Dokʉ̈ Tësälönîke 4:7 - Mbëtï Ndjapä: TÄFO MADƗ̈

⁷ Bëte Ndjapä êâbo azə̂ ndə̂kə̂ mbo rə ndə̂ ndïɛ̈ ndə̂ yê kôsə̂ nə̈-a, praâbalë tche ë azə̂ ndə̂kə̂ wa ngbî bëte tchë ânyë kə̂ daka gbɛ̂.

Dokʉ̈ Tësälönîke 4:7 Iomraidhean Croise

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Gälâte 5:19

Arə ndə̂ angbongbo gʉ su akrə mbo rə̂ wä lə̂ arə batə̂: Kə̂ pu aɛ̈chë âdəndjë aköchë katchôgbɛ̂, kə̂ mbo arə kâkpö, kə̂ mbo arə ganô,

Ëfêze 1:4

Dokʉ̈tchê ndə̂kə̂ pa a mbo tchîsûwu, Ndjapä dɨ̈ azə̂ ndə̂kə̂ pa azə̈ wa balë la tchë ânyë azə̈ watə̂ azü ndə̂ andjë wâ ngbî ânyë kə̈ dâka gbɛ̂, ndə̂ pö wâbô wâ lə̂ küma andjê lə̂ la yê. Lə̂ köbosə̂ nə̈ ndə̂ Ndjapä nyîndə̂ azə̂,

Ëfêze 2:10

Bëte Ndjapä kä ndə̂ âmbô azə̂, a mbö azə̂ lə̂ köbosə̂ kə̂ wa balë ndə̂ azə̂ la Jezü Krîsiti, ndə̂kə̂ pa azə̈ mbo atchôtchô arə ndə̂ tche nyikrə rə̂ dokʉ̈tchê ndə̂kə̂ pa azə̈ mbo rə̂.

Ëfêze 4:1

Mëmê ndə̂ më də̂ earə̂ kânga bëte Gbölö Gbïɛ̈, më zä wängö sə̈ nyê ndə̂kə̂ pa nyë mbotə̂ nyê gundə̂sə̂ kə̂ e nyê ndə̂ Ndjapä ê nyê lâme.

Ëfêze 4:19

Andjë wûn-âbo sə̂kə̂ krʉ tchə̂lə̂ tchôtchô rə la ngbongbo rə-a, ädə̈ käko ânyë andjë zâtə̂ andjê ndə̂kə̂ pu aɛ̈chë âdəndjë aköchë katchôgbɛ̂. Andjë mbö arə kâkpö balë balë gbɛ̂ kə̈ gbôâbo tə̂ köbo nə̈-a.

Dokʉ̈ Tësälönîke 2:3

Kə̂ mu pö ndə̂ ârâ nə̈ krʉ̂âbo pâ yepa-a, âwâbo lə̂ köbosə̂ ngbongbo pö tə̂ su akrə-a, kə̈ wâbo ndjë ndə̂kə̂ bolo azü-a.

Bïchuû Timotë 1:9

Tchetchë kä ndə̂ âtchâ azə̂, kə̈ ê azə̂ kə̈ kʉ̂ azə̂ ngbî bëte tchë lâme. Kə̂ e tchô nə̈ lâme wâbo lə̂ köbosə̂ kua ndə̂ azə̂-a, praâbalë äwä lə̂ köbosə̂ rə ndə̂ tche nyîkrə rə̂, la tchôtchô su yê. A zä tchôtchô su nə̈ lâme sə̈ azə̂, lə̂ köbosə̂ kə̂ wa balë la Jezü Krîsiti, dokʉ̈tchê ndə̂kə̂ pa a mbo arə gbɛ̂.

Aheborö 12:14

Nyë pü köbo ndə̂kə̂ sə la zɨtɨ su la azü gbɛ̂, kə̂ mbo rə̂ pä tchîsûwu ndə̂ nyê daka gbɛ̂. Bëte ârə̂ âdəabô də̂ käko, akrə balë wun-abô Gbölö Gbïɛ̈ tee-a.

Bïchuû Pîêre 2:10

Azü ndə̂ andjë wâ la gʉ ndə̂kə̂ za tchêngbâ angbongbo gʉ su andjê la tə̂ andjê, ânyë kə̈ wûn gbôgbô ndə̂ Ndjapä batə̂ ngâ mbämbä rə lâme, tchê mboadje andjê la yûkü. A-earə̂ kə̂ nyisə̂ rə ndə̂ yepa lâme wüntə̂ andjê pä anyë âwâ tâ, kə̈ wûn tə̂ andjê gbölö, andjë wâbo la wawa ndə̂kə̂ dro ayingö ndə̂ tchêlafô ndə̂ sə̂ andjê lû lâme-a.