Dokʉ̈ Tësälönîke 5:13 - Mbëtï Ndjapä: TÄFO MADƗ̈

¹³ Nyë mbö la sə̂ andjê tə̂ gbölösə̂nə̈ lakə̂ nyində̂ andjê tə̂ pö ndə̂ kua ndə̂ andjë mbo rə̂ lâme. Nyë sə̈ la zɨtɨ su lə̂ gbâtə̂ nyê.

Dokʉ̈ Tësälönîke 5:13 Iomraidhean Croise

Matiyə̈ 10:40

«Akrə ndə̂ tche mbô rə̂ la nyê, dëkë tche mbö rə̂ la mê. Akrə ndə̂ tche mbô rə̂ la mê dëkë tche mbö rə̂ la akrə ndə̂ tche wân mê.

Mâreke 9:50

«Ngbro wätə̂ tchôtchô rə, praâbalë âdə kötchô nə̈ âwutu lə̂nə̈ nə̂, giamâ kä ndə̂ a mbo rə̂ tâ ânyë kötchô nə̈ ka ëlə̂nə̈ ngbânə̈? Äwäpä nyë watə̂ ngbro lə̂ tchîsûwu ndə̂ nyê la tə̂ nyê, kə̂ sə la zɨtɨ su lə̂ gbâtə̂ nyê la angâ nyê.»

Jâan 15:17

Käko rə ndə̂ më zâma sə̈ nyê tâ wä ndə̂kə̂ nyində̂ angâ nyê lə̂ gbâtə̂ nyê.»

Bïchuû Körɛ̂nte 13:11

Ndə̂kə̂ ka ndə̂ pö nə̈ arə̂mä, nyë wä la mômô! Nyë pu köbo ndə̂kə̂ daka gbɛ̂. Nyë zä wängö lə̂ gbâtə̂ nyê la angâ nyê, nyë djëtə̂ nyê lə̂ gbâtə̂ nyê, kə̂ sə la zɨtɨ su, ânyë Ndjapä ndə̂ tche nyîndə̂ azü, ânyë kə̂ za zɨtɨ su sə̈ andjê, tchê səadje la nyê.

Gälâte 4:14

Ndə̂ më wâ la tə̂kömbô, ânyë tə̂ mê fûâbô fû-î lâme, nyë djêâbo tchêngbâ nyê tə̂ mê-a, kə̈ kôâbo ndjë sə̂ mê-a. Praâbalë nyë mbö rə̂ la mê bhândə̂ nyê batə̂ ngâ ânje ndə̂ Ndjapä, ndjë batə̂ Krîsiti Jezü.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Gälâte 6:6

Äwäpä akrə ndə̂ a nyisə̂ pö Ndjapä sə̈ tchë, tche krʉ tchə̂lə̂ arə ndə̂ yê gbɛ̂, kə̂ kʉ ngâ tchâkâla nə̈ sə̈ akrə ndə̂ tche nyîsə̂ rə nə̈ sə̈ tchë.

Ëfêze 4:3

Nyë pü köbo gbɛ̂ ndə̂kə̂ bata kə̂ sə ndə̂ nyê balë lə̂ Kpɨ̂ki Yingö lə̂ köbosə̂ kə̂ sə la zɨtɨ su lə̂ gbâtə̂ nyê.

Kölôse 3:15

Äwäpä zɨtɨ su ndə̂ âtô bhândə̂ Krîsiti nyisə̂ köbo sə̈ nyê lə̂ apö tə̂ su nyê! Tə̂ pö ndə̂ zɨtɨ su lâme kä ndə̂ Ndjapä ê nyê ndə̂kə̂ watə̂ tə̂ akrə balë. Nyë zä ayîabâ sə̈ Ndjapä.

Dokʉ̈ Tësälönîke 5:14

Arə̂mä, ârâ zä wängö sə̈ nyê ndə̂kə̂ pa nyë gbɨtɨ tü andjanə̈ ndə̂ andjë mboabô rə mbô lə̂ köbo nə̈ lâme-ê, kə̂ za wängö ndə̂kə̂ za gbôgbô tə̂ su andjanə̈ ndə̂ andjë zôgo. Nyë zä könô sə̈ andjänə̈ ndə̂ andjë wâbô wâ la gbôgbô-ê, kə̂ rʉatə̂ su nyê la azü gbɛ̂.

Bïchuû Tësälönîke 3:16

Äfü pä Gbölö Gbïɛ̈ la tə̂ yê, ndə̂ tche wâ la zɨtɨ su, za zɨtɨ su sə̈ nyê logbɛ̂ lə̂ arə gbɛ̂. Äfü pä Gbölö Gbïɛ̈ sə la nyê gbɛ̂.

Bïchuû Timotë 2:22

Amö kpe tə̂ gʉ arə ndə̂ âmbo abechë-ɛ̈köchë la abechë-ɛ̈chë lâme. Pu köbo ndə̂kə̂ mbo djîrə̂ rə, kə̂ za su zə̈ sə̈ Krîsiti, kə̂ nyində̂ ngâ, kə̂ sə la zɨtɨ su la azü ndə̂ nyê e rə̈ Gbölö Gbïɛ̈ la andjê, la grôgrô su.

Aheborö 12:14

Nyë pü köbo ndə̂kə̂ sə la zɨtɨ su la azü gbɛ̂, kə̂ mbo rə̂ pä tchîsûwu ndə̂ nyê daka gbɛ̂. Bëte ârə̂ âdəabô də̂ käko, akrə balë wun-abô Gbölö Gbïɛ̈ tee-a.

Jâke 3:18

Azü ndə̂ andjë nyîndə̂ zɨtɨ su, andjë mbö rə̂ pa azü ndrotə̂ andjê sə la zɨtɨ su. Äwä batə̂ kə̂ lu andjî rəgʉ, ânyë ndjî rəgʉ nə̈ ndə̂ andjë soa rə̂ də̈ kə̈ mbo djîrə̂ rə.