Dokʉ̈ Timotë 1:10 - Mbëtï Ndjapä: TÄFO MADƗ̈

¹⁰ la a-earə̂ kə̂ pu aɛ̈chë âdəndjë aköchë ngbî ngbî, la aköchë ndə̂ andjë pu angâ andjê aköchë, la azü ndə̂ andjë mbo waɛ̂che ndə̂ angbâa, la a-earə̂ yepa, la azü ndə̂ andjë debä la pö yepa, la azü gbɛ̂ ndə̂ andjë mbo rə ngbî tə̂ lëge pö Ndjapä ndə̂ a nyîsə̂ nə̈.

Dokʉ̈ Timotë 1:10 Iomraidhean Croise

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Rômo 1:26

Bëte rə̂ kä ndə̂, Ndjapä gbôtə̂ andjê ndə̂kə̂ pa andjë mbo arə ganô ndə̂ gʉ kə̂ mbo rə̂ nyû andjê tə̂ gbölösə̂nə̈. Aɛ̈chë ndə̂ andjë gbotə̂ köbo kə̂ sə la aköchë ânyë kə̂ sə la angâ andjê aɛ̈chë lə̂ gbâtə̂ andjê batə̂ köchë la ɛ̈chë.

Dokʉ̈ Timotë 4:6

Amö nyisə̂ rə lâme gbɛ̂ sə̈ arə̂mâ, käko mô wadje tə̂ tchôtchô earə̂ kua ndə̂ Jezü Krîsiti. Mô nyiadje sə̂nə̈ pä tchə̂lə̂ zə̈ sɨ̂sɨ̈ la apö ndə̂kə̂ za su sə̈ Krîsiti, la tchôtchô kə̂ nyisə̂ rə ndə̂ mo zâ tchêngbâ nə̈ djîrə̂ lâme.

Dokʉ̈ Timotë 6:3

Âdə ngâ akrə ânyisə̂ ngâ pö ngbî, ânyë kə̈ zâbô tə̂ yê zâ tə̂ alëge apö ndə̂ Gbölö Gbïɛ̈ ndə̂ azə̂ Jezü Krîsiti-î, lakə̂ nyisə̂ rə ndə̂ âwâbô wâ gundə̂sə̂ apö ndə̂kə̂ zatə̂ andjê sə̈ Ndjapä-ê,

Bïchuû Timotë 1:13

Amö mbo rə âkʉtə̂ yê la alëge apö ndə̂ Ndjapä ndə̂ mo djê rə̂ lə̂ ma mê, lə̂kə̂ za su sə̈ Krîsiti, lakə̂ nyində̂ ngâ ndə̂ âwâ lə̂ Jezü Krîsiti.

Bïchuû Timotë 4:3

Bëte ngâ lö wutuadje ndə̂ angâ azü kä nyi bata ndə̂kə̂ dje lëge pö ndə̂ a nyisə̂ nə̈ tee-a. Praâbalë andjê âmbo kütû rə ndə̂ gʉ su andjê la tə̂ andjê nyîndə̂ nə̈. Kpûlû a-earə̂ kə̂ nyisə̂ rə takpadje ndə̂ andjê, ânyë kə̂ nyisə̂ rə sə̈ andjê, ndə̂ andjë wâ la gʉ ndə̂kə̂ dje rə̂ lâme.

Tîte 1:13

Pö ndə̂ earə̂ ndə̂ma Ndjapä tô rə̂ lâme wätə̂ lëge pö. Djusə̂nə̈ kä, äwäpä mo hro la andjê tə̂ gbölösə̂nə̈ ndə̂kə̂ pa kə̂ za su andjê sə̈ Krîsiti lâme daka gbɛ̂.

Tîte 1:9

Äwäpä tche zatə̂ yê gbɛ̂ pâ pö Ndjapä, ndə̂ âwâtə̂ pö ndə̂kə̂ za su sə̈ Krîsiti, ânyë kə̈ wâ gundə̂sə̂ pö ndə̂ a nyîsə̂ nə̈ dokʉ̈tchê. Käko tchê wadje tə̂ akrə ndə̂ tche kʉ̂sə̂ kə̂ za wängö sə̈ azü tə̂ pö ndə̂ lëge pö ndə̂ a nyîsə̂ nə̈ sə̈ andjê, ndjë kə̂ nyisə̂ nə̈ sə̈ a-earə̂ kə̂ kosə̂ lëge pö pä, andjë tchâ köbo nə̂.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.

Jûde 1:7

Äwäpä sə̂ pö ndə̂ gö ndə̂ Sodômo la Gomôro te lə̂ nyê, ndjë la agö ndə̂ âwâ ndrotə̂ nə̈, azü ndə̂ agö lâme mbö ndjë ngbongbo rə alême käko batə̂ aânje lakə̂ pu aɛ̈chë âdəndjë aköchë katchôgbɛ̂. Andjê wun-adje yûkü lə̂ wo ndə̂ âju pïï etə̂. Käko ânyë adɨ̂ azü mboabô rə̂ mbô batə̂ rə̂-ê.

Apökälîbïchi 18:13

la akʉngôâ yö ngbî ngbî ndə̂kə̂ fa rə̂ la kɨ̈zɨ̂ la ayömbö la mîre la dukâni la vɛ̂n-ɛn la kâdâ la farîni la blë la abâgala la aɛ̈bro-ngbaga la ambâlâtâ la apusu-pûsu ndə̂ ambâlâtâ la angbâa ndjë la vrö azü.

Apökälîbïchi 21:27

Praâbalë ngâ rə ndə̂ kâkpö kä li bata balë lə̂ gö nə̈ tee-a, âdəndjë a-earə̂ kə̂ mbo agbölö angbongbo rə, âdəndjë apö yepa. Praâbalë azü ndə̂ andjë li bhâye də̈ kütû azü ndə̂ a mbô rə̈ andjê lə̂ mbëtï ndə̂ tchîsûwu ndə̂ Ngbavö Ɛ̈bro-ngbaga.

Apökälîbïchi 21:8

Andə̂ a-earə̂ gbugbu la azü ndə̂ andjë zâbô su andjê zâ sə̈ Ndjapä la a-earə̂ ngbongbo rə la a-earə̂ kə̂ won tchô la a-earə̂ kə̂ pu aɛ̈chë âdəndjë aköchë katchôgbɛ̂ la a-earə̂ yëwä la a-earə̂ kə̂ voga angakʉ̈lä la a-earə̂ yepa gbɛ̂; tchô ndə̂ andjê kä bhâlə̂ gbölö tïmï wo ndə̂ sûfre, ndə̂ âwâtə̂ bïchuû kuzü.»

Apökälîbïchi 22:15

Praâbalë a âyiadje azü kâkë atə̂ sûwu: Azü ndə̂ andjë mbo rə batə̂ aɛ̈vrô la a-earə̂ yëwä la azü ndə̂ andjë pu aɛ̈chë âdəndjë aköchë katchôgbɛ̂ la a-earə̂ kə̂ won azü la a-earə̂ kə̂ voga angakʉ̈lä la akrə balë balë gbɛ̂ ndə̂ tche nyîndə̂ yepa lakə̂ mo yepa!