Dokʉ̈ Tësälönîke 5:21 - Mbëtï Ndjapä: TÄFO MADƗ̈

²¹ Praâbalë nyë wün tchə̂lə̂ apö nə̈ gbɛ̂ djîrə̂, kə̂ bata anə̈ ndə̂ âdâka,

Dokʉ̈ Tësälönîke 5:21 Iomraidhean Croise

Lûke 12:57

«Bëte giamâ nyënyê la tə̂ nyê, nyë wâbô ngbanga wâ pâ kə̂ mbo djîrə̂ rə-ê?

Jâan 15:4

Nyë sə̈ balë la mê ânyë mê səadje balë la nyê. Ngâ matö yö wâbo ndə̂kə̂ le la tə̂ yê, ndə̂ tche wâbô wâ ëtə̂ da yö nə̈-a. Andə̂ nye nə̈, ârə̂ âwa ndjë käko-ë, âdə nyê âsəabô sə̂ balë la mê, nyê leabô lêlê nə̈ balë tee-a.

Jâan 8:31

Käko Jezü tô rə̂ sə̈ ajuîfu ndə̂ andjë zâ su andjê sə̈ tchë päkëdə̂: «Âdə nyê âsə lə̂ pö ndə̂ mê, dëkë tə̂ lëge nə̈ nyë wätə̂ adjisîpili ndə̂ mê.

Abadjângele 11:23

Ndə̂ tche wûtu bhâye, tche wûn rə̂ ndə̂ Ndjapä mbô tchôtchô su tə̂ azü nə̈. Tche wâ la mômô, ânyë kə̈ zâ wängö sə̈ andjê ndə̂kə̂ pa andjë za su andjê gbɛ̂ lakə̂ sə kpô ngbâ Gbölö Gbïɛ̈ logbɛ̂.

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Abadjângele 17:11

Ajuîfu ndə̂ Berë däka kə̈ rô andjandə̂ Tësälönîke. Andjë gbö pö ndə̂ Ndjapä la gʉ nə̈ gbɛ̂. Logbɛ̂ andjë sə̈ lakə̂ pu rə̂ lə̂ pö nə̈ ndə̂kə̂ wun rə̂ pä pö ndə̂ Pôlo tô rə̂ lâme kä lə̂ köbo nə̈.

Rômo 12:2

Äwäpä kə̂ sə ndə̂ nyê wabô wâ batə̂ andə̂ azü pâ cho âtə-ê. Praâbalë nyë gbötə̂ köbo sə̈ Ndjapä, tche mbo täfo rə lə̂kə̂ sə ndə̂ nyê, kə̂ za täfo kə̂ wunsə̂ rə sə̈ nyê. Käko nyê wun-adje sə̂ rə ndə̂ tche nyîndə̂ nə̈: Rə ndə̂ âwatə̂ tchôtchô nə̈, rə ndə̂ âfû tə̂ yê, rə ndə̂ âdâka gbɛ̂.

Rômo 12:9

Äwäpä azə̈ nyində̂ angâ azə̂ la su azə̂ balë. Nyë kpë tə̂ ngbongbo rə, kə̂ zatə̂ nyê lə̂ rə ndə̂ âwâtə̂ tchôtchô nə̈.

Dokʉ̈ Körɛ̂nte 15:58

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Dokʉ̈ Körɛ̂nte 2:11

Tchabâ lə̂ gûtə̂ azü pâ cho âtə kä ndə̂ âwûnsə̂ apö ndə̂ akrə ndə̂ âwâ lə̂ küwû nə̈? Kütû yingö ndə̂ akrə ndə̂ âwâ lə̂ yê kä ndə̂ âwûnsə̂ nə̈. Käko ndjë, rə ndə̂ âwâ bhâlə̂ su Ndjapä, ngâ akrə balë wûn-âbo sə̂nə̈-a, kütû Kpɨ̂ki Yingö.

Gälâte 6:10

Käko âdə azə̈ âgbo köbo ndə̂kə̂ mbo dâkâ, äwäpä azə̈ mbo rə̂ tə̂ azü gbɛ̂, kə̂ mbo rə̂ tə̂ gbogbôsə̂nə̈ tə̂ andjanə̈ ndə̂ azə̈ wâ la andjê balë lə̂kə̂ za su sə̈ Jezü.

Ëfêze 5:10

Nyë pü köbo ndə̂kə̂ wunsə̂ rə ndə̂ âfû tə̂ su Gbölö Gbïɛ̈.

Fïlîpe 1:10

ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Fïlîpe 3:16

Âdə rə nə̈ âwa atöko, äwäpä nyë ndəpo kpôlə̂ köbo ndə̂ ârâ nə̂ lə̂nə̈ ndjoa angêta.

Fïlîpe 4:8

Ndə̂kə̂ ka pö nə̈, arə̂mä, äwäpä nyë za su nyê pâ rə ndə̂ âdâka, rə ndə̂ a voga rə̂, rə ndə̂ âwâtə̂ lëge nə̈, rə ndə̂ a lusə̂ nə̈, rə ndə̂ âwâ djîrə̂, rə ndə̂ âdâka gbɛ̂, rə ndə̂ âfû lə̂ la azü, rə ndə̂ a to tchôtchô pö ndə̂nə̈ sə̈ azü.

Dokʉ̈ Tësälönîke 5:15

La nyê gbö-ê, ânyë ngâ akrə balë mboabô ngbongbo rə mbô tə̂ akrə ndə̂ tche mbô ngbongbo rə tə̂ yê-ê, praâbalë nyë pü köbo logbɛ̂ ndə̂kə̂ mbo tchôtchô rə lə̂ gbâtə̂ nyê, ndjë tə̂ azü gbɛ̂.

Dokʉ̈ Tësälönîke 5:22

nyë kpë tə̂ angbongbo arə gbɛ̂.

Bïchuû Tësälönîke 2:15

Käko arə̂mä, nyë kpökpo tə̂ nyê, kə̂ bata pö ndə̂ ârâ mû rə̂ sə̈ nyê alême, lə̂ ma ârâ âdəndjë lə̂ mbëtï ndə̂ ârâ wân rə̂ sə̈ nyê.

Bïchuû Timotë 1:15

Mo wûnsə̂ nə̈ nə̂ pä azü lə̂ agö ndə̂ Azï gbɛ̂ gbôtə̂ mê nə̂; akrə batə̂ Fïjêle la Hërëmöjêne kä ndjë lə̂ gbâtə̂ andjê.

Bïchuû Timotë 3:6

Bëte angânə̈ lə̂ gbâtə̂ andjê lï lə̂ anda ânyë kə̈ bôlo aɛ̈chë ndə̂ andjë wâ gbɨgbɨ ndə̂kə̂ te lə̂ gbânda ndə̂ andjê. Aɛ̈chë nə̈ lâme mbö angbongbo rə tə̂ gbölösə̂nə̈, kə̈ wâ la gʉ arə balë balë gbɛ̂ tə̂ su andjê.

Bïchuû Timotë 4:14

Alegezândere earə̂ ndao lâme mbö ngbongbo rə tə̂ mê alême tə̂ gbölösə̂nə̈. Gbölö Gbïɛ̈ giadje ndjë rə̂ sə̈ tchë gundə̂sə̂ akua ndə̂ yê.

Aheborö 10:23

Äwäpä su azə̂ ndəpo pâ rə ndə̂ azə̈ krʉ̂ bëte rə̂ tchânə̂ Ndjapä, ndə̂ azə̈ mu pö ndə̂nə̈, bëte Ndjapä mbö rə gundə̂sə̂ bâlâ ndə̂ yê.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Apökälîbïchi 2:2

Më wûnsə̂ akua ndə̂ zə̈ nə̂, ndjë la yûkü ndə̂ mo wûn rə̂ lakə̂ mbo kua ndə̂ zə̈. Më wûn ndjë sə̂ köbo ndə̂ mo rʉatə̂ su zə̈ lâme nə̂. Më wûnsə̂ nə̈ nə̂ pä mo wâbo ndə̂kə̂ rʉatə̂ su zə̈ la angbongbo azü-a. Azü ndə̂ andjë tô rə̂ pä anyë də̈ abadjângele lâme, ndə̂ mo pû apö pâ andjê, ânyë kə̈ wûnsə̂ nə̈ pä andjë də̈ a-earə̂ yepa.

Apökälîbïchi 2:25

Praâbalë rə ndə̂ nyë wâ la rə̂, nyë bata rə̂ djîrə̂ zoo ëtə̂ lö kə̂ ka ndə̂ mê.

Apökälîbïchi 3:11

Mê ânə angaâtə. Rə ndə̂ mo wâ la rə̂ lâme, amö za rə̂ kperə̂, ânyë ngâ akrə balë krʉabô kurône ndə̂ zə̈ krʉ̂â-ê.

Apökälîbïchi 3:3

Rə ndə̂ a nyîsə̂ nə̈ sə̈ mö la rə ndə̂ mo djê rə̂ alême, äwäpä sə̂nə̈ te lê zə̈, mo bata rə̂, kə̂ gbotə̂ bəndɨ kə̂ mbo rə ndə̂ zə̈-ê. Âdə mo âjoabô jô-ê, mê ânə pu mö batə̂ ngâ earə̂ ngbä, ânyë mô wun-abô sə̂ dalo ndə̂ mê tro mö la rə̂ tee-a.