Dokʉ̈ Tësälönîke 5:6 - Mbëtï Ndjapä: TÄFO MADƗ̈

⁶ Käko âwâbo pä azə̈ lo batə̂ adɨ̂ azü-a, praâbalë la azə̂ gbö-ê, azə̈ zɨ̈äbô rə zɨ̂ âro masə̂nə̈-ê.

Dokʉ̈ Tësälönîke 5:6 Iomraidhean Croise

Matiyə̈ 13:25

Lə̂ bütchî, ndə̂ azü gbɛ̂ lô, earə̂ kə̂ kosə̂ yê nə̂ ânyë kə̈ lû angbongbo bë lə̂ gûtə̂ atchôtchô ndjî rəgʉ nə̈ kə̈ rô etə̂.

Matiyə̈ 24:42

Käko la nyê gbö-ê, bëte nyë wûn-âbo sə̂ lö kə̂ ka ndə̂ Gbölö Gbïɛ̈ ndə̂ nyê-a.

Matiyə̈ 25:13

La nyê gbö-ê, nyë löäbô lô-ê, bëte nyë wûn-âbo sə̂ lö nə̈ âdəndjë dalo nə̈-a.»

Matiyə̈ 25:5

Ndə̂ köchë nə̈ kâbô ngbâ yê kâ gasa, andjë mômo gbɛ̂, kə̈ lô-ê.

Matiyə̈ 26:38

Tche tô rə̂ sə̈ andjê päkëdə̂: «Su mê kä la nyonyo ëtə̂ kuzü. Nyë sə̈ tchâtə mëmê la nyê, azə̈ löäbô lô-ê.»

Mâreke 13:37

Pö ndə̂ më tô rə̂ sə̈ nyê âtə, më tö rə̂ sə̈ azü gbɛ̂: Nyë löäbô lô-ê!»

Lûke 12:37

Mômô kä tə̂ a-earə̂ kua ndə̂ gbölö akrə ndə̂ andjê kângbâ yê ânyë kə̈ gbô andjê la lala andjê nga-ë! Ɛn-ɛn, tə̂ lëge nə̈ më tö rə̂ sə̈ nyê: Gbölö akrə ndə̂ andjê lâme âyu lə̂ba kua, kə̂ to rə̂ sə̈ andjê pä andjë sə bêche ndə̂kə̂ zɨ kɨ̈zɨ̂, tchetchë la tə̂ yê âkʉ kɨ̈zɨ̂ sə̈ andjê.

Lûke 12:39

«Nyë djë tchə̂lə̂ pö âtə: Âdə earə̂ nda âwunsə̂ dalo ndə̂ earə̂ ngbä nə la rə̂, tchê gboabô tə̂ earə̂ ngbä lâme tche koa manda ndə̂ yê ndə̂kə̂ kʉ arə ndə̂ yê tee-a.

Lûke 21:36

Nyë löäbô lô-ê, nyë tö pö sə̈ Ndjapä logbɛ̂, ndə̂kə̂ pa nyë wa la gbôgbô ânyë kə̂ wutu lə̂ rə ndə̂ âmbo lâme, ânyë kə̂ krʉ tchâtchu Modô ndə̂ Akrə.»

Lûke 22:46

Tche tô rə̂ sə̈ andjê päkëdə̂: «Bëte giamâ kä ndə̂ nyê lo kâkë? Nyë älafô kə̈ tô pö sə̈ Ndjapä, ânyë kə̂ teabô tê lə̂ rə ndə̂ âvu azü-î.»

Abadjângele 20:31

La nyê gbö-ê, lə̂ ngû vötaâ më gbôâbo tə̂kə̂ za wängö sə̈ nyê tchêdalo la tchə̂lə̂ bütchî la ngûla lə̂ la mê-a, sə̂nə̈ têâbo lə̂ nyê?

Dokʉ̈ Körɛ̂nte 15:34

Nyë mbö rə batə̂ azü ndə̂ küma andjê wâ lanə̈, kə̂ mboabô ngbongbo rə mbô-ê! Bëte angâ azü lə̂ gbâtə̂ nyê wûn-abo sə̈ Ndjapä-a, më tö pö lâme bëte äwätə̂ ganô ndə̂ nyê.

Dokʉ̈ Körɛ̂nte 16:13

Nyë löäbô lô-ê, nyë rʉ̈ätə̂ su nyê ndə̂ nyë zâ rə̂ sə̈ Krîsiti, nyë mbö rə batə̂ aköchë, kə̂ kpokpo tə̂ nyê.

Ëfêze 2:3

Azə̈ gbɛ̂, azə̈ mbö ndjë rə alême batə̂ andjê: Azə̈ mbö rə alême gundə̂sə̂ gʉ su azə̂, azə̈ mbö rə ndə̂ tə̂ azə̂ yûkû nə̈, la rə ndə̂ su azə̂ nyîndə̂ nə̈. Tə̂ pö ndə̂nə̈ ndə̂ azə̈ wâ alême käko lâme, azə̈ wä ndjë alême ndə̂kə̂ gbo mêrâ ndə̂ Ndjapä batə̂ azü gbɛ̂.

Ëfêze 5:14

Bëte rə ndə̂ a wutu la pö ndə̂nə̈ ësûwu mbötə̂ yê tə̂ rə ndə̂ âwûtu lə̂ ngbänga. Ädə̈ käko ânyë a tô rə̂ päkëdə̂: «Amö jo-ê, momö ndə̂ mo lô âtə. Amö alafô lə̂ gbâtə̂ akuzü, Krîsiti wan-adje ngbänga yê pâ zə̈.»

Ëfêze 6:18

Nyë tö pö sə̈ Ndjapä lə̂ aköbo nə̈ balë balë gbɛ̂, ndjë tə̂ logbɛ̂, kə̂ yukû arə tchânə̂ yê lə̂ köbosə̂ Yingö. Käko la nyê gbö logbɛ̂, nyë gböäbô gbôtə̂ kə̂ to pö sə̈ Ndjapä tə̂ pö ndə̂ azü ndə̂ yê gbɛ̂.

Fïlîpe 4:5

Äwäpä azü gbɛ̂ wun dâkâ ndə̂ nyê. Gbölö Gbïɛ̈ ndô tə̂kə̂ ka nə̂.

Kölôse 4:2

Nyë tö pö sə̈ Ndjapä logbɛ̂. La nyê gbö lə̂ köbosə̂ kə̂ to pö sə̈ Ndjapä lakə̂ za ayîabâ sə̈ tchë.

Dokʉ̈ Tësälönîke 4:13

Arə̂mä, ârâ nyïndə̂ nə̈ pä nyë wunsə̂ lëge pö pâ azü ndə̂ andjë tchû, ânyë kə̂ səabô sə̂ la nyonyo batə̂ andə̂ azü ndə̂ andjë zâbô su andjê zâ pâ ngâ rə balë lâme-ê.

Dokʉ̈ Tësälönîke 5:10

ndə̂ tche tchû bëte azə̂ lâme, âdə azə̂ âsə la tʉ̈rʉ̂ la azə̂, âdəndjë rə̂ ndə̂ azə̈ tchû, azə̈ sə balë la tchë.

Dokʉ̈ Tësälönîke 5:8

Praâbalë azə̂ ndə̂ azə̈ wâtə̂ azü ndə̂ ngbɛ̂ngbɛ̂ lo, azə̈ zɨ̈äbô rə zɨ̂ âro masə̂nə̈-ê. Äwäpä kə̂ za su sə̈ Ndjapä lakə̂ nyində̂ ngâ lâme, azə̈ yü rə̂ batə̂ lə̂ba kʉ̈ʉ̈ ndə̂ a mbô rə̂ la wɛ̂n ndə̂ akrə yu rə̂ ëtə̂ krʉ yê, kə̂ yu kə̂ tcha lə̂ kuzü ndə̂ azə̈ zâ su azə̂ pânə̈ lâme batə̂ kpoto ndə̂ wɛ̂n ndə̂ akrə yu rə̂ ëtə̂ küma yê.

Dokʉ̈ Timotë 2:15

Käko ɛ̈chë âtchadje lə̂ kuzü lə̂ köbosə̂ kə̂ zɨ abechë, kütû lə̂ köbosə̂ kə̂ kpokpo tə̂ lə̂kə̂ za su sə̈ Krîsiti, lakə̂ nyində̂ ngâ, lakə̂ sə ngbî bëte Ndjapä, lakə̂ mbo rə la köbo nə̈ ndə̂ afû tə̂ su Ndjapä.

Dokʉ̈ Timotë 2:9

Âdə andə̂ aɛ̈chë, äwäpä andjë yu lə̂ba la köbo nə̈, lə̂ba ndə̂ a lusə̂ andjê la rə̂, ndə̂ âwâtə̂ mbämbä lə̂ba. Âwâbo pä andjë ngbo küma andjê la angâ arə kulə̂ nə̈-a, kə̂ yuabô arə ndə̂ lôlo yû ëtə̂ andjê, kə̂ yuabô akɨ̂dji yû-î, la alə̂ba ngbâ gbölö makətche-ê.

Dokʉ̈ Timotë 3:11

Aɛ̈chë ndjë gbɛ̂, äwäpä andjë lusə̂tə̂ andjê, kə̂ toabô alû tô-ê, kə̂ zɨabô rə zɨ̂ âro masə̂nə̈-ê, kə̂ mbo rə gbɛ̂ gundə̂sə̂ pö ma andjê.

Dokʉ̈ Timotë 3:2

Käko âwâbo pä a gbo ngâ pö balë ndə̂kə̂ gbɨtɨ tü lə̂ küma akrə tə̂ küma Egilîze-a, tche wätə̂ köchë ndə̂ ɛ̈chë balë, tche zɨ̂âbo rə ârô masə̂nə̈-a, tche tö pö la köbo nə̈, tche mbö rə la köbo nə̈, tche wünsə̂ kə̂ kʉ ayirə bhândə̂ yê la köbo nə̈, tche wünsə̂ kə̂ nyisə̂ rə.

Bïchuû Timotë 4:5

Praâbalë andə̂ zə nə̈, äwäpä lə̂ arə gbɛ̂ mo mbo rə âroabô masə̂nə̈ rô-ê, amö rʉatə̂ su zə̈ lə̂ arə yûkü, kə̂ mbo kua ndə̂kə̂ mu Tchôtchô Pö, kə̂ mbo kua ndə̂ zə̈ ndə̂ Ndjapä zâ rə̂ sə̈ mö.

Tîte 2:12

Tchôtchô su yê nə̈ lâme nyïsə̂ köbo sə̈ azə̂ ndə̂kə̂ pa azə̈ gbotə̂ kə̂ kosə̂ Ndjapä-ê, kə̂ gbotə̂ kə̂ mbo gʉ arə tchêbêche âtə-ê, ndə̂kə̂ pa, kə̂ sə ndə̂ azə̂ lə̂ alö ndə̂ azə̈ sə̂ lə̂nə̈ âtə âwa la köbo nə̈, kə̂ wa djîrə̂, ndjë ndə̂kə̂ pa azə̈ zatə̂ azə̂ gbɛ̂ sə̈ Ndjapä.

Tîte 2:6

Äwä ndjë pä mo za wängö sə̈ abechë-ɛ̈köchë ndə̂kə̂ pa andjë to pö la köbo nə̈

Dokʉ̈ Pîêre 1:13

Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Dokʉ̈ Pîêre 5:8

Nyë kïtə̂ gʉ tə̂ nyê, kə̂ loabô lô-ê! Jâbolo, earə̂ kə̂ kosə̂ nyê wä batə̂ bämalä ndə̂ tche ngrɨ lakə̂ dombo ndə̂kə̂ pu ngâ akrə ndə̂kə̂ zɨ tchë.

Apökälîbïchi 16:15

«Gbölö Gbïɛ̈ tö rə̂ päkëdə̂: Amö dje rə̂, më âka batə̂ earə̂ ngbä! Mômô kä tə̂ akrə ndə̂ tche lôâbô lô-ê, ânyë kə̈ bâta lə̂ba ndə̂ yê, ndə̂kə̂ pa tche nəabô nə̂ kpâkpändëwä-ê, ânyë a wun-abô ganô ndə̂ yê wûn-î.»

Apökälîbïchi 3:2

La zə̈ gbö-ê, rə ndə̂ âwâ ngbânə̈ ndə̂kə̂ pa mo mbo rə̂, ndə̂ ândô tə̂kə̂ tchu lâme, amö nyikrə tchêndə̂ nə̈ âkä daka ëngbânə̈. Bëte më wün rə̂ pä akua ndə̂ zə̈ dâkabô lə̂ la Ndjapä ndə̂ mê-a.