Dokʉ̈ Tësälönîke 5:14 - Mbëtï Ndjapä: TÄFO MADƗ̈

¹⁴ Arə̂mä, ârâ zä wängö sə̈ nyê ndə̂kə̂ pa nyë gbɨtɨ tü andjanə̈ ndə̂ andjë mboabô rə mbô lə̂ köbo nə̈ lâme-ê, kə̂ za wängö ndə̂kə̂ za gbôgbô tə̂ su andjanə̈ ndə̂ andjë zôgo. Nyë zä könô sə̈ andjänə̈ ndə̂ andjë wâbô wâ la gbôgbô-ê, kə̂ rʉatə̂ su nyê la azü gbɛ̂.

Dokʉ̈ Tësälönîke 5:14 Iomraidhean Croise

Matiyə̈ 12:20

Tchê koakoabô ndjë tchə̂lə̂ wärə̈ ndə̂ âmômö tee-a, tchê wrʉabô ndjë lâmba ndə̂ gbô ngʉ̂wo nə̈ sə̂ lakə̂ da tee-a, zoo ndə̂kə̂ pa tche mbo rə̂ pä djîrə̂ kə̂ wa ngbanga ro masə̂nə̈.

Lûke 22:32

Praâbalë më yü Ndjapä tə̂ zə̈ ndə̂kə̂ pa mo gboabô gbôtə̂ kə̂ za su zə̈ sə̈ mê-ê. Âdə mo âka pu mê nə̂, äwäpä mo kpokpo arə̂mâ ndə̂ zə̈.»

Abadjângele 20:27

Tə̂ lëge nə̈, arə ndə̂ Ndjapä nyikrə rə̂ dokʉ̈tchê, më nyîsə̂ nə̈ nə̂ gbɛ̂ sə̈ nyê, kə̈ vûâbo sə̂ ngâ rə balë-a.

Abadjângele 20:31

La nyê gbö-ê, lə̂ ngû vötaâ më gbôâbo tə̂kə̂ za wängö sə̈ nyê tchêdalo la tchə̂lə̂ bütchî la ngûla lə̂ la mê-a, sə̂nə̈ têâbo lə̂ nyê?

Abadjângele 20:35

Më nyïsə̂ nə̈ sə̈ nyê logbɛ̂ pä nyë mbö kua ânyë kə̂ za könô sə̈ a-earə̂ yûkü. Nyë rɨ̈ tchə̂lə̂ nyê tə̂ apö ndə̂ Gbölö Gbïɛ̈ Jezü la tə̂ yê tô rə̂ päkëdə̂: ‹Kə̂ za rə sə̈ akrə kä ndə̂ âfû kə̈ rô kə̂ gbo rə tchânə̂ akrə.›»

Rômo 12:1

Arə̂mä ndə̂ mê, batə̂ rə̂ ndə̂ Ndjapä wûn nyonyo azə̂ lâme, më yükû nə̈ sə̈ nyê ndə̂kə̂ pa nyë zatə̂ nyê gbɛ̂ sə̈ Ndjapä batə̂ ngela ndə̂ a wâ rə̂ sə̈ Ndjapä, ngela ndə̂ âwâ ngbî, kə̈ wâtə̂ tchôtchô nə̈ ânyë kə̈ fû tə̂ yê. Lëge köbo ndə̂kə̂ pa nyë voga Ndjapä la rə̂ kä lâme.

Rômo 14:1

Akrə ndə̂ tche zâ su yê sə̈ Ndjapä ânyë kə̈ kpôkpoabô tə̂ yê kpôkpo-ê, äwäpä nyë za tchë. Nyë jëndeabô tchë jênde-ê, bëte apö ndə̂ tche rɨ sə̂nə̈ bhâtə̂ su yê ânyë kə̈ wûn andə̂ ye pä äkä lə̂ köbo nə̈ lâme.

Dokʉ̈ Körɛ̂nte 4:14

Më mbôâbo mbëtï âtə sə̈ nyê ndə̂kə̂ za ganô lə̂ la nyê-a, praâbalë më nyïndə̂ kə̂ kra tü nyê dokʉ̈tchê batə̂ abechë ndə̂ mê ndə̂ më nyîndə̂ andjê tə̂ gbölösə̂nə̈.

Dokʉ̈ Körɛ̂nte 8:7

Praâbalë âdə̂âbo azü gbɛ̂ kä ndə̂ âwûnsə̂ nə̈-a. Angânə̈ sə̈ alême lakə̂ voga angakʉ̈lä. Ädə̈ käko ânyë gbô andjê sə̂ angêta lakə̂ zɨ gûsû ndə̂ a wâ rə̂ la ngela, kə̈ wûntî pä gûsû lâme, a wä rə̂ la ngela tə̂ lëge nə̈ sə̈ angakʉ̈lä. Kə̂ rɨ tchə̂lə̂ su andjê gêâbo-a, bëte andjë wün rə̂ pä anyë wâ nə̂ ngbo lə̂ köbosə̂ gûsû ndə̂ andjë zɨ̂ rə̂ lâme.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Ëfêze 4:2

Nyë mbötə̂ nyê kpîɛ̂kpîɛ̂ rə̂, kə̂ mbo rə tə̂ angâ nyê nyima-ë, kə̂ rʉatə̂ su nyê. Nyë rʉ̈ätə̂ su nyê la angâ nyê lə̂kə̂ nyində̂ ngâ.

Ëfêze 4:32

Nyë mbö tchôtchô rə lə̂ gbâtə̂ nyê, kə̂ wun nyonyo angâ nyê, nyë kö pö lə̂ küma angâ nyê lə̂ gbâtə̂ nyê, batə̂ rə̂ ndə̂ Ndjapä kô pö lə̂ küma nyê lə̂ köbosə̂ Krîsiti.

Kölôse 1:28

Pö ndə̂ yê kä ndə̂ ârâ mu rə̂ sə̈ azü. Ârâ krä tü andjê ndjë lakə̂ nyisə̂ rə sə̈ andjê balë balë gbɛ̂ lə̂ köbosə̂ küma ndə̂ âwâ lanə̈, ânyë akrə balë balë ge lə̂ Kpɨ̂ki Yingö lakə̂ wa balë la Krîsiti.

Bïchuû Tësälönîke 3:15

Nyë wün-äbô tchë wûn batə̂ earə̂ kə̂ kosə̂ nyê-ê, praâbalë nyê gbɨ̈tɨ tü yê batə̂ ngâ nyê akrə lə̂ Krîsiti.

Dokʉ̈ Timotë 3:3

Tche zâbo tə̂ yê gbɛ̂ ndə̂kə̂ ndjo pî-a, kə̈ wâbo tə̂ earə̂ kʉ̈ʉ̈-a, praâbalë tche wä zɨtɨ-ë. Tche wâbo tə̂ earə̂ kə̂ po la azü-a, kə̈ wâbo tə̂ akrə ndə̂ tche nyîndə̂ makətche tə̂ gbölösə̂nə̈-a.

Dokʉ̈ Timotë 6:11

Âdə andə̂ zə nə̈, akrə ndə̂ Ndjapä, amö kpe tə̂ arə lâme gbɛ̂. Amö pu köbo djîrə̂ rə, kə̂ zatə̂ zə̈ gbɛ̂ sə̈ Ndjapä, kə̂ za su zə̈ sə̈ Krîsiti, kə̂ nyində̂ ngâ, kə̂ mbo rə nyima-ë.

Bïchuû Timotë 4:2

Äwäpä mo mu pö Ndjapä, kə̂ chi pânə̈ lə̂ tchôtchô lö ndjë lə̂ ngbongbo lö. Amö gbɨtɨ tü azü, kə̂ hro la andjê, kə̂ za wängö sə̈ andjê, lakə̂ rʉatə̂ su zə̈ logbɛ̂, la su ndə̂kə̂ nyisə̂ rə.

Tîte 1:10

Angâ angbängbä azü kä tâ ndə̂ andjë kôsə̂ kə̂ dje ma, andjë dɨ̈ awünwün apö lakə̂ bôlo azü. A gbö azü nə̈ lâme tə̂ gbogbôsə̂nə̈ lə̂ gbâtə̂ ajuîfu ndə̂ andjë zâ su andjê sə̈ Krîsiti.

Tîte 1:6

Âwâbo pä a gbo ngâ pö ndə̂kə̂ gbɨtɨ tü balë lə̂ küma ngâ kpôkpô akrə-a, äwäpä tche watə̂ köchë ndə̂ ɛ̈chë kütû balë, äwäpä abechë ndə̂ yê watə̂ azü ndə̂ Krîsiti, ânyë âwâbo pä a yi pö lə̂ küma andjê tə̂ pö ndə̂ mbə̈lï-a, la pö ndə̂kə̂ kosə̂ ma-a.

Aheborö 12:12

Bëte rə̂ kä, nyê yorʉa tchə̂lə̂ könô nyê ndə̂ âzôgo, kə̂ mbo rə̂ pä köta nyê ndə̂ âmô lâme, âkpokpo tə̂ yê.

Aheborö 13:3

Äwäpä sə̂ azü bhâlə̂ nda kânga te lə̂ nyê, âwûntî pä nyënyê ndjë gbɛ̂, nyë kä lə̂ nda kânga. Äwäpä sə̂ azü ndə̂ a mbô andjê la yûkü te lə̂ nyê bëte nyënyê ndjë gbɛ̂, nyë kä ndjë la tə̂ nyê tâ ndə̂ âwâ ndə̂kə̂ wun yûkü.