Dokʉ̈ Tësälönîke 4:9 - Mbëtï Ndjapä: TÄFO MADƗ̈

⁹ Pâ pö ndə̂kə̂ nyində̂ angâ nyê lə̂ gbâtə̂ nyê lə̂ Krîsiti, âwâbo ndə̂kə̂ pa a ka mbô mbëtï sə̈ nyê pânə̈-a, bëte Ndjapä nyîsə̂ köbo ndə̂kə̂ nyində̂ angâ nyê lə̂ gbâtə̂ nyê sə̈ nyê la tə̂ nyê nə̂.

Dokʉ̈ Tësälönîke 4:9 Iomraidhean Croise

Matiyə̈ 22:39

Bïchuû ndïɛ̈ nə̈ wä ndjë batə̂ dokʉ̈ nə̈: ‹Äwäpä mo nyində̂ ngâ zə̈ akrə batə̂ tə̂ zə̈.›

Jâan 14:26

Praâbalë earə̂ kə̂ za könô sə̈ nyê, ndə̂ tche də̂ Kpɨ̂ki Yingö ndə̂ Bha wan-adje tchë la rə̈ mê, tchê nyiadje sə̂ arə gbɛ̂ sə̈ nyê, ânyë kə̂ mboadje rə̂ pä arə gbɛ̂ ndə̂ më nyîsə̂ nə̈ alême sə̈ nyê sə̂nə̈ te lə̂ nyê.

Abadjângele 4:32

Akpûlû azü ndə̂ andjë zâ su andjê sə̈ Krîsiti wä batə̂ akrə balë, kə̈ wâ la su balë. Akrə balë balë tôâbo rə̂ päkëdə̂: «Rə ndə̂ mê wä kütû tə̂ andə̂ me nə̈-a!» Praâbalë rə gbɛ̂ ndə̂ andjë wâ la rə̂, andjë päla rə̂ balë ëtâ.

Rômo 12:10

Nyë nyïndə̂ angâ nyê lə̂ gbâtə̂ nyê la su nyê gbɛ̂. Äwäpä akrə balë balë pu köbo ndə̂kə̂ lusə̂ ngâ yê.

Bïchuû Körɛ̂nte 9:1

Âdə pö ndə̂kə̂ kʉ rə sə̈ azü ndə̂ Ndjapä, âdə̂âbo ngâ rə ndə̂kə̂ pa më wan mbëtï sə̈ nyê pânə̈-a.

Fïlîpe 3:15

Azə̂ gbɛ̂ ndə̂ azə̈ nêgbe lə̂ köbosə̂ arə ndə̂ Yingö, äwäpä kə̂ rɨ su azə̂ gbɛ̂ wa balë. Âdə ngâ pö âwa tâ ânyë pö tə̂ su nyê wâ ngbî, Ndjapä âkradje tchə̂lə̂ la nyê pâ pö nə̈ lâme.

Dokʉ̈ Tësälönîke 5:1

Arə̂mä, âdə andə̂ pö ndə̂ lö, âdəndjë dalo ndə̂ arə nə̈ wutuadje lə̂nə̈, âdə̂âbo ngâ rə ndə̂kə̂ pa a mbo mbëtï sə̈ nyê tə̂ pö ndə̂nə̈ kä lâme-a.

Aheborö 10:16

«Gbölö Gbïɛ̈ tö rə̂ päkëdə̂: Madɨ̈ ndə̂ mëmê la andjê droadje rə̂ la tchêngbâ alö nə̈ lâme kä âtə: Mê mboadje andïɛ̈ ndə̂ mê bhâlə̂ su andjê, ânyë kə̂ mböadje rə̂ bhâlə̂ kə̂ za küma andjê.»

Aheborö 13:1

Nyë ndə̈po logbɛ̂ lakə̂ nyində̂ angâ nyê lə̂ gbâtə̂ nyê la angâ nyê batə̂ arə̂mâ ndə̂ Krîsiti.

Dokʉ̈ Pîêre 3:8

Ndə̂kə̂ ka ndə̂ pö nə̈, äwäpä pö tə̂ su nyê gbɛ̂ wa balë, nyë wün nyonyo angâ nyê. Nyë nyïndə̂ angâ nyê lə̂ gbâtə̂ nyê batə̂ arə̂mâ ndə̂ nyê lə̂ Krîsiti, nyë mbö dâkâ, kə̂ mbotə̂ nyê kpîɛ̂kpîɛ̂ rə̂.

Dokʉ̈ Pîêre 4:8

Dokʉ̈ nə̈ wä ndə̂kə̂ pa nyë nyində̂ angâ nyê lə̂ gbâtə̂ nyê la su nyê gbɛ̂, bëte kə̂ nyində̂ ngâ vüsə̂ angbängbä angbongbo rə.

Bïchuû Pîêre 1:7

Nyë zä kə̂ mbo la sə̂ angâ nyê ëpâ kə̂ zatə̂ nyê gbɛ̂ sə̈ Ndjapä, nyë zä kə̂ nyïndə̂ ngâ ëpâ kə̂ mbo la sə̂ angâ nyê.

Dokʉ̈ Jâan 2:10

Akrə ndə̂ tche nyîndə̂ ngâ yê, tche kä lə̂ ngbänga, ânyë ngâ rə balë ndə̂ âmbo rə̂ pä tche te lə̂ ngbongbo rə wâbo-a.

Dokʉ̈ Jâan 3:11

Pö ndə̂ nyë djê rə̂ alême lə̂ kêsâ nə̈ kä âtə: Äwäpä azə̈ nyində̂ angâ azə̂ lə̂ gbâtə̂ azə̂.

Dokʉ̈ Jâan 3:23

Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.

Dokʉ̈ Jâan 4:21

Ndïɛ̈ ndə̂ Krîsiti zâ rə̂ sə̈ azə̂ wä kâkë: Akrə ndə̂ tche nyîndə̂ Ndjapä, äwäpä tche nyi ndjë ndə̂ ngâ yê.