Dokʉ̈ Timotë 1:1 - Mbëtï Ndjapä: TÄFO MADƗ̈

¹ Mëmê Pôlo, më wâtə̂ badjângele ndə̂ Jezü Krîsiti, lə̂ köbosə̂ kə̂ zama ndə̂ Ndjapä, Earə̂ kə̂ tcha azə̂, la Jezü Krîsiti ndə̂ azə̈ zâ su azə̂ pâ yê.

Dokʉ̈ Timotë 1:1 Iomraidhean Croise

Lûke 1:47

su mê sɨ̂sɨ̈ la mômô, bëte Ndjapä, Earə̂ kə̂ tcha mê.

Lûke 2:11

Angêta âtə lə̂ gö ndə̂ Davîdi, a zɨ̂ earə̂ kə̂ tcha nyê nə̂. Tche də̈ Krîsiti, Gbölö Gbïɛ̈.

Abadjângele 9:15

Praâbalë Gbölö Gbïɛ̈ tô rə̂ sə̈ tchë päkëdə̂: «Êë, bëte më dɨ̈ köchë âtə ndə̂kə̂ pa tche watə̂ ngâ rə kua ndə̂ mê, ndə̂kə̂ nyisə̂ rə̈ mê sə̈ azü ndə̂ agö pâ amawo ngbî ngbî, agbïɛ̈ la azü ndə̂ Isarayële.

Rômo 1:1

Mëmê Pôlo, ndə̂ më wâtə̂ earə̂ kua ndə̂ Jezü Krîsiti, më mbö mbëtï âtə sə̈ nyê. Ndjapä ë mê ndə̂kə̂ pa më watə̂ badjângele ndə̂ yê. Tche zä mê ngbî ndə̂kə̂ pa më mu Tchôtchô Pö ndə̂ yê sə̈ azü gbɛ̂.

Dokʉ̈ Körɛ̂nte 1:1

Mëmê Pôlo, Ndjapä ë mê ndə̂kə̂ watə̂ badjângele ndə̂ Jezü Krîsiti, batə̂ rə̂ ndə̂ su Ndjapä nyîndə̂ nə̈, mëmê la Sösötêne ngâ azə̂,

Dokʉ̈ Körɛ̂nte 9:17

Âdə mëmê la tə̂ mê kä ndə̂ âpû köbo kua nə̈ lâme, dëkë më wä ndə̂kə̂ gbo makətche-kua ngbânə̈. Praâbalë ngâ rə ngbî ndə̂kə̂ pa më mbo rə̂ wâbo-a, më âmbo kütû kua ndə̂ a zâ rə̂ sə̈ mê lâme.

Bïchuû Körɛ̂nte 1:1

Mëmê Pôlo, më wätə̂ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈. Mëmê la ngâ azə̂ Timotë kä ndə̂ âwân mbëtï âtə. Ârâ wän mbëtï âtə sə̈ Egilîze ndə̂ Ndjapä ndə̂ âwâ lə̂ gö ndə̂ Körɛ̂nte ndjë la azü ndə̂ Ndjapä gbɛ̂ ndə̂ andjë wâ lə̂ agö ndə̂ Akayï gbɛ̂.

Gälâte 1:1

Mëmê Pôlo, ndə̂ më wâtə̂ badjângele, âdə̂âbô lə̂ köbosə̂ azü kä ndə̂ a ê mê ndə̂kə̂ watə̂ badjângele-a, më djêâbo ndjë pö nə̈ lə̂ ma ngâ akrə-a, praâbalë më djë rə̂ lə̂ ma Jezü Krîsiti la Ndjapä Bha ndə̂ tche jô tchë lə̂ kuzü.

Gälâte 1:11

Arə̂mä, më tö rə̂ sə̈ nyê päkëdə̂: Tchôtchô Pö ndə̂ më mû rə̂ sə̈ nyê alême tôâbo bhândə̂ azü-a.

Kölôse 1:27

Ndjapä nyïndə̂ nə̈ pä andjë wunsə̂ atchôtchô arə ndə̂ ârô masə̂nə̈ ndə̂ tche nyîkrə rə̂ lə̂ küwû nə̈ bëte azü ndə̂ andjë wâbô wâtə̂ ajuîfu. Rə nə̈ ndə̂ tche nyïkrə rə̂ wä kâkë: Krîsiti kä lə̂ nyê ndə̂kə̂ pa nyë za su nyê ndə̂kə̂ krʉ bëte tchë ânyë kə̂ sə la tchë lə̂kə̂ wa gbölö ndə̂ yê.

Bïchuû Tësälönîke 2:16

Gbölö Gbïɛ̈ ndə̂ azə̂ Jezü Krîsiti la tə̂ yê, la Ndjapä Bha azə̂ nyïndə̂ azə̂, ânyë lə̂ köbosə̂ tchôtchô su yê, tche zâ gbôgbô tə̂ su azə̂ pïï etə̂, kə̈ zâ tchôtchô rə sə̈ azə̂ ndə̂ su azə̂ wâ pânə̈. Äfü pä Ndjapä Bha la Gbölö Gbïɛ̈ Jezü Krîsiti,

Dokʉ̈ Timotë 1:12

Më zä ayîabâ tə̂ gbölösə̂nə̈ sə̈ Jezü Krîsiti Gbölö Gbïɛ̈ ndə̂ azə̂, ndə̂ tche zâ gbôgbô sə̈ mê. Tchetchë kä ndə̂ âwûn mê batə̂ akrə ndə̂ tche za su yê pâ yê, ânyë kə̈ zâ mê tə̂ earə̂ kua ndə̂ yê.

Dokʉ̈ Timotë 2:3

Rə ndə̂ âwâtə̂ tchôtchô nə̈, ânyë kə̈ fû tə̂ Ndjapä Earə̂ kə̂ tcha azə̂ kä lâme.

Dokʉ̈ Timotë 2:7

Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele. Më wä ndjë tə̂ earə̂ kə̂ nyisə̂ rə sə̈ azü ndə̂ andjë wâbô wâtə̂ ajuîfu, ndə̂kə̂ pa andjë za su andjê sə̈ Krîsiti, kə̂ wunsə̂ lëge pö. Pö ndə̂ më tô rə̂ lâme wätə̂ lëge pö, më môâbo yepa-a.

Dokʉ̈ Timotë 4:10

Âdə azə̂ âsə̈ wun yûkü, ndjë âdə azə̈ âsə lakə̂ mbo kʉ̈ʉ̈, bëte azə̈ zä su azə̂ pâ Ndjapä ndə̂ tche wâ la tʉ̈rʉ̂ la yê. Tche wätə̂ earə̂ kə̂ tcha azü gbɛ̂, tə̂ gbogbôsə̂nə̈ tche tchä azü ndə̂ andjë zâ su andjê sə̈ Krîsiti.

Tîte 1:3

Ndə̂ lo nə̈ tâ tâ, Ndjapä ndə̂ tche wâtə̂ Earə̂ kə̂ tcha azə̂, tche nyîsə̂ pö ndə̂ yê nə̈. Tche nyïsə̂ nə̈ lə̂ köbosə̂ pö ndə̂ yê, ndə̂ tche zâ rə̂ sə̈ mê, gundə̂sə̂ kə̂ zama ndə̂ tche zâ rə̂ sə̈ mê.

Tîte 2:10

Âwâbo pä andjë zɨ ngbä arə ndə̂ andjê-a, praâbalë äwäpä andjë nyisə̂ djîrə̂ kə̂ mbo rə ndə̂ andjê logbɛ̂, käko ânyë lə̂ arə gbɛ̂ ndə̂ andjë mbo rə̂, âza köbo sə̈ azü ndə̂kə̂ lusə̂ köbo rə ndə̂ ârâ nyisə̂ nə̈ pâ Ndjapä, Earə̂ kə̂ tcha azə̂.

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Tîte 3:4

Praâbalë sə̂nə̈ ndə̂ Ndjapä, Earə̂ kə̂ tcha azə̂ nyîsə̂ dâkâ ndə̂ yê, la rə̂ ndə̂ tche nyində̂ azü,

Tîte 3:6

Kpɨ̂ki Yingö nə̈ lâme, Ndjapä mbö rə̂ ânyë tche jrê pâ azə̂ tə̂ gbölösə̂nə̈ lə̂ köbosə̂ Jezü Krîsiti Earə̂ kə̂ tcha azə̂.

Dokʉ̈ Pîêre 1:21

Lə̂ köbosə̂ Krîsiti kä ndə̂ nyë zâ su nyê sə̈ Ndjapä, ndə̂ tche jô Krîsiti lə̂ kuzü ânyë kə̈ lûsə̂ yê. Käko ânyë su nyê ndə̂ nyë zâ rə̂ sə̈ Ndjapä la rə ndə̂ su nyê krʉ̂ bëte rə̂ lâme âwa pâ Ndjapä.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Dokʉ̈ Jâan 4:14

Ârâ wün rə̂, kə̈ tô pö ndə̂nə̈ pä Bha wän Modô ndə̂ yê ndə̂kə̂ pa tche watə̂ Earə̂ kə̂ tcha azü tchêbêche âtə.

Jûde 1:25

Ndjapä balë kä ndə̂ âdə̂ Earə̂ kə̂ tcha azə̂ lə̂ köbosə̂ Jezü Krîsiti Gbölö Gbïɛ̈ ndə̂ azə̂. Voga la gbölö la gbôgbô la kümändëmä gbɛ̂ də̈ andə̂ ye nə̈, dokʉ̈tchê, angaâtə, ânyë tə̂ logbɛ̂ logbɛ̂! Amin.