Dokʉ̈ Timotë 1:12 - Mbëtï Ndjapä: TÄFO MADƗ̈

¹² Më zä ayîabâ tə̂ gbölösə̂nə̈ sə̈ Jezü Krîsiti Gbölö Gbïɛ̈ ndə̂ azə̂, ndə̂ tche zâ gbôgbô sə̈ mê. Tchetchë kä ndə̂ âwûn mê batə̂ akrə ndə̂ tche za su yê pâ yê, ânyë kə̈ zâ mê tə̂ earə̂ kua ndə̂ yê.

Dokʉ̈ Timotë 1:12 Iomraidhean Croise

Matiyə̈ 20:4

Tche tô rə̂ sə̈ andjê päkëdə̂: ‹Nyënyê ndjë gbɛ̂, äwäpä nyë e kə̂ mbo kua bhâlə̂ kɨ̈ndɨ̈ vînye ndə̂ mê. Më âkʉ makətche sə̈ nyê gundə̂sə̂ kua ndə̂ nyê mbo rə̂.›

Jâan 5:23

ndə̂kə̂ pa azü gbɛ̂ lusə̂ Modô nə̈ batə̂ rə̂ ndə̂ andjë lusə̂ Bha. Akrə ndə̂ tche lûâbô sə̂ Modô nə̈ lû-î, dëkë tche kôsə̂ kə̂ lusə̂ Bha ndə̂ tche wân tchë lâme nə̂.

Abadjângele 16:15

Tche gbô batɛ̂me la azü tchâalê ndə̂ yê gbɛ̂. Pânə̈ tche ê ârâ päkëdə̂: «Âdə nyë âwun rə̂ pä tə̂ lëge nə̈ më zâ su mê sə̈ Gbölö Gbïɛ̈ nə̂, nyë nə̈ kə̂ lô bhâ tchâalê ndə̂ mê.» Tche mbô rə̂ gbɛ̂ pä ârâ nyində̂ nə̈.

Abadjângele 9:15

Praâbalë Gbölö Gbïɛ̈ tô rə̂ sə̈ tchë päkëdə̂: «Êë, bëte më dɨ̈ köchë âtə ndə̂kə̂ pa tche watə̂ ngâ rə kua ndə̂ mê, ndə̂kə̂ nyisə̂ rə̈ mê sə̈ azü ndə̂ agö pâ amawo ngbî ngbî, agbïɛ̈ la azü ndə̂ Isarayële.

Abadjângele 9:22

Praâbalë Sôlo dächo logbɛ̂ pâ kə̂ mu pö ndə̂ Ndjapä, âmbô rə̂ pä ajuîfu ndə̂ Dämâse kä wûn-âbo sə̂ pö ndə̂ andjë to rə̂-a, bëte tche nyïsə̂ nə̈ tə̂ lëge nə̈ pä Jezü də̈ Krîsiti.

Dokʉ̈ Körɛ̂nte 15:10

Praâbalë lə̂ köbosə̂ tchôtchô su ndə̂ Ndjapä, më də̈ akrə ndə̂ nyê wun mê angêta âtə. Tchôtchô su ndə̂ Ndjapä mbô rə̂ tə̂ mê, tchêngbâ nə̈ wâbo ämbänə̈-a, praâbalë më mbö kua ârô adɨ̂ abadjângele gbɛ̂. Âdə̂âbo mëmê kä ndə̂ âmbô kua nə̈-a, praâbalë tchôtchô su ndə̂ Ndjapä ndə̂ âwâ la mê kä ndə̂ âmbô rə̂.

Dokʉ̈ Körɛ̂nte 3:5

Äpölôse də̈ tchabâ? Ânyë Pôlo də̂ tchabâ? Ârâ də̈ kütû a-earə̂ kua ndə̂ Ndjapä. Lə̂ köbosə̂ ârâ kä ndə̂ nyë zâ su nyê sə̈ Krîsiti. Akrə balë balë lə̂ gbâtə̂ ârâ mbö kua gundə̂sə̂ arə ndə̂ Gbölö Gbïɛ̈ zâ rə̂ sə̈ tchë.

Dokʉ̈ Körɛ̂nte 7:25

Âdə andə̂ andjanə̈ ndə̂ andjë tôâbô aɛ̈chë âdəndjë aköchë tô-ê, Gbölö Gbïɛ̈ zâbo ma sə̈ mê pâ andjê-a. Praâbalë më ânyisə̂ kə̂ wun tchô ndə̂ mê batə̂ akrə, ndə̂ nyë wâ ndə̂kə̂ za su nyê pâ pö ndə̂ yê, bëte Gbölö Gbïɛ̈ wün nyonyo mê.

Bïchuû Körɛ̂nte 4:1

Ndjapä, lə̂ köbosə̂ kə̂ wun nyonyo ârâ kä ndə̂ tche zâ kua lâme sə̈ ârâ, käko ârâ wâbô ndə̂kə̂ mo-a.

Gälâte 3:26

Bëte nyënyê gbɛ̂ nyë wätə̂ abechë ndə̂ Ndjapä lə̂ köbosə̂ kə̂ za su nyê sə̈ Jezü Krîsiti.

Gälâte 3:28

Angaâtə, ngâ juîfu wâ bata-a, âdəndjë gerêke-a. Ngâ ngbâa wâ bata-a, âdəndjë akrə ndə̂ tche sə̂âbô sə̂ tchâtchâ ngbâa-a. Ngâ köchë wâ bata-a, âdəndjë ɛ̈chë-a. Bëte nyënyê gbɛ̂, nyë wä balë la Krîsiti Jezü.

Fïlîpe 2:11

ânyë azü gbɛ̂ to rə̂ la ma gö ndə̂ andjê päkëdə̂: «Jezü Krîsiti wätə̂ Gbölö Gbïɛ̈» käko ânyë a voga Ndjapä Bha!

Fïlîpe 4:13

Më wä ndə̂kə̂ mbo arə lâme gbɛ̂ bëte Krîsiti kä ndə̂ âzâ gbôgbô sə̈ mê.

Kölôse 1:25

Më də̈ earə̂ kua ndə̂ Egilîze gundə̂sə̂ kua ndə̂ Ndjapä zâ rə̂ sə̈ mê ndə̂kə̂ mbo rə̂ bëte nyê: Kua nə̈ də̈ kə̂ mu pö ndə̂ Ndjapä gbɛ̂.

Dokʉ̈ Timotë 1:1

Mëmê Pôlo, më wâtə̂ badjângele ndə̂ Jezü Krîsiti, lə̂ köbosə̂ kə̂ zama ndə̂ Ndjapä, Earə̂ kə̂ tcha azə̂, la Jezü Krîsiti ndə̂ azə̈ zâ su azə̂ pâ yê.

Dokʉ̈ Timotë 1:11

Pö ndə̂ âwâ gundə̂sə̂ Tchôtchô Pö ndə̂ ânyîsə̂ kə̂ wa gbölö ndə̂ Ndjapä kä âtə. Ndjapä ndə̂ a to tchôtchô pö ndə̂ yê kä ndə̂ âzâ pö lâme ëlə̂ ma mê.

Dokʉ̈ Timotë 1:2

Më mbö mbëtï âtə sə̈ mö Timotë, ndə̂ mo wâtə̂ lëge modô ndə̂ mê lə̂ köbosə̂ kə̂ za su zə̈ sə̈ Ndjapä. Äfü pä Ndjapä Bha la Jezü Krîsiti Gbölö Gbïɛ̈ ndə̂ azə̂ mbo tchôtchô su tə̂ zə̈, kə̂ wun nyonyo zə̈, kə̂ za zɨtɨ su sə̈ mö.

Dokʉ̈ Timotë 6:13

Më zäma sə̈ mö tchâtchu Ndjapä ndə̂ tche za tchîsûwu sə̈ arə gbɛ̂, ndjë tchâtchu Jezü Krîsiti ndə̂ tche tô tchôtchô pö tchâtchu Pônse Pïlâte, tə̂ pö ndə̂ su yê ndə̂ tche zâ rə̂ sə̈ Ndjapä.

Bïchuû Timotë 2:2

Rə ndə̂ mo djê rə̂ alême lə̂ ma mê tchâtchu angbängbä azü, äwäpä mo gbotâ ëtchânə̂ adjîrə̂ azü, ndə̂ andjê la tə̂ andjê kʉ̂sə̂ kə̂ nyisə̂ nə̈ sə̈ angâ azü.

Bïchuû Timotë 4:17

Gbölö Gbïɛ̈ la tə̂ yê kä ndə̂ âsə̂ ndrotə̂ mê, tche zä gbôgbô sə̈ mê ânyë mê mû pö ndə̂ yê tə̂ gbölösə̂nə̈, ânyë azü gbɛ̂ ndə̂ andjë wâbô wâtə̂ ajuîfu djê rə̂. Tchâme Gbölö Gbïɛ̈ jî mê lə̂ ma bämalä-ê.

Tîte 1:4

Më mbö mbëtï âtə sə̈ mö Tîte, ndə̂ mo wâtə̂ lëge modô ndə̂ mê, ndə̂kə̂ za su mê la mö sə̈ Krîsiti wâ balë. Äfü pä Ndjapä Bha azə̂, la Jezü Krîsiti Earə̂ kə̂ tcha azə̂, mbo tchôtchô su tə̂ zə̈, kə̂ za zɨtɨ su sə̈ mö.

Filemön 1:9

Bëte lə̂ köbosə̂ kə̂ nyində̂ ngâ ndə̂ azə̂ la mö, më yükû nə̈ sə̈ mö, mëmê Pôlo, më dû nə̂ ânyë angaâtə më kä bhâlə̂ nda kânga tə̂ pö ndə̂ Jezü Krîsiti.