Dokʉ̈ Tësälönîke 4:8 - Mbëtï Ndjapä: TÄFO MADƗ̈

⁸ Bëte rə̂ kä ndə̂ akrə ndə̂ tche kôsə̂ apö âtə, dëkë akrə də̂âbo tchë ndə̂ tche kôsə̂ yê-a, praâbalë Ndjapä kä ndə̂ tche kôsə̂ yê, tchetchë ndə̂ tche zâ Kpɨ̂ki Yingö ndə̂ yê sə̈ nyê lâme.

Dokʉ̈ Tësälönîke 4:8 Iomraidhean Croise

Lûke 10:16

Jezü kä tô rə̂ sə̈ adjisîpili ndə̂ yê päkëdə̂: «Âdə ngâ akrə âdje nyê, dëkë mëmê kä ndə̂ tche djê mê. Âdə ngâ akrə âkosə̂ nyê, dëkë mëmê kä ndə̂ tche kôsə̂ mê. Âdə akrə nə̈ âkosə̂ mê, dëkë tche kösə̂ akrə ndə̂ tche wän mê.»

Jâan 12:48

Akrə ndə̂ tche kôsə̂ mê ânyë kə̈ mbôâbô rə mbô gundə̂sə̂ apö ndə̂ mê, tche kä la earə̂ kə̂ wa ngbanga ndə̂ yê tâ. Pö ndə̂ më tô rə̂ alême kä, pö nə̈ lâme kä ndə̂ âwadje ngbanga lə̂ küma yê tə̂ lö nə̈ ndə̂ tchêbêche krʉ.

Abadjângele 13:41

‹Nyënyê ndə̂ azü ndə̂ nyë wûn pö Ndjapä batə̂ ngbongbo rə, nyë wün rə̂! Andjë mbö wa ânyë kə̈ kpê etə̂! Tə̂ lëge nə̈, sə̂nə̈ ndə̂ gbô andjê wâ la tʉ̈rʉ̂ la andjê, mê mboadje ngâ rə, rə nə̈ lâme, âdə akrə âto tchêngbâ pö ndə̂nə̈ sə̈ nyê, nyê gambabô rə̂ balë tee-a.›»

Rômo 5:5

Rə ndə̂ su azə̂ krʉ̂ bëte rə̂ lâme, azə̂ krʉabô bëte rə̂ tʉrʉ tee-a, bëte Ndjapä nyisə̂ nə̈ lə̂ su azə̂ pä tche nyïndə̂ azə̂ tə̂ gbölösə̂nə̈. Tche nyïsə̂ nə̈ lə̂ köbosə̂ Kpɨ̂ki Yingö ndə̂ tche zâ tchë sə̈ azə̂.

Dokʉ̈ Körɛ̂nte 2:10

Bëte Ndjapä nyïsə̂ arə lâme sə̈ azə̂ lə̂ köbosə̂ Yingö ndə̂ yê. Bëte Yingö pü dju apö gbɛ̂, ndjë la arə ndə̂ Ndjapä nyîkrə rə̂ bhâlə̂ su yê ndə̂ gbô rə̂ wâ lə̂ küwû nə̈.

Dokʉ̈ Körɛ̂nte 7:40

Bhâtə̂ su mê, âdə ɛ̈chë nə̈ âtoabô ngâ köchë tô-ê, tchê səadje la mômô. Mëmê ndjë gbɛ̂ më wün rə̂ pä më kä la Yingö ndə̂ Ndjapä.

Bïchuû Körɛ̂nte 1:22

Ndjapä mbö ngâ sɨ̂nyî tə̂ azə̂, kə̈ zâ Yingö ndə̂ yê bhâlə̂ su azə̂ ndə̂kə̂ nyisə̂ nə̈ pä atchôtchô arə ndə̂ tche bâta rə̂ pra azə̂, tchê kʉadje rə̂ sə̈ azə̂.

Gälâte 4:6

Nyë wätə̂ abechë ndə̂ yê tə̂ lëge nə̈, Ndjapä wän Yingö ndə̂ Modô ndə̂ yê lə̂ su azə̂ ndə̂ âon päkëdə̂: «Aba!», ndə̂ ânyîndə̂ kə̂ to rə̂ päkëdə̂: «Bha!».

Dokʉ̈ Pîêre 1:12

Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈.

Bïchuû Pîêre 1:21

Bëte ngâ akrə âbolafô la su yê ndə̂kə̂ to ndə̂ma Ndjapä-a, praâbalë Kpɨ̂ki Yingö kä âkə̂ za rə̂ lə̂ su azü ndə̂kə̂ to pö la rə̈ Ndjapä.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Jûde 1:8

Azü ndə̂ andjë lî lə̂ gbâtə̂ nyê lâme, andjë mbö ndjë tâ käko: Angâ arə ndə̂ ânə lə̂ küma andjê wä ngbo. Andjë mbö ngbongbo rə tə̂ andjê la tə̂ andjê. Andjë wün gbôgbô ndə̂ Ndjapä batə̂ ngâ mbämbä rə, kə̈ sə̂ lakə̂ dro aânje ndə̂ tchêlafô.