Dokʉ̈ Timotë 1:14 - Mbëtï Ndjapä: TÄFO MADƗ̈

¹⁴ Tə̂ lëge nə̈, tchôtchô su ndə̂ Gbölö Gbïɛ̈ ndə̂ azə̂ röpâ nə̈ bëte mê, ndjë lakə̂ nyində̂ ngâ, lakə̂ za su sə̈ Ndjapä ndə̂ tche kʉ̂ rə̂ sə̈ mê lə̂ köbosə̂ nə̈ ndə̂ më wâ balë la Jezü Krîsiti.

Dokʉ̈ Timotë 1:14 Iomraidhean Croise

Matiyə̈ 20:9

Andjanə̈ ndə̂ a kʉ̂ andjê lə̂ dalo mïndûu ndə̂ tchêndə̂gölo lâme nə̂, kə̈ gbô makətche ndə̂ a kʉ tchê rə̂ sə̈ earə̂ kua ndə̂ lö balë balë.

Abadjângele 15:11

Praâbalë azə̈ wûnsə̂ nə̈ nə̂ pä lə̂ köbosə̂ tchôtchô su Gbölö Gbïɛ̈ Jezü kä ndə̂ azə̈ tchâ lə̂ kuzü ndjë batə̂ andjê.»

Rômo 16:20

Ndjapä ndə̂ tche za zɨtɨ su sə̈ akrə, tche ndô tə̂kə̂ nunu Satäa tchâtchâ da nyê nə̂. Äfü pä Gbölö Gbïɛ̈ ndə̂ azə̂ Jezü mbo tchôtchô su tə̂ nyê!

Dokʉ̈ Körɛ̂nte 15:10

Praâbalë lə̂ köbosə̂ tchôtchô su ndə̂ Ndjapä, më də̈ akrə ndə̂ nyê wun mê angêta âtə. Tchôtchô su ndə̂ Ndjapä mbô rə̂ tə̂ mê, tchêngbâ nə̈ wâbo ämbänə̈-a, praâbalë më mbö kua ârô adɨ̂ abadjângele gbɛ̂. Âdə̂âbo mëmê kä ndə̂ âmbô kua nə̈-a, praâbalë tchôtchô su ndə̂ Ndjapä ndə̂ âwâ la mê kä ndə̂ âmbô rə̂.

Dokʉ̈ Körɛ̂nte 3:10

Lə̂ köbosə̂ tchôtchô su ndə̂ Ndjapä mbô rə̂ tə̂ mê, më mbö kua nə̈ batə̂ ngâ tchôtchô earə̂ kə̂ mbo nda, ânyë kə̈ mbô da nda nə̈. Ngâ akrə ngbî mbô nda ëpânə̈. Praâbalë äwäpä la akrə balë balë gbo lə̂ känyï ndə̂ tche mbo rə̂ la nda nə̈ ëpânə̈.

Bïchuû Körɛ̂nte 4:15

Bëte arə lâme gbɛ̂ wütu lə̂ köbosə̂ nyê, ndə̂kə̂ pa tchôtchô su ndə̂ Ndjapä za tchô gbɛ̂, ânyë angbängbä azü za ayîabâ sə̈ tchë lakə̂ voga tchë.

Bïchuû Körɛ̂nte 8:9

Bëte nyë wûnsə̂ tchôtchô su ndə̂ Gbölö Gbïɛ̈ ndə̂ azə̂ Jezü Krîsiti nə̂, ndə̂ tche wâ alême tə̂ earə̂ rə, praâbalë tche nyîndə̂ nə̈ ndə̂kə̂ mbotə̂ yê tə̂ earə̂ yûkü, ndə̂kə̂ pa lə̂ köbosə̂ yûkü ndə̂ yê, nyê watə̂ a-earə̂ rə.

Gälâte 1:13

Bëte nyë djê pö pâ köbo kə̂ mbotə̂ mê ndə̂ gbô mê ndə̂po alême lakə̂ voga Ndjapä batə̂ rə̂ ndə̂ ajuîfu mbo rə̂. Nyë wûnsə̂ nə̈ nə̂ pä më mbö gbôgbô alême tə̂ gbölösə̂nə̈ tə̂ Egilîze ndə̂ Ndjapä, kə̈ pû köbo ndə̂kə̂ ndɨ rə̂.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Tësälönîke 5:8

Praâbalë azə̂ ndə̂ azə̈ wâtə̂ azü ndə̂ ngbɛ̂ngbɛ̂ lo, azə̈ zɨ̈äbô rə zɨ̂ âro masə̂nə̈-ê. Äwäpä kə̂ za su sə̈ Ndjapä lakə̂ nyində̂ ngâ lâme, azə̈ yü rə̂ batə̂ lə̂ba kʉ̈ʉ̈ ndə̂ a mbô rə̂ la wɛ̂n ndə̂ akrə yu rə̂ ëtə̂ krʉ yê, kə̂ yu kə̂ tcha lə̂ kuzü ndə̂ azə̈ zâ su azə̂ pânə̈ lâme batə̂ kpoto ndə̂ wɛ̂n ndə̂ akrə yu rə̂ ëtə̂ küma yê.

Dokʉ̈ Timotë 2:15

Käko ɛ̈chë âtchadje lə̂ kuzü lə̂ köbosə̂ kə̂ zɨ abechë, kütû lə̂ köbosə̂ kə̂ kpokpo tə̂ lə̂kə̂ za su sə̈ Krîsiti, lakə̂ nyində̂ ngâ, lakə̂ sə ngbî bëte Ndjapä, lakə̂ mbo rə la köbo nə̈ ndə̂ afû tə̂ su Ndjapä.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Dokʉ̈ Timotë 6:11

Âdə andə̂ zə nə̈, akrə ndə̂ Ndjapä, amö kpe tə̂ arə lâme gbɛ̂. Amö pu köbo djîrə̂ rə, kə̂ zatə̂ zə̈ gbɛ̂ sə̈ Ndjapä, kə̂ za su zə̈ sə̈ Krîsiti, kə̂ nyində̂ ngâ, kə̂ mbo rə nyima-ë.

Bïchuû Timotë 1:13

Amö mbo rə âkʉtə̂ yê la alëge apö ndə̂ Ndjapä ndə̂ mo djê rə̂ lə̂ ma mê, lə̂kə̂ za su sə̈ Krîsiti, lakə̂ nyində̂ ngâ ndə̂ âwâ lə̂ Jezü Krîsiti.

Bïchuû Timotë 2:22

Amö kpe tə̂ gʉ arə ndə̂ âmbo abechë-ɛ̈köchë la abechë-ɛ̈chë lâme. Pu köbo ndə̂kə̂ mbo djîrə̂ rə, kə̂ za su zə̈ sə̈ Krîsiti, kə̂ nyində̂ ngâ, kə̂ sə la zɨtɨ su la azü ndə̂ nyê e rə̈ Gbölö Gbïɛ̈ la andjê, la grôgrô su.

Tîte 2:2

Äwäpä akpôkpô aköchë zɨabô rə zɨ âro masə̂nə̈-ê, äwäpä andjë lusə̂tə̂ andjê, kə̂ to pö la köbo nə̈, kə̂ za su andjê tə̂ lëge nə̈ gbɛ̂ sə̈ Krîsiti, kə̂ nyində̂ angâ andjê, lakə̂ rʉatə̂ su andjê lə̂ arə gbɛ̂.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Jâan 4:10

Kə̂ nyində̂ ngâ wä kâkë: Âdə̂âbô azə̂ kä ndə̂ ânyîndə̂ Ndjapä-a, praâbalë Ndjapä kä ndə̂ ânyîndə̂ azə̂ ânyë kə̈ wân Modô ndə̂ yê, tche zätə̂ yê la ngela ndə̂kə̂ pa Ndjapä ko pö lə̂ küma azə̂.

Apökälîbïchi 22:21

Äfü pä tchôtchô su ndə̂ Gbölö Gbïɛ̈ Jezü wa pâ nyê gbɛ̂.