Dokʉ̈ Timotë 1:13 - Mbëtï Ndjapä: TÄFO MADƗ̈

¹³ Mëmê ndə̂ më wâ dokʉ̈tchê alême tə̂ earə̂ kə̂ to angbongbo apö, la earə̂ kə̂ mbo azü la yûkü, la earə̂ kə̂ dro tchô. Praâbalë tche wûn nyonyo mê, bëte më wûn-âbo sə̂ arə ndə̂ më mbô rə̂ lâme-a, ndjë bëte më zâbo su mê sə̈ tchë-a.

Dokʉ̈ Timotë 1:13 Iomraidhean Croise

Lûke 12:47

Earə̂ kua ndə̂ tche wûnsə̂ rə ndə̂ gbölö akrə ndə̂ yê nyîndə̂ nə̈, ânyë kə̈ nyîkrəabô ngâ rə nyîkrə balë-ê, âdəndjë rə̂ ndə̂kə̂ mbo rə gundə̂sə̂ pö ma yê-ê, gbölö akrə ndə̂ yê nə̈ âbhi tchë tə̂ gbölösə̂nə̈.

Lûke 23:34

Jezü tô rə̂ päkëdə̂: «Bha mê, amö ko pö lə̂ küma andjê-ê, bëte andjë wûn-âbo sə̂ rə ndə̂ andjë mbô rə̂ âtə-a.» Andjë tâ kʉ̂kâ ndə̂kə̂ pa änyisə̂ akrə ndə̂ tchê kʉadje alə̂ba ndə̂ Jezü, pânə̈ andjë krʉ̂ tchə̂lə̂ nə̈ tə̂ andjê.

Abadjângele 22:4

Më mbö azü ndə̂ andjë zâ tchêngbâ Gbölö Gbïɛ̈ la yûkü, ânyë angânə̈ tchû. Më kʉ̈ aɛ̈chë la aköchë kə̈ yî andjê atə̂lə̂ nda kânga.

Abadjângele 3:17

«Arə̂mä, ndə̂ azə̈ sə̂ âtə, më wûnsə̂ nə̈ nə̂ pä rə ndə̂ nyënyê la amakündji ndə̂ nyê mbô rə̂ tə̂ Jezü, nyë wûn-âbo sə̂nə̈-a.

Abadjângele 8:3

Andə̂ Sôlo, tche sə̈ logbɛ̂ lakə̂ ndrɨndrɨ Egilîze. Tche lï kulə̂ anda ndə̂kə̂ kʉ aköchë la aɛ̈chë ânyë kə̂ yi andjê atə̂lə̂ nda kânga.

Abadjângele 9:1

Sə̂nə̈ lâme gbô su Sôlo kä pâ ngbongbo rə ndə̂ tche mbo rə̂ tə̂ adjisîpili ndə̂ Gbölö Gbïɛ̈ lakə̂ won andjê. Käko tche ê kə̈ wûn gbölö earə̂ kə̂ wa ngela sə̈ Ndjapä,

Abadjângele 9:13

Änänîâse tô rə̂ ndə̂nə̈ päkëdə̂: «Gbölö Gbïɛ̈, më djë pö ndə̂ angbängbä azü tô rə̂ tə̂ köchë âtə, andjë tö ndjë pö ndə̂ angbongbo arə gbɛ̂ ndə̂ tche mbô rə̂ tə̂ azü ndə̂ zə̈ ndə̂ andjë sə̂ bhâ Jerûzalêmo.

Abadjângele 9:5

Sôlo yû tchô päkëdə̂: «Mo də̈ tchabâ, Gbölö Gbïɛ̈?» Tchə̂lə̂ gɨ̈ nə̈ tô rə̂ päkëdə̂: «Mëmê Jezü kä ndə̂ mo mbo gbôgbô tə̂ mê lâme.

Dokʉ̈ Körɛ̂nte 15:9

Bëte më wä kpîɛ̂kpîɛ̂ rə̂ tə̂ abadjângele gbɛ̂, më kʉ̂âbo ndjë sə̂nə̈ pä a e rə̂ tə̂ mê pä badjângele-a, bëte më mbö gbôgbô tə̂ Egilîze ndə̂ Ndjapä.

Dokʉ̈ Körɛ̂nte 7:25

Âdə andə̂ andjanə̈ ndə̂ andjë tôâbô aɛ̈chë âdəndjë aköchë tô-ê, Gbölö Gbïɛ̈ zâbo ma sə̈ mê pâ andjê-a. Praâbalë më ânyisə̂ kə̂ wun tchô ndə̂ mê batə̂ akrə, ndə̂ nyë wâ ndə̂kə̂ za su nyê pâ pö ndə̂ yê, bëte Gbölö Gbïɛ̈ wün nyonyo mê.

Gälâte 1:13

Bëte nyë djê pö pâ köbo kə̂ mbotə̂ mê ndə̂ gbô mê ndə̂po alême lakə̂ voga Ndjapä batə̂ rə̂ ndə̂ ajuîfu mbo rə̂. Nyë wûnsə̂ nə̈ nə̂ pä më mbö gbôgbô alême tə̂ gbölösə̂nə̈ tə̂ Egilîze ndə̂ Ndjapä, kə̈ pû köbo ndə̂kə̂ ndɨ rə̂.

Fïlîpe 3:6

Lə̂ köbosə̂ kə̂ mbo kua ndə̂ më zâ su mê gbɛ̂ ëtâ, më mbö arə gbôgbô tə̂ a-Egilîze. Âdə andə̂ pö ndə̂ ndïɛ̈ lakə̂ mbo rə djîrə̂ gundə̂sə̂ nə̈, ngâ akrə ndə̂ tche yi pö lə̂ küma mê bëte rə̂ wâbo-a.

Dokʉ̈ Timotë 1:16

Praâbalë ndə̂ Jezü Krîsiti wûn nyonyo mê lâme, äwä ndə̂kə̂ pa mëmê ndə̂ më də̂ dokʉ̈ earə̂ ngbongbo rə lâme, tche nyïsə̂ köbo ndə̂ tche rʉ̂âtə̂ su yê ndə̂kə̂ sə bëte mê. Tche mbö tâ käko ndə̂kə̂ sro köbo sə̈ azü ndə̂ andjê zadje su andjê sə̈ tchë, ânyë kə̂ gbo tchîsûwu ndə̂ logbɛ̂ logbɛ̂.

Aheborö 4:16

Azə̈ gïtə̂ azə̂ la su azə̂ gbɛ̂ pu ngendë-gbïɛ̈ ndə̂ Ndjapä ndə̂ tche wâ la tchôtchô su. Käko ânyë tche wun nyonyo azə̂, ânyë azə̈ gbo tchôtchô su ndə̂ yê, ndə̂kə̂ pa tche za könô sə̈ azə̂ tə̂ lö nə̈ ndə̂ tche nyîndə̂ nə̈.

Dokʉ̈ Pîêre 2:10

Dokʉ̈tchê alême nyë wâbo tə̂ azü gö ndə̂ Ndjapä-a, praâbalë angaâtə, nyë wâ nə̂ tə̂ azü gö ndə̂ yê. Dokʉ̈tchê alême Ndjapä wûn-âbo nyonyo nyê-a, praâbalë angaâtə, tche wûn nyonyo nyê nə̂.