Dokʉ̈ Tësälönîke 4:6 - Mbëtï Ndjapä: TÄFO MADƗ̈

⁶ Lə̂ apö âtə, âwâbo pä ngâ akrə balë mbo ngâ rə tə̂ ngâ yê ndə̂kə̂ pa su yê kʉ tchë-a, âdəndjë ndə̂kə̂ mbo ngâ ngbongbo rə tə̂ yê-a. Bëte Gbölö Gbïɛ̈ gbôâbo tə̂ arə käko ämbänə̈-a, ârâ tô rə̂ sə̈ nyê kə̈ gbɨ̂tɨ tü nyê pânə̈ alême nə̂ gbɛ̂.

Dokʉ̈ Tësälönîke 4:6 Iomraidhean Croise

Mâreke 10:19

Mo wûnsə̂ andïɛ̈ nə̂: Âwâbo pä mo won akrə-a, kə̂ puabô ɛ̈chë âdəndjë köchë ndə̂ akrə pû-î, kə̂ zɨabô ngbä zɨ̂-î, kə̂ moabô yepa mô tə̂ ngâ akrə-ê, kə̂ boloabô akrə bôlo ndə̂kə̂ za rə ndə̂ yê-ê, amö lusə̂ bha la anyï zə̈.»

Lûke 12:5

Mê toadje pö ndə̂ ngâ akrə ndə̂ nyë wâ ndə̂kə̂ mbo wa yê. Nyë mbö wa Ndjapä ndə̂ âdə tche âwon akrə, kə̂ wa la gbôgbô ndə̂kə̂ yi tchë bhâlə̂ wo ndə̂ âju pïï etə̂. Ɛn-ɛn, tə̂ lëge nə̈ më tö rə̂ sə̈ nyê, tchetchë kä ndə̂ nyë wâ ndə̂kə̂ mbo wa yê.

Lûke 16:28

Bëte më kä la ayîngâ mê mïndûu, tche e kə̂ to rə̂ sə̈ andjê dokʉ̈tchê pä andjë nəabô nə̂ ndjë lə̂ tchô ndə̂ yûkü âtə-ê.›

Rômo 1:18

Bhâ lafô, Ndjapä nyïsə̂ mêrâ ndə̂ yê bëte rə̂ ndə̂ azü kôsə̂ yê, ndjë bëte ambə̈lï gbɛ̂ ndə̂ andjë mbô rə̂. Lə̂ köbosə̂ arə ndə̂ andjê, andjë mîɛ köbo tə̂ lëge pö.

Rômo 12:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə ngâ akrə âmbo ngbongbo rə tə̂ nyê, nyënyê la tə̂ nyê nyë gïäbô tchêngbâ ngbongbo rə nə̈ gî sə̈ tchë-ê. Praâbalë nyë gbötə̂ köbo tə̂ mêrâ ndə̂ Ndjapä ndə̂kə̂ mbo rə tə̂ azü nə̈, bëte lə̂ Mbëtï Ndjapä, Gbölö Gbïɛ̈ tö rə̂ päkëdə̂: «Mëmê kä ndə̂ âsə lə̂ kpâlâ akrə ndə̂ a mbô ngbongbo rə tə̂ yê, ânyë kə̂ gi ndjë ngbongbo rə sə̈ akrə nə̈ lâme, mëmê kä ndə̂ âmbo ngbongbo rə tə̂ akrə, gundə̂sə̂ ngbongbo rə ndə̂ yê.»

Rômo 13:4

Ndjapä kʉ̈ agbölö azü gö nə̈ batə̂ a-earə̂ kua ndə̂ yê ndə̂kə̂ mbo rə̂ ânyë mo mbo tchôtchô rə. Praâbalë âdə mo âmbo ngbongbo rə, äwäpä mo mbo wa andjê, bëte gbôgbô ndə̂ andjë wâ la rə̂ ndə̂kə̂ wa ngbanga lə̂ küma azü lâme, âwâbo ämbänə̈-a. Âdə andjê âsə lakə̂ wa ngbanga, andjë kä lakə̂ mbö kua ndə̂ Ndjapä ndə̂kə̂ mbo rə̂ ânyë mêrâ ndə̂ Ndjapä te pâ a-earə̂ ngbongbo rə.

Bïchuû Körɛ̂nte 7:11

Nyë wünsa arə nyonyo ndə̂ âgbô nyê ndə̂ Ndjapä nyîndə̂ nə̈ lâme, rə ndə̂ âmbô rə̂ kä âtə: Nyë wä la gʉ ndə̂kə̂ mbo kua wândâ wändä, nyë wünsə̂ kə̂ to pö djîrə̂ pâ apö ndə̂ a yî rə̂ lə̂ küma nyê, âdə azü âmbo ngbongbo rə, tchə̂lə̂ nyê kʉ nyê tâ, nyë kä la wawa lə̂ su nyê, nyë kä la gʉ ndə̂kə̂ kä wun mê, nyë wä la gʉ ndə̂kə̂ mbo adjîrə̂ kua, nyë wä ngbanga lə̂ küma azü ndə̂ andjë mbô ngbongbo rə. Lə̂ arə lâme gbɛ̂, nyë nyïsə̂ nə̈ pä pö wâbo lə̂ küma nyê-a.

Gälâte 5:21

kə̂ mbo gʉ rə ndə̂ akrə, kə̂ ndjo rə lakə̂ zɨ rə âro masə̂nə̈ lə̂ akpülü, la angâ arə ndə̂ âwâ batə̂ rə̂. Më tô pö lâme sə̈ nyê dokʉ̈tchê nə̂, ânyë kə̂ kä to rə̂ âtə: Azü ndə̂ andjë mbo tə̂ arə käko, andjê gboabô tchô lə̂ Gbölö gö-gbïɛ̈ ndə̂ Ndjapä tee-a.

Ëfêze 4:17

Më tö pö atə̂ sə̈ nyê, kə̈ nyîndə̂ nə̈ tə̂ lëge nə̈ la rə̈ Gbölö Gbïɛ̈ päkëdə̂: Nyë kä mbôâbô rə mbô batə̂ azü ndə̂ andjë wûn-âbo sə̂ Ndjapä wûn lâme-ê, ndə̂kə̂ wunsə̂ rə ndə̂ andjê wâ ämbämbänə̈ lâme-a.

Ëfêze 4:28

Äwäpä earə̂ ngbä gbotə̂ kə̂ zɨ ngbä-ê, kə̂ za gbôgbô ndə̂ yê gbɛ̂ ndə̂kə̂ mbo kua la könô yê la tə̂ yê la köbo nə̈, kə̂ gbo rə ânyë kə̂ kʉ ngânə̈ sə̈ akrə ndə̂ tche wâbô wâ la rə̂-ê.

Ëfêze 5:6

Âwâbo pä azü bolo nyê la ambämbä pö-a: Arə käko lâme gbɛ̂ kä ndə̂ ânə la mêrâ ndə̂ Ndjapä pâ azü ndə̂ andjë kôsə̂ pö ma yê.

Dokʉ̈ Tësälönîke 2:11

Nyë wûn ndjë sə̂nə̈ nə̂ pä ârâ mbö rə tə̂ akrə balë balë batə̂ rə̂ ndə̂ bha bechë mbo rə̂ tə̂ abechë ndə̂ yê.

Bïchuû Tësälönîke 1:8

Tchê kadje lə̂ tïmï wo ndə̂kə̂ gi nyo sə̈ azü ndə̂ andjë wûn-âbô sə̂ Ndjapä wûn-î, la azü ndə̂ andjë mbôâbô rə mbô gundə̂sə̂ Tchôtchô Pö ndə̂ Gbölö Gbïɛ̈ ndə̂ azə̂ Jezü.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.

Aheborö 2:6

Praâbalë lə̂ Mbëtï Ndjapä, ngâ akrə tö pö kâkë: «Ndjapä, akrə də̈ tchabâ ndə̂kə̂ pa mo rɨ su zə̈ pâ yê? Modô ndə̂ Akrə də̈ tchabâ ndə̂kə̂ pa mo wun tchô pâ yê?

Jâke 2:6

Praâbalë nyënyê ndə̂ nye nə̈! Nyë tälusə̂ earə̂ yûkü! Âdə̂âbô a-earə̂ rə kä ndə̂ âmbo nyê tə̂ gêgêe nə̈ lâme? Ânyë kə̂ e la nyê kulə̂ anda kə̂ wa ngbanga lâme?

Jâke 5:4

Nyë wünsa köbo ndə̂ nyë kôsə̂ kə̂ kʉ makətche-kua sə̈ a-earə̂ kua ndə̂ andjë sôâ ndjî rəgʉ lə̂ akɨ̈ndɨ̈ ndə̂ nyê lâme, makətche-kua nə̈ kä lakə̂ ta wârə̂, ânyë kə̂ dɨ tchə̂lə̂ ma a-earə̂ kə̂ soa ndjî rəgʉ nə̈ tê nə̂ lə̂ tü Gbölö Gbïɛ̈ ndə̂ tche sə̂ pâ arə gbɛ̂.