Dokʉ̈ Tësälönîke 5:10 - Mbëtï Ndjapä: TÄFO MADƗ̈

¹⁰ ndə̂ tche tchû bëte azə̂ lâme, âdə azə̂ âsə la tʉ̈rʉ̂ la azə̂, âdəndjë rə̂ ndə̂ azə̈ tchû, azə̈ sə balë la tchë.

Dokʉ̈ Tësälönîke 5:10 Iomraidhean Croise

Matiyə̈ 20:28

Ârə̂ kä ndə̂ Modô ndə̂ Akrə nə̂âbo ndə̂kə̂ pa azü mbo kua sə̈ tchë-a, praâbalë tche nə̈ ndə̂kə̂ mbo kua sə̈ azü lakə̂ zatə̂ yê sə̈ kuzü ndə̂kə̂ ji angbängbä azü lə̂ ngbongbo rə ndə̂ andjê.»

Jâan 10:11

Më wätə̂ tchôtchô earə̂ kə̂ bata aɛ̈bro-ngbaga. Tchôtchô earə̂ kə̂ bata aɛ̈bro-ngbaga gbötə̂ tchîsûwu ndə̂ yê bëte aɛ̈bro-ngbaga ndə̂ yê.

Jâan 10:15

batə̂ rə̂ ndə̂ Bha mê wûnsə̂ mê, ânyë më wûn ndjë sə̂ Bha mê. Më gbötə̂ tchîsûwu ndə̂ mê bëte aɛ̈bro-ngbaga ndə̂ mê.

Jâan 10:17

Bha mê nyində̂ mê bëte rə̂ ndə̂ më gbôtə̂ tchîsûwu ndə̂ mê, ânyë kə̈ kä zâ rə̂.

Jâan 15:13

Âdə ngâ akrə âza tchîsûwu ndə̂ yê la kuzü bëte araagü nə̈, ndə̂kə̂ nyisə̂ kə̂ nyində̂ ngâ ndə̂ yê, kə̂ nyində̂ ngânə̈ lâme wä gbölö kə̈ rô adɨ̂ nə̈ gbɛ̂.

Rômo 8:34

Tchabâ kä ndə̂ âwâ ndə̂kə̂ wa ngbanga lə̂ küma andjê? Akrə balë sə̂âbo-a, bëte rə̂ ndə̂ Jezü Krîsiti tchû ânyë kə̈ jô lə̂ kuzü. Tche sə̈ ndrotə̂ Ndjapä də ndôkö könô yê ânyë kə̂ to pö sə̈ Ndjapä bëte azə̂.

Dokʉ̈ Körɛ̂nte 15:3

Dokʉ̈ rə ndə̂ më nyîsə̂ nə̈ sə̈ nyê də̈ pö ndə̂ mëmê la tə̂ mê më gbô rə̂: Krîsiti tchü bëte ngbongbo rə ndə̂ azə̂, batə̂ rə̂ ndə̂ Mbëtï Ndjapä tô rə̂,

Bïchuû Körɛ̂nte 5:15

Tche tchü bëte azü gbɛ̂ ndə̂kə̂ pa azü ndə̂ andjë wâ la tʉ̂rʉ la andjê wa bata wâ la tʉ̈rʉ̂ la andjê bëte andjê la tə̂ andjê, praâbalë andjë wä la tʉ̈rʉ̂ la andjê bëte tchanə̈ ndə̂ tche tchû ânyë kə̈ jô lə̂ kuzü bëte andjê.

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Ëfêze 5:2

Nyë sə̈ lakə̂ nyində̂ angâ nyê, batə̂ rə̂ ndə̂ Krîsiti nyîndə̂ azə̂ ânyë kə̈ zâtə̂ yê la tə̂ yê la ngela sə̈ Ndjapä bëte azə̂, batə̂ ngâ gia ndə̂ a zô tchë pâ gbalâka sə̈ Ndjapä ndə̂ tchâfo yê fô djîrə̂ ânyë kə̈ fû tə̂ su yê.

Dokʉ̈ Tësälönîke 4:13

Arə̂mä, ârâ nyïndə̂ nə̈ pä nyë wunsə̂ lëge pö pâ azü ndə̂ andjë tchû, ânyë kə̂ səabô sə̂ la nyonyo batə̂ andə̂ azü ndə̂ andjë zâbô su andjê zâ pâ ngâ rə balë lâme-ê.

Dokʉ̈ Tësälönîke 4:15

Pö ndə̂ ârâ nyîndə̂ kə̂ to rə̂ sə̈ nyê, ndə̂ Gbölö Gbïɛ̈ tô rə̂ sə̈ ârâ kä âtə: Azəzə̂ ndə̂ azə̈ sə la tʉ̈rʉ̂ la azə̂ ndjoa ëtə̂ lo kə̂ ka ndə̂ Gbölö Gbïɛ̈, andjanə̈ ndə̂ andjë tchû lâme, azə̂ roabô dokʉ̈tchê tə̂ andjê tee-a.

Dokʉ̈ Tësälönîke 4:17

Pânə̈ azə̈ ndə̂ gbô azə̂ sə̂ la tʉ̈rʉ̂ la azə̂ tə̂ lo nə̈ lâme, a âkengadje la azə̂ la andjê gbɛ̂ lə̂ ndrö ndə̂kə̂ takpa la Gbölö Gbïɛ̈ bhâ lafô, ânyë azə̈ sə la Gbölö Gbïɛ̈ logbɛ̂.

Dokʉ̈ Tësälönîke 5:6

Käko âwâbo pä azə̈ lo batə̂ adɨ̂ azü-a, praâbalë la azə̂ gbö-ê, azə̈ zɨ̈äbô rə zɨ̂ âro masə̂nə̈-ê.

Dokʉ̈ Timotë 2:6

Tche zätə̂ yê la kuzü ndə̂kə̂ yosə̂ azü gbɛ̂. Rə ndə̂ Krîsiti mbô rə̂ kä lâme ndə̂kə̂ nyisə̂ nə̈ pä Ndjapä nyïndə̂ kə̂ tcha azü gbɛ̂ lə̂ kuzü, tche mbö rə̂ gundə̂sə̂ lö nə̈ ndə̂ tche nyîkrə rə̂.

Bïchuû Timotë 2:11

Pö ndə̂ mê to rə̂ âtə wä ndə̂kə̂ pa akrə za su yê pânə̈, pö nə̈ wä kâkë: «Âdə azə̂ âtchu la tchë, azə̂ wadje la tʉ̈rʉ̂ la la tchë.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.