Dokʉ̈ Tësälönîke 4:4 - Mbëtï Ndjapä: TÄFO MADƗ̈

⁴ Äwäpä akrə balë balë lə̂ gbâtə̂ nyê wunsə̂ köbo ndə̂kə̂ to ɛ̈chë ndə̂ âdâka gbɛ̂ lə̂ la Ndjapä lakə̂ lusə̂tə̂.

Dokʉ̈ Tësälönîke 4:4 Iomraidhean Croise

Abadjângele 9:15

Praâbalë Gbölö Gbïɛ̈ tô rə̂ sə̈ tchë päkëdə̂: «Êë, bëte më dɨ̈ köchë âtə ndə̂kə̂ pa tche watə̂ ngâ rə kua ndə̂ mê, ndə̂kə̂ nyisə̂ rə̈ mê sə̈ azü ndə̂ agö pâ amawo ngbî ngbî, agbïɛ̈ la azü ndə̂ Isarayële.

Rômo 1:24

Bëte rə̂ kä, Ndjapä gbôtə̂ andjê ndə̂kə̂ pa andjë mbo ngbongbo rə ndə̂ su andjê wâ la gʉ ndə̂kə̂ mbo rə̂. Käko andjë kä lakə̂ mbo rə ganô tə̂ andjê lə̂ gbâtə̂ andjê.

Rômo 12:1

Arə̂mä ndə̂ mê, batə̂ rə̂ ndə̂ Ndjapä wûn nyonyo azə̂ lâme, më yükû nə̈ sə̈ nyê ndə̂kə̂ pa nyë zatə̂ nyê gbɛ̂ sə̈ Ndjapä batə̂ ngela ndə̂ a wâ rə̂ sə̈ Ndjapä, ngela ndə̂ âwâ ngbî, kə̈ wâtə̂ tchôtchô nə̈ ânyë kə̈ fû tə̂ yê. Lëge köbo ndə̂kə̂ pa nyë voga Ndjapä la rə̂ kä lâme.

Rômo 6:19

Pö ndə̂ mê to rə̂ âtə, më tö rə̂ batə̂ rə̂ ndə̂ azü to rə̂ bëte kə̂ dje tchə̂lə̂ pö ndə̂ nyê kâkä. Dokʉ̈tchê alême, nyë zätə̂ nyê la ngbâa ndə̂kə̂ mbo arə ganô la arə ndə̂ âwâbô wâ lə̂ köbo nə̈-ê. Arə nə̈ lâme mbö rə̂ pä nyë kôsə̂ pö ma Ndjapä. Angaâtə, äwäpä nyë za ndjë tə̂ nyê la ngbâa ndə̂kə̂ mbo adjîrə̂ rə ndə̂ âmbo rə̂ pä kə̂ sə ndə̂ nyê wa ngbî bëte Ndjapä.

Dokʉ̈ Körɛ̂nte 6:15

Nyë wûn-âbo sə̂nə̈ pä atchâme-tə̂ nyê də̈ tchâkalâ atchâme-tə̂ Krîsiti? Ndə̂ âdə̂ käko, më âza tchâkalâ tə̂ Krîsiti nə̈ ndə̂kə̂ mbo rə̂ pä äwatə̂ tchâkalâ ngâ ɛ̈chë ndə̂ kua ndə̂ yê wâ ndə̂kə̂ pu aköchë katchôgbɛ̂? Âdə̂âbo käko-a!

Dokʉ̈ Körɛ̂nte 7:2

Praâbalë ndə̂kə̂ pa akrə puabô ɛ̈chë âdəndjë köchë pû katchôgbɛ̂, äwäpä köchë wa la ɛ̈chë ndə̂ yê tâ, ânyë ɛ̈chë wa ndjë la köchë ndə̂ yê tâ.

Dokʉ̈ Körɛ̂nte 7:9

Praâbalë âdə nyê âwabô wâ la gbôgbô ndə̂kə̂ kitə̂ gʉ tə̂ nyê-ê, äwäpä nyë totə̂ nyê! Bëte ädäka ndə̂kə̂ totə̂ nyê kə̈ rô anə̈ ndə̂kə̂ pa gʉ tə̂ nyê ropâ nyê.

Bïchuû Körɛ̂nte 4:7

Praâbalë atchôtchô arə lâme, ârâ kʉ̈ rə̂ lə̂ alüsû ndə̂kə̂ pa azü wunsə̂ nə̈ pä gbölö gbôgbô lâme tö bhândə̂ Ndjapä, âtôâbo bhândə̂ ârâ-a.

Fïlîpe 4:8

Ndə̂kə̂ ka pö nə̈, arə̂mä, äwäpä nyë za su nyê pâ rə ndə̂ âdâka, rə ndə̂ a voga rə̂, rə ndə̂ âwâtə̂ lëge nə̈, rə ndə̂ a lusə̂ nə̈, rə ndə̂ âwâ djîrə̂, rə ndə̂ âdâka gbɛ̂, rə ndə̂ âfû lə̂ la azü, rə ndə̂ a to tchôtchô pö ndə̂nə̈ sə̈ azü.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.

Dokʉ̈ Pîêre 3:7

Nyënyê ndjë aköchë ndə̂ aɛ̈chë, lə̂kə̂ sə ndə̂ nyê pâ cho la aɛ̈chë ndə̂ nyê, äwäpä nyë wunsə̂ nə̈ pä aɛ̈chë ndə̂ nyê də̈ amömö azü. Nyë lüsə̂ andjê, bëte nyënyê la andjê gbɛ̂ kä ndə̂ âgbo tchîsûwu ndə̂ Ndjapä za rə̂ sə̈ akrə, ndə̂kə̂ pa ngâ rə balë kiabô kîtə̂ köbo tə̂kə̂ to pö ndə̂ nyê sə̈ Ndjapä-ê.