̂ a mbô rə̂ alême lə̂ Mbëtï Ndjapä, a mbö rə̂ ndə̂kə̂ pa azə̈ wunsə̂ rə lə̂ köbo nə̈. Käko kä ndə̂ Mbëtï Ndjapä zâ köbo sə̈ azə̂ ndə̂kə̂ rʉatə̂ su azə̂, ânyë azə̈ gbo gbôgbô tə̂ su azə̂ ndə̂kə̂ krʉ bëte rə ndə̂ Ndjapä tô pö ndə̂nə̈ lâme.

Rômo 6:23

Tə̂ lëge nə̈, rə ndə̂ akrə gbo rə̂ ngbâ ngbongbo rə ndə̂ tchê mbo rə̂ wätə̂ kuzü. Praâbalë rə ndə̂ Ndjapä za rə̂ sə̈ azü ämbänə̈ də̈ tchîsûwu ndə̂ logbɛ̂ logbɛ̂, lə̂ köbosə̂ nə̈ ndə̂ azə̈ wâ balë la Jezü Krîsiti, Gbölö Gbïɛ̈ ndə̂ azə̈.

Dokʉ̈ Körɛ̂nte 7:25

Âdə andə̂ andjanə̈ ndə̂ andjë tôâbô aɛ̈chë âdəndjë aköchë tô-ê, Gbölö Gbïɛ̈ zâbo ma sə̈ mê pâ andjê-a. Praâbalë më ânyisə̂ kə̂ wun tchô ndə̂ mê batə̂ akrə, ndə̂ nyë wâ ndə̂kə̂ za su nyê pâ pö ndə̂ yê, bëte Gbölö Gbïɛ̈ wün nyonyo mê.

Bïchuû Körɛ̂nte 4:1

Ndjapä, lə̂ köbosə̂ kə̂ wun nyonyo ârâ kä ndə̂ tche zâ kua lâme sə̈ ârâ, käko ârâ wâbô ndə̂kə̂ mo-a.

Ëfêze 1:12

Äwäpä ârâ voga Ndjapä ndə̂ tche wâ gbölö, ârâ ndə̂ ârâ də̂ adokʉ̈ azü ndə̂ ârâ zâ su ârâ pâ Krîsiti.

Ëfêze 1:6

Azə̈ vöga Ndjapä ndə̂ tche wâ gbölö, ndə̂ tche mbô tchôtchô su tə̂ azə̂ lə̂ köbosə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.

Ëfêze 2:7

Käko Ndjapä mbö dâkâ tə̂ azə̂ lə̂ köbosə̂ Jezü Krîsiti, kə̈ nyîndə̂ kə̂ nyisə̂ tchôtchô rə ndə̂ ârô adɨ̂ nə̈ gbɛ̂ lə̂ köbosə̂ tchôtchô su yê lə̂ tchîsûwu ndə̂ ânə.

Bïchuû Tësälönîke 1:10

Lo nə̈ ndə̂ tche kangbâ yê, azü ndə̂ yê âvogadje tchë, azü ndə̂ andjë zâ su andjê sə̈ Krîsiti âwun-adje tchë la mômô. Nyënyê ndjë gbɛ̂ nyë âsə lə̂ gbâtə̂ azü nə̈ lâme bëte nyë gämba pö ndə̂ ârâ mû rə̂ sə̈ nyê.

Dokʉ̈ Timotë 1:13

Mëmê ndə̂ më wâ dokʉ̈tchê alême tə̂ earə̂ kə̂ to angbongbo apö, la earə̂ kə̂ mbo azü la yûkü, la earə̂ kə̂ dro tchô. Praâbalë tche wûn nyonyo mê, bëte më wûn-âbo sə̂ arə ndə̂ më mbô rə̂ lâme-a, ndjë bëte më zâbo su mê sə̈ tchë-a.

Aheborö 7:25

Bëte rə̂ kä, azü ndə̂ andjë gitə̂ andjê pu Ndjapä lə̂ köbosə̂ yê, tche kä la gbôgbô ndə̂kə̂ tcha andjê tə̂ lëge nə̈ tratralë, bëte tche wä la tchîsûwu ndə̂ logbɛ̂ logbɛ̂ ndə̂kə̂ to pö sə̈ Ndjapä bëte andjê.

Dokʉ̈ Pîêre 3:20

Andjanə̈ ndə̂ andjë kôsə̂ pö ma Ndjapä alême, sə̂nə̈ ndə̂ tche rʉ̂âtə̂ su yê ndə̂kə̂ krʉ bëte andjê pä andjë ka pu tchë tə̂ lo nə̈ ndə̂ Nowë mbô âreche. Kütû kpîɛ̂kpîɛ̂ kə̂ ngba ndə̂ azü mïndûu manə̈ vötaâ kä ndə̂ âlî lə̂nə̈, ânyë Ndjapä tchâ andjê lə̂ köbosə̂ ngû.

Bïchuû Pîêre 3:15

Nyë wûnsə̂ nə̈ nə̂ pä Gbölö Gbïɛ̈ rʉ̈ätə̂ su yê zoo ndə̂kə̂ za köbo sə̈ nyê ndə̂kə̂ pa nyë tcha lə̂ kuzü. Käko kä ndə̂ ngâ azə̂ Pôlo ndə̂ azə̈ nyîndə̂ yê tə̂ gbölösə̂nə̈, tche mbö mbëtï sə̈ nyê lə̂ köbosə̂ küma yê ndə̂ âwâ lanə̈ ndə̂ Ndjapä zâ rə̂ sə̈ tchë.

Bïchuû Pîêre 3:9

Rə ndə̂ Gbölö Gbïɛ̈ zâ bâlâ tə̂ pö ndə̂nə̈, tche chîabo ndə̂kə̂ mbo rə̂-a, batə̂ angânə̈ to tchê rə̂. Tche rʉ̈ätə̂ su yê la nyê bëte tche nyîâbo ndə̂nə̈ pä angânə̈ lə̂ gbâtə̂ nyê tchu-a, praâbalë tche nyïndə̂ nə̈ pä azü gbɛ̂ gbotə̂ bəndɨ kə̂ mbo rə ndə̂ andjê.