Dokʉ̈ Tësälönîke 5:9 - Mbëtï Ndjapä: TÄFO MADƗ̈

⁹ Bëte Ndjapä nyîkrəabô rə̂ ndə̂kə̂ pa mêrâ ndə̂ yê te pâ azə̂-a, praâbalë tche nyïkrə rə̂ ndə̂kə̂ pa azə̈ tcha lə̂ kuzü logbɛ̂ lə̂ köbosə̂ Gbölö Gbïɛ̈ ndə̂ azə̂ Jezü Krîsiti,

Dokʉ̈ Tësälönîke 5:9 Iomraidhean Croise

Matiyə̈ 26:24

Modô ndə̂ akrə âtchuadje batə̂ rə̂ ndə̂ a mbô rə̂ lə̂ Mbëtï Ndjapä pâ yê. Praâbalë nyonyo kä tə̂ akrə ndə̂ tche yosə̂ Modô ndə̂ Akrə! Äkʉ̈sə̂ nə̈ pä akrə käko, a zɨabô tchë zɨ̂-î.»

Abadjângele 1:20

A mbö rə̂ lə̂ mbëtï ndə̂ Apösômo päkëdə̂: ‹Äwäpä tchə̂lə̂ nda ndə̂ yê wa ämbämbänə̈, ngâ akrə loabô lô lə̂nə̈-ê.› A kä mbô ndjë rə̂ lə̂ mbëtï nə̈ päkëdə̂: ‹Äwäpä ngâ akrə za kua nə̈ ngbâ yê.›

Abadjângele 1:25

ndə̂kə̂ mbo kua ndə̂ badjângele lə̂ kpâlâ Jüdâse ndə̂ tche gbôtə̂ kua nə̈ ndə̂kə̂ e bhâsə̂ tchô ndə̂ âdə̂ andə̂ ye nə̈.»

Abadjângele 13:48

Ndə̂ azü ndə̂ andjë wâbô wâtə̂ ajuîfu âsə̈ dje pö nə̈, andjë wâ la mômô lakə̂ voga pö ndə̂ Gbölö Gbïɛ̈. Andjanə̈ ndə̂ a dɨ̂ andjê ndə̂kə̂ gbo tchîsûwu ndə̂ logbɛ̂ logbɛ̂, andjë zâ su andjê sə̈ Jezü.

Rômo 11:30

Dokʉ̈tchê alême, azü ndə̂ andjë wâbô wâtə̂ ajuîfu djêâbo pö ma Ndjapä-a. Angaâtə, Ndjapä wün nyonyo nyê bëte ajuîfu djêâbo pö ma yê-a.

Rômo 11:7

Pö âtə nyïndə̂ kə̂ to rə̂ atöko? Rə ndə̂ azü ndə̂ Isarayële pû rə̂, andjë gbôâbo rə̂-a. Kütû andjanə̈ ndə̂ Ndjapä dɨ̂ andjê kä ndə̂ âgbô rə̂. Andə̂ adɨ̂ nə̈, andjë wâbo la gbôgbô ndə̂kə̂ dje tchə̂lə̂ pö nə̈-a.

Dokʉ̈ Tësälönîke 1:10

Nyë krʉ̈ ndə̂kə̂ pa Modô ndə̂ yê to bhâ lafô kə̂ ka, Jezü ndə̂ Ndjapä jô tchë lə̂ kuzü, tchetchë kä ndə̂ âji azə̂ tchâtchâ mêrâ ndə̂ Ndjapä ndə̂ ânə.

Dokʉ̈ Tësälönîke 3:3

ânyë ngâ akrə balë teabô tê lə̂ köbosə̂ yûkü ndə̂ azə̈ wun rə̂ angêta lâme-ê. Bëte nyënyê la tə̂ nyê, nyë wûnsə̂ nə̈ nə̂ pä yûkü ndə̂ ârâ sə̂ lakə̂ wun rə̂ âtə, Ndjapä nyïkrə rə̂ dokʉ̈tchê bëte ârâ.

Dokʉ̈ Timotë 1:13

Mëmê ndə̂ më wâ dokʉ̈tchê alême tə̂ earə̂ kə̂ to angbongbo apö, la earə̂ kə̂ mbo azü la yûkü, la earə̂ kə̂ dro tchô. Praâbalë tche wûn nyonyo mê, bëte më wûn-âbo sə̂ arə ndə̂ më mbô rə̂ lâme-a, ndjë bëte më zâbo su mê sə̈ tchë-a.

Dokʉ̈ Timotë 1:16

Praâbalë ndə̂ Jezü Krîsiti wûn nyonyo mê lâme, äwä ndə̂kə̂ pa mëmê ndə̂ më də̂ dokʉ̈ earə̂ ngbongbo rə lâme, tche nyïsə̂ köbo ndə̂ tche rʉ̂âtə̂ su yê ndə̂kə̂ sə bëte mê. Tche mbö tâ käko ndə̂kə̂ sro köbo sə̈ azü ndə̂ andjê zadje su andjê sə̈ tchë, ânyë kə̂ gbo tchîsûwu ndə̂ logbɛ̂ logbɛ̂.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.

Dokʉ̈ Pîêre 2:10

Dokʉ̈tchê alême nyë wâbo tə̂ azü gö ndə̂ Ndjapä-a, praâbalë angaâtə, nyë wâ nə̂ tə̂ azü gö ndə̂ yê. Dokʉ̈tchê alême Ndjapä wûn-âbo nyonyo nyê-a, praâbalë angaâtə, tche wûn nyonyo nyê nə̂.

Dokʉ̈ Pîêre 2:8

Mbëtï nə̈ kä tô rə̂ päkëdə̂: «Ädə̈ ngâ täme ndə̂ azü gʉte da andjê tâ, gbölö täme ndə̂ âmbo rə̂ pä akrə te.» Azü lâme gʉ̈te da andjê tâ bëte andjë kosə̂ kə̂ dje ma Ndjapä, rə ndə̂ Ndjapä nyîkrə rə̂ bëte andjê kä lâme.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Bïchuû Pîêre 2:3

Tə̂ pö ndə̂ kə̂ gbo arə tə̂ gbölösə̂nə̈, a-earə̂ kə̂ nyisə̂ rə ndə̂ yepa lâme boloadje nyê lə̂ köbosə̂ apö yepa ndə̂kə̂ gbo arə tchânə̂ nyê. Praâbalë gasa alême, ngbanga ndə̂ a wâ rə̂ pâ andjê ndô tə̂kə̂ wutu nə̂, ngbongbo rə ndə̂ âwâ ndə̂kə̂ ndɨ andjê wâbo ngrɨ̈-a!

Jûde 1:4

Bëte angâ angbongbo azü lï lə̂ küwû nə̈ lə̂ gbâtə̂ nyê. Andjë sə̈ lakə̂ ndɨ tchə̂lə̂ pö ndə̂ tchôtchô su ndə̂ Ndjapä ndə̂ azə̂, ânyë kə̂ gbo köbo ndə̂kə̂ mbo arə ndə̂ su andjê nyîndə̂ nə̈. Andjë kösə̂ Jezü Krîsiti ndə̂ tche də̂ kêlä Earə̂ kə̂ nyisə̂ rə la Gbölö Gbïɛ̈ ndə̂ azə̂. Mbëtï Ndjapä tô pö ndə̂ ngbanga ndə̂ a wâ rə̂ lə̂ küma andjê gasa alême nə̂.