Dokʉ̈ Tësälönîke 5:23 - Mbëtï Ndjapä: TÄFO MADƗ̈

²³ Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Dokʉ̈ Tësälönîke 5:23 Iomraidhean Croise

Lûke 1:46

Käko Malê tô rə̂ päkëdə̂: «Më vöga Gbölö Gbïɛ̈ ndə̂ mê la su mê gbɛ̂,

Jâan 17:19

Më zätə̂ mê la tə̂ mê ngbî sə̈ mö bëte andjê, ndə̂kə̂ pa andjë za ndjë tə̂ andjê ngbî sə̈ mö lə̂ köbosə̂ lëge pö.

Abadjângele 20:32

«Angaâtə, më gbötə̂ nyê ëtchânə̂ Ndjapä. Më gbö ndjë tə̂ nyê ndə̂kə̂ pa pö ndə̂ tchôtchô su ndə̂ Ndjapä bata nyê. Ndjapä kä la gbôgbô ndə̂kə̂ kpokpo nyê, ndə̂kə̂ kʉ atchôtchô arə gbɛ̂ ndə̂ tche bâta rə̂ pra azü ndə̂ tche kʉ̂ andjê ngbî bëte tchë.

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Rômo 15:13

Ndjapä mbö rə̂ tə̂ su andjê ndə̂kə̂ krʉ bëte rə ndə̂ tche tô pö ndə̂nə̈; äwäpä tche mbo rə̂ ânyë su nyê sɨ̂sɨ̈ la mômô ndjë la zɨtɨ su lə̂ köbosə̂ su nyê ndə̂ nyë zâ rə̂ sə̈ Jezü. Käko lə̂ köbosə̂ gbôgbô ndə̂ Kpɨ̂ki Yingö, nyê ndəpo lakə̂ za su nyê pâ yê logbɛ̂.

Rômo 15:33

Äwäpä Ndjapä ndə̂ tche za zɨtɨ su sə̈ akrə sə la nyê gbɛ̂! Amin.

Rômo 15:5

Äfü pä Ndjapä ndə̂ tche mbo rə̂ pä akrə rʉatə̂ su yê, kə̂ gbo gbôgbô tə̂ su yê, mbo rə̂ pä nyë djetə̂ nyê lə̂ gbâtə̂ nyê batə̂ rə̂ ndə̂ Krîsiti nyîsə̂ köbo nə̈ sə̈ nyê lâme.

Rômo 16:20

Ndjapä ndə̂ tche za zɨtɨ su sə̈ akrə, tche ndô tə̂kə̂ nunu Satäa tchâtchâ da nyê nə̂. Äfü pä Gbölö Gbïɛ̈ ndə̂ azə̂ Jezü mbo tchôtchô su tə̂ nyê!

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 14:33

Bëte Ndjapä də̈ Ndjapä ndə̂ tche mbo rə la köbo nə̈, kə̈ wâtə̂ Ndjapä ndə̂ zɨtɨ su. Batə̂ rə̂ ndə̂ a mbo rə̂ lə̂ a-Egilîze gbɛ̂ ndə̂ azü ndə̂ Ndjapä,

Bïchuû Körɛ̂nte 5:19

Bëte lə̂ köbosə̂ Krîsiti kä ndə̂ Ndjapä mbô rə̂ pä tchôtchô kə̂ sə wa lə̂ gbâtə̂ azü la Krîsiti. Tche gbäsə̂ ngbongbo rə ndə̂ azü, ânyë kə̈ zä pö ndə̂ tchôtchô kə̂ sə lə̂ gbâtə̂ azü la tchë ëlə̂ ma ârâ ndə̂kə̂ mu rə̂.

Fïlîpe 1:10

ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Fïlîpe 1:6

Më wünsə̂ nə̈ tə̂ lëge nə̈ pä Ndjapä ndə̂ tche jêtə̂ tchôtchô kua lə̂ köbosə̂ nyê, tchê mboadje rə̂ ndjoa ëtə̂ lo kə̂ ka ndə̂ Jezü Krîsiti.

Fïlîpe 4:9

Rə ndə̂ më nyîsə̂ nə̈ sə̈ nyê, rə ndə̂ nyë wûn rə̂ ânyë kə̈ djê rə̂ lə̂ ma mê, äwäpä nyë mbo rə̂. Ndjapä ndə̂ tche za zɨtɨ su sə̈ azü, tchê səadje ndrotə̂ nyê.

Kölôse 1:22

Praâbalë angaâtə lə̂ köbosə̂ kuzü Modô ndə̂ yê ndə̂ tche wûn yûkü lə̂ tə̂ yê ndə̂ akrə, tchôtchô kə̂ sə kângbâ yê lə̂ gbâtə̂ nyê la Ndjapä, ndə̂kə̂ mbo rə̂ ânyë nyê krʉ tchâtchu Ndjapä batə̂ azü ndə̂ andjë wâ ngbî ânyë kə̈ dâka gbɛ̂, azü ndə̂ pö wâbô wâ lə̂ küma andjê, azü ndə̂ ngâ ngbongbo rə wâbô wâ tə̂ andjê-ê.

Dokʉ̈ Tësälönîke 2:19

Käko tə̂ lo ndə̂kə̂ ka ndə̂ Gbölö Gbïɛ̈ Jezü, giamâ kä ndə̂ ârâ za su ârâ pânə̈, giamâ kä âkə̂ watə̂ mômô ndə̂ ârâ, giamâ kä ndə̂ ârâ gbo rə̂ ngbâ kua ndə̂ ârâ mbô rə̂ ndjoa etə̂ manə̈? Âdə̂âbo nyê?

Dokʉ̈ Tësälönîke 3:11

Äwäpä Ndjapä Bha azə̂ la tə̂ yê, ndjë la Gbölö Gbïɛ̈ ndə̂ azə̂ Jezü ji köbo sə̈ ârâ ndə̂kə̂ e atə̂ndə̂ nyê.

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Dokʉ̈ Tësälönîke 4:3

Rə ndə̂ Ndjapä nyîndə̂ nə̈ wä ndə̂kə̂ pa nyë zatə̂ nyê ngbî bëte tchë, kə̂ puabô aɛ̈chë âdəndjë aköchë pû katchôgbɛ̂.

Dokʉ̈ Tësälönîke 5:22

nyë kpë tə̂ angbongbo arə gbɛ̂.

Bïchuû Tësälönîke 3:16

Äfü pä Gbölö Gbïɛ̈ la tə̂ yê, ndə̂ tche wâ la zɨtɨ su, za zɨtɨ su sə̈ nyê logbɛ̂ lə̂ arə gbɛ̂. Äfü pä Gbölö Gbïɛ̈ sə la nyê gbɛ̂.

Aheborö 13:20

Ndjapä ndə̂ tche za zɨtɨ su sə̈ akrə, tche mbö rə̂ pä Gbölö Gbïɛ̈ ndə̂ azə̂ Jezü jo lə̂ kuzü ânyë kə̈ wâtə̂ gbölö earə̂ kə̂ bata aɛ̈bro-ngbaga, lə̂ köbosə̂ jï yê ndə̂ tche zâ rə̂ la ngela, ânyë âbâta madɨ̈ ndə̂ âwâ pïï etə̂.

Aheborö 2:11

Jezü ndə̂ tche kʉ azü ngbî bëte Ndjapä, ânyë tchetchë la azü nə̈ ndə̂ tche kʉ̂ andjê ngbî bëte Ndjapä nə̈ lâme gbɛ̂ wä kütû la Bha balë. Bëte rə̂ kä ndə̂ Jezü wâbo la ganô ndə̂kə̂ e rə̂ tə̂ andjê pä arə̂mä ndə̂ anyê-a.

Aheborö 4:12

Bëte Pö Ndjapä wä la tchîsûwu, kə̈ wâ la gbôgbô. Pö Ndjapä wä batə̂ besala ndə̂ manə̈ kî dəkalâ dəkalâ. Pö Ndjapä nə̈ lï zoo kə̈ krʉ̂ tchə̂lə̂ vrö la yingö, kə̈ krʉ̂ ndjë tchə̂lə̂ abülüngbɨ̈ la awole. Pö Ndjapä wä ngbanga pâ agʉ arə ndjë lakə̂ rɨ tchə̂lə̂ su akrə.

Jâke 1:4

Praâbalë äwäpä kə̂ rʉatə̂ su nyê nə̈ mbo kua ndə̂ yê nə̈ lə̂ köbo nə̈ lə̂ arə gbɛ̂, ânyë nyê daka gbɛ̂, kə̂ wa la arə gbɛ̂, ndjë ngâ ngbongbo rə balë wabô lə̂ nyê tee-a.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Bïchuû Pîêre 3:14

Bëte rə̂ kä, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ nyê âsə̈ krʉ bëte lö nə̈ lâme, äwäpä nyë mbo rə̂ gbɛ̂ ndə̂kə̂ pa nyë daka gbɛ̂ ânyë ngâ pö balë wabô wâ lə̂ küma nyê-ê, ndjë äwäpä nyë sə la zɨtɨ su la Ndjapä.

Jûde 1:1

Mëmê Jûde, earə̂ kua ndə̂ Jezü Krîsiti, ndə̂ më də̂ ndjë yîngâ Jâke. Më mbö mbëtï âtə sə̈ azü ndə̂ Bha mê Ndjapä ê andjê, tche nyïndə̂ andjê ânyë kə̈ bâta andjê bëte Jezü Krîsiti.

Jûde 1:24

Ndjapä ndə̂ tche wâ ndə̂kə̂ bata nyê ânyë nyê teabô tê-ê, tchetchë kä ndə̂ âmbo rə̂ pä nyë daka gbɛ̂ ânyë kə̂ wutu tchâtchâ golowäre ndə̂ yê la gbölö mômô.