Dokʉ̈ Timotë 1:15 - Mbëtï Ndjapä: TÄFO MADƗ̈

¹⁵ Pö ndə̂ mê to rə̂ âtə wä ndə̂kə̂ pa akrə za su yê pânə̈, kə̈ kʉ̂sə̂ nə̈ ndə̂kə̂ pa azü gbɛ̂ gamba rə̂, pö nə̈ wä kâkë: Jezü Krîsiti nə̈ atə̂ bêche âtə ndə̂kə̂ tcha earə̂ ngbongbo rə, ndə̂ mëmê, më wâtə̂ dokʉ̈ earə̂ ngbongbo rə nə̈.

Dokʉ̈ Timotë 1:15 Iomraidhean Croise

Matiyə̈ 1:21

Tchê zɨadje bechë tə̂ köchë. Mô zadje rə̈ yê pä Jezü, bëte tchetchë kä âkə̂ tchadje azü ndə̂ yê lə̂ ngbongbo rə.»

Matiyə̈ 18:10

«La nyê gbö-ê! Nyë wün-äbô ngâ yɛ̈yɛ̈ bechë wûn lə̂ gûtə̂ ayɛ̈yɛ̈ abechë âtə batə̂ mbämbä akrə-ê. Më tö rə̂ sə̈ nyê, aânje ndə̂ ayɛ̈yɛ̈ abechë âtə kä bhâ tchâtchu Bha mê bhâ lafô. [

Matiyə̈ 18:11

Modô ndə̂ Akrə nə̈ ndə̂kə̂ tcha azü ndə̂ andjë yû.]

Matiyə̈ 20:28

Ârə̂ kä ndə̂ Modô ndə̂ Akrə nə̂âbo ndə̂kə̂ pa azü mbo kua sə̈ tchë-a, praâbalë tche nə̈ ndə̂kə̂ mbo kua sə̈ azü lakə̂ zatə̂ yê sə̈ kuzü ndə̂kə̂ ji angbängbä azü lə̂ ngbongbo rə ndə̂ andjê.»

Matiyə̈ 9:13

Nyë gûgü kə̂ pu dju apö ndə̂ Ndjapä tô rə̂ âtə: ‹Më nyïndə̂ nə̈ pä azü wun nyonyo angâ andjê, praâbalë më kösə̂ ngela ndə̂ agia!› Më nə̂âbo ndə̂kə̂ e adjîrə̂ azü-a, praâbalë më nə̈ bëte a-earə̂ ngbongbo rə.»

Mâreke 2:17

Jezü djê andjê kə̈ tô rə̂ sə̈ andjê päkëdə̂: «Âdə̂âbo azü ndə̂ tə̂ andjê wâ la sə̂nə̈ kä ndə̂ âe ndə̂kə̂ wun dokotöro-a, praâbalë kütû a-earə̂ tə̂kömbô kä ndə̂ âe ndə̂kə̂ wun tchë. Më nə̂âbo ndə̂kə̂ e adjîrə̂ azü-a, praâbalë më nə̈ ndə̂kə̂ e a-earə̂ ngbongbo rə.»

Lûke 15:2

Afarizïɛ̈n la a-earə̂ kə̂ nyisə̂ ndïɛ̈ sə̂ lakə̂ jende tchë lakə̂ tô rə̂ päkëdə̂: «Köchë âtə mbö la sə̂ a-earə̂ ngbongbo rə, ânyë kə̈ sə̂ lakə̂ zɨ rə la andjê!»

Lûke 19:10

Bëte Modô ndə̂ Akrə nə̈ ndə̂kə̂ pu lakə̂ tcha azü ndə̂ andjë yû.»

Lûke 5:32

Më nə̂âbo ndə̂kə̂ e adjîrə̂ azü-a, praâbalë më nə̈ bëte a-earə̂ ngbongbo rə, ndə̂kə̂ pa andjë gbotə̂ bəndɨ kə̂ mbo rə ndə̂ andjê.»

Jâan 1:12

Praâbalë azü gbɛ̂ ndə̂ andjë mbô la sə̂ yê, ânyë kə̈ zâ su andjê sə̈ tchë, tche zä köbo sə̈ andjê ndə̂kə̂ watə̂ abechë ndə̂ Ndjapä.

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Jâan 12:47

Âdə ngâ akrə âdje pö ndə̂ mê, ânyë kə̈ mbôâbô rə mbô gundə̂sə̂ nə̈-ê, âdə̂âbo mëmê kä ndə̂ âwadje ngbanga lə̂ küma yê-a. Bëte më nə̂âbo ndə̂kə̂ wa ngbanga lə̂ küma azü tchêbêche âtə-a, praâbalë më nə̈ ndə̂kə̂ tcha andjê lə̂ kuzü.

Jâan 3:36

Akrə ndə̂ tche zâ su yê sə̈ Modô nə̈, tche kä la tchîsûwu ndə̂ logbɛ̂ logbɛ̂. Akrə ndə̂ tche kôsə̂ kə̂ za su yê sə̈ Modô nə̈, tchê wabô la tchîsûwu nə̈ lâme tee-a, praâbalë gbô mêrâ ndə̂ Ndjapä kä pâ yê.

Abadjângele 11:1

Abadjângele la arə̂mâ lə̂ Krîsiti ndə̂ andjë mbô gö bhâ Judë djê rə̂ pä, azü ndə̂ andjë wâbô wâtə̂ ajuîfu gämba pö Ndjapä.

Abadjângele 11:18

Ndə̂ andjë djê pö nə̈, andjë ngbô ma andjê tâ ânyë kə̈ sə̂ lakə̂ voga Ndjapä päkëdə̂: «Ndjapä zä ndjë köbo sə̈ azü ndə̂ andjë wâbô wâtə̂ ajuîfu ndə̂kə̂ gbotə̂ bəndɨ kə̂ mbo rə ndə̂ andjê, ânyë kə̂ gbo tchîsûwu!»

Abadjângele 3:26

Tə̂ pö ndə̂ nyê kä ndə̂ Ndjapä nyîsə̂ earə̂ kua ndə̂ yê dokʉ̈tchê ânyë kə̈ wân tchë ndə̂kə̂ e tchôtchô pö pâ nyê, ndə̂kə̂ mbo rə̂ pä akrə balë balë gbotə̂ bəndɨ kə̂ mbo rə ndə̂ yê.»

Rômo 11:14

ndə̂kə̂ mbo rə̂ pä azü pâ mawo ndə̂ mê ajuîfu wa la gbölö su ânyë mê tcha angânə̈ lə̂ gbâtə̂ andjê lə̂ kuzü.

Rômo 5:6

Bëte, ndə̂ azə̂ wâbô wâ alême la gbôgbô, Krîsiti tchû bëte a-earə̂ ngbongbo rə, gundə̂sə̂ lo nə̈ ndə̂ Ndjapä nyïkrə rə̂.

Dokʉ̈ Körɛ̂nte 15:9

Bëte më wä kpîɛ̂kpîɛ̂ rə̂ tə̂ abadjângele gbɛ̂, më kʉ̂âbo ndjë sə̂nə̈ pä a e rə̂ tə̂ mê pä badjângele-a, bëte më mbö gbôgbô tə̂ Egilîze ndə̂ Ndjapä.

Ëfêze 3:8

Mëmê ndə̂ më wâtə̂ kpîɛ̂kpîɛ̂ akrə lə̂ gbâtə̂ akpîɛ̂kpîɛ̂ azü ndə̂ Ndjapä gbɛ̂, tche mbô tchôtchô su tə̂ mê ndə̂kə̂ mu pö batə̂ ngâ tchôtchô pö ndə̂ atchôtchô arə ndə̂ ârô masə̂nə̈ lə̂ Krîsiti sə̈ azü ndə̂ andjë wâbô wâtə̂ ajuîfu.

Dokʉ̈ Timotë 1:13

Mëmê ndə̂ më wâ dokʉ̈tchê alême tə̂ earə̂ kə̂ to angbongbo apö, la earə̂ kə̂ mbo azü la yûkü, la earə̂ kə̂ dro tchô. Praâbalë tche wûn nyonyo mê, bëte më wûn-âbo sə̂ arə ndə̂ më mbô rə̂ lâme-a, ndjë bëte më zâbo su mê sə̈ tchë-a.

Dokʉ̈ Timotë 1:19

Lə̂ köbosə̂ su zə̈ ndə̂ mo zâ rə̂ sə̈ Ndjapä lâme, la tchôtchô kə̂ rɨ tchə̂lə̂, angâ azü kösə̂ kə̂ dje atchôtchô apö ndə̂ andjë rɨ tchə̂lə̂ su andjê pânə̈ lâme, ânyë su andjê ndə̂ andjë zâ rə̂ sə̈ Ndjapä lâme, köbo nə̈ yû-î.

Dokʉ̈ Timotë 3:1

Pö ndə̂ mê to rə̂ âtə wätə̂ pö ndə̂ âwâ ndə̂kə̂ pa akrə za su yê pânə̈: Âdə ngâ akrə ânyində̂ kə̂ watə̂ akrə tə̂ küma Egilîze, dëkë tchôtchô kua kä ndə̂ tche nyîndə̂ nə̈.

Dokʉ̈ Timotë 4:9

Pö âtə wätə̂ pö ndə̂ âwâ ndə̂kə̂ pa akrə za su yê pânə̈, kə̈ kʉ̂sə̂ nə̈ ndə̂kə̂ pa azü gbɛ̂ gamba rə̂ la su andjê gbɛ̂.

Dokʉ̈ Timotë 6:13

Më zäma sə̈ mö tchâtchu Ndjapä ndə̂ tche za tchîsûwu sə̈ arə gbɛ̂, ndjë tchâtchu Jezü Krîsiti ndə̂ tche tô tchôtchô pö tchâtchu Pônse Pïlâte, tə̂ pö ndə̂ su yê ndə̂ tche zâ rə̂ sə̈ Ndjapä.

Bïchuû Timotë 2:11

Pö ndə̂ mê to rə̂ âtə wä ndə̂kə̂ pa akrə za su yê pânə̈, pö nə̈ wä kâkë: «Âdə azə̂ âtchu la tchë, azə̂ wadje la tʉ̈rʉ̂ la la tchë.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.

Aheborö 7:25

Bëte rə̂ kä, azü ndə̂ andjë gitə̂ andjê pu Ndjapä lə̂ köbosə̂ yê, tche kä la gbôgbô ndə̂kə̂ tcha andjê tə̂ lëge nə̈ tratralë, bëte tche wä la tchîsûwu ndə̂ logbɛ̂ logbɛ̂ ndə̂kə̂ to pö sə̈ Ndjapä bëte andjê.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Dokʉ̈ Jâan 3:8

Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.

Dokʉ̈ Jâan 5:11

Pö ndə̂ Ndjapä tô rə̂ lâme wä kâkë: Ndjapä zä tchîsûwu ndə̂ logbɛ̂ logbɛ̂ sə̈ azə̂, tchîsûwu nə̈ lâme, azə̈ gbö rə̂ lə̂ köbosə̂ Modô ndə̂ yê.

Apökälîbïchi 21:5

Käko tchanə̈ ndə̂ tche sə̂ lə̂ ngendë-gbïɛ̈ nə̈ tô rə̂ päkëdə̂: «Angaâtə më âmbo arə gbɛ̂ tə̂ täfo nə̈.» Pânə̈ tche tô rə̂ sə̈ mê päkëdə̂: «Amö mbo pö âtə lə̂ mbëtï, bëte apö ndə̂ mê wätə̂ lëge pö, kə̈ wâ ndə̂kə̂ pa akrə za su yê pânə̈.»

Apökälîbïchi 22:6

Pânə̈ ânje nə̈ tô rə̂ sə̈ mê päkëdə̂: «Apö nə̈ wätə̂ lëge nə̈, kə̈ wâ ndə̂kə̂ pa akrə za su yê pânə̈. Gbölö Gbïɛ̈ Ndjapä ndə̂ tche zâ Yingö ndə̂ yê sə̈ a-earə̂ ndə̂ma yê, wän ânje ndə̂ yê ndə̂kə̂ nyisə̂ rə ndə̂ âwâ ndə̂kə̂ wutu angaâtə sə̈ a-earə̂ kua ndə̂ yê.»

Apökälîbïchi 5:9

Andjë sə̈ lakə̂ pa ngâ täfo düwü päkëdə̂: «Mo kʉ̈sə̂ kə̂ za mbëtï nə̈ kə̂ on mênde nə̈ bëte a wôn mö alême nə̂. Mo yösə̂ azü sə̈ Ndjapä lə̂ köbosə̂ jï zə̈, azü nə̈ ndə̂ mo yôsə̂ andjê lâme də̈ azü pâ amawo gbɛ̂, ama gö gbɛ̂, azü gö gbɛ̂ la azü ndə̂ agö ngbî.