Dokʉ̈ Tësälönîke 4:3 - Mbëtï Ndjapä: TÄFO MADƗ̈

³ Rə ndə̂ Ndjapä nyîndə̂ nə̈ wä ndə̂kə̂ pa nyë zatə̂ nyê ngbî bëte tchë, kə̂ puabô aɛ̈chë âdəndjë aköchë pû katchôgbɛ̂.

Dokʉ̈ Tësälönîke 4:3 Iomraidhean Croise

Matiyə̈ 12:50

Âdə akrə âmbo rə ndə̂ su Bha mê ndə̂ tche sə̂ bhâ lafô nyîndə̂ nə̈, akrə nə̈ lâme də̈ yîngâ mê, nyînə̂ mê la anyï mê.»

Matiyə̈ 15:19

Arə batə̂ ngbongbo kə̂ rɨ tchə̂lə̂, kə̂ won akrə, kə̂ pu ɛ̈chë âdəndjë köchë ndə̂ ngâ akrə, kə̂ pu aɛ̈chë âdəndjë aköchë katchôgbɛ̂, kə̂ zɨ ngbä, kə̂ mo yepa lə̂ ngbanga lakə̂ dro tchô; ätö gbɛ̂ lə̂ su akrə ânyë kə̂ wutu.

Matiyə̈ 5:32

Mëmê ndə̂ me nə̈, më tö rə̂ sə̈ nyê päkëdə̂: Âdə ngâ köchë âgro ɛ̈chë ndə̂ yê, ndə̂ ɛ̈chë nə̈ pûâbô ngâ köchë ngbî pû-î, ânyë ɛ̈chë nə̈ tô ngâ täfo köchë, dëkë bəndɨ köchë nə̈ kä ndə̂ âmbô rə̂ pä ɛ̈chë nə̈ pu köchë ndə̂ ngâ akrə. Köchë ndə̂ tche tô ɛ̈chë ngbâ ngâ köchë ndə̂ tche grô tchë, dëkë tche pû ɛ̈chë ndə̂ akrə nə̂.»

Matiyə̈ 7:21

«Âdə̂âbo azü gbɛ̂ ndə̂ andjë to rə̂ sə̈ mê päkëdə̂: ‹Gbölö Gbïɛ̈, Gbölö Gbïɛ̈›, kä ndə̂ âli lə̂ Gbölö gö-gbïɛ̈ ndə̂ tchêlafô-a. Praâbalë kütû andjanə̈ ndə̂ andjë mbô rə ndə̂ âfû tə̂ su Bha mê ndə̂ tche sə̂ bhâ lafô.

Mâreke 3:35

Bëte akrə ndə̂ tche mbô rə ndə̂ su Ndjapä nyîndə̂ nə̈, akrə nə̈ lâme də̈ yîngâ mê, nyînə̂ mê la anyï mê.»

Jâan 4:34

Jezü tô rə̂ sə̈ andjê päkëdə̂: «Kɨ̈zɨ̂ ndə̂ mê wä ndə̂kə̂ mbo rə ndə̂ su akrə ndə̂ tche wân mê nyîndə̂ nə̈, kə̂ ka kua ndə̂ tche zâ rə̂ sə̈ mê ndə̂kə̂ mbo rə̂.

Jâan 7:17

Akrə ndə̂ tche nyîndə̂ kə̂ mbo rə ndə̂ su Ndjapä nyîndə̂ nə̈, tchê wun-adje sə̂nə̈ pä rə ndə̂ mê nyisə̂ nə̈, tö bhândə̂ Ndjapä, âdəndjë rə̂ ndə̂ mëmê kä ndə̂ âto pö ndə̂ mê la tə̂ mê.

Abadjângele 15:20

Praâbalë äwäpä azə̈ mbo mbëtï sə̈ andjê pä andjë zɨabô ngbongbo gûsû ndə̂ a wâ rə̂ la ngela sə̈ ngakʉ̈lä zɨ̂-î, kə̂ puabô aɛ̈chë âdəndjë aköchë pû katchôgbɛ̂, gia ndə̂ tche tchû la jï lə̂ yê, andjë zɨabô tchë zɨ̂-î, kə̂ zɨabô jï zɨ̂-î.

Abadjângele 15:29

Nyë zɨ̈äbô gûsû ndə̂ a wâ rə̂ la ngela sə̈ ngakʉ̈lä zɨ̂-î, kə̂ zɨabô jï zɨ̂-î, kə̂ zɨabô gia ndə̂ tche tchû la jï lə̂ yê zɨ̂-î. Nyë püäbô aɛ̈chë âdəndjë aköchë pû katchôgbɛ̂-ê. Âdə nyë âkosə̂ arə lâme dëkë nyë mbö rə lə̂ köbo nə̈. Ârâ pô ndə̂ nyê nə̂.»

Abadjângele 20:32

«Angaâtə, më gbötə̂ nyê ëtchânə̂ Ndjapä. Më gbö ndjë tə̂ nyê ndə̂kə̂ pa pö ndə̂ tchôtchô su ndə̂ Ndjapä bata nyê. Ndjapä kä la gbôgbô ndə̂kə̂ kpokpo nyê, ndə̂kə̂ kʉ atchôtchô arə gbɛ̂ ndə̂ tche bâta rə̂ pra azü ndə̂ tche kʉ̂ andjê ngbî bëte tchë.

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Rômo 1:29

Arə mbə̈lï sɨ̂sɨ̈ lə̂ su andjê: Andjë mbö ngbongbo rə, andjë wä la gʉ kə̂ gbo rə tə̂ gbölösə̂nə̈, andjë wätə̂ azü ndə̂ ngbongbo su. Gbölö su rôpâ andjê, andjë wätə̂ a-earə̂ kə̂ won azü, a-earə̂ kə̂ po la angâ andjê, a-earə̂ kə̂ bolo azü, andjë tö angbongbo apö tə̂ angâ andjê lə̂ gbâtə̂ andjê, a-earə̂ kə̂ mo yepa lə̂ küma angâ andjê,

Rômo 12:2

Äwäpä kə̂ sə ndə̂ nyê wabô wâ batə̂ andə̂ azü pâ cho âtə-ê. Praâbalë nyë gbötə̂ köbo sə̈ Ndjapä, tche mbo täfo rə lə̂kə̂ sə ndə̂ nyê, kə̂ za täfo kə̂ wunsə̂ rə sə̈ nyê. Käko nyê wun-adje sə̂ rə ndə̂ tche nyîndə̂ nə̈: Rə ndə̂ âwatə̂ tchôtchô nə̈, rə ndə̂ âfû tə̂ yê, rə ndə̂ âdâka gbɛ̂.

Rômo 6:22

Praâbalë angaâtə, Ndjapä jî nyê tchâtchâ ngbâa ndə̂ ngbongbo rə nə̂ ânyë nyë wätə̂ a-earə̂ kua ndə̂ yê. Käko ndə̂ nyê mbo rə ndə̂ âdâka lə̂ la Ndjapä lâme, rə ndə̂ nyê gbo rə̂ ngbânə̈ wätə̂ tchîsûwu ndə̂ logbɛ̂ logbɛ̂.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 7:2

Praâbalë ndə̂kə̂ pa akrə puabô ɛ̈chë âdəndjë köchë pû katchôgbɛ̂, äwäpä köchë wa la ɛ̈chë ndə̂ yê tâ, ânyë ɛ̈chë wa ndjë la köchë ndə̂ yê tâ.

Bïchuû Körɛ̂nte 12:21

Wawa mbö ndjë mê ndə̂kə̂ pa âdə mê âkä wutu bhândə̂ nyê, Ndjapä mbo ganô tə̂ mê lə̂ la nyê, ânyë mê sə lakə̂ kɨ tə̂ angbängbä azü lə̂ gbâtə̂ nyê, ndə̂ gbô andjê sə̂ lakə̂ mbo ngbongbo rə batə̂ anə̈ dokʉ̈tchê, ndə̂ andjë gbôâbô gbôtə̂ arə batə̂: Kə̂ wa la kâkpö, kə̂ pu aɛ̈chë âdəndjë aköchë katchôgbɛ̂, la angâ arə ganô.

Gälâte 5:19

Arə ndə̂ angbongbo gʉ su akrə mbo rə̂ wä lə̂ arə batə̂: Kə̂ pu aɛ̈chë âdəndjë aköchë katchôgbɛ̂, kə̂ mbo arə kâkpö, kə̂ mbo arə ganô,

Ëfêze 5:17

Bëte rə̂ kä, nyë sə̈äbô sə̂ batə̂ angbɨ̈lə̈ azü-î, praâbalë nyë pü köbo ndə̂kə̂ wunsə̂ rə ndə̂ Gbölö Gbïɛ̈ nyîndə̂ nə̈.

Ëfêze 6:6

Nyë mböäbô kua nə̈ mbô kütû ndə̂ la andjê-ê, ndə̂kə̂ pa a wun rə̂ pä nyë pü köbo ndə̂kə̂ daka lə̂ la azü-î. Praâbalë nyë mbö rə batə̂ angbâa ndə̂ Krîsiti ndə̂ andjë zâ su andjê gbɛ̂ ndə̂kə̂ mbo rə ndə̂ su Ndjapä nyîndə̂ nə̈.

Kölôse 1:9

Bëte rə̂ kä ndə̂, kə̂ to tə̂ lo nə̈ ndə̂ ârâ djê pö lâme, ârâ gbôâbo tə̂kə̂ to pö sə̈ Ndjapä bëte nyê-a. Ârâ yükû nə̈ sə̈ Ndjapä ndə̂kə̂ pa tche mbo rə̂ ânyë nyë wunsə̂ apö gbɛ̂ ndə̂ su yê nyîndə̂ nə̈, kə̂ wunsə̂ rə gbɛ̂ lakə̂ wunsə̂ dju arə ndə̂ Yingö ndə̂ yê kʉ rə̂ sə̈ azü.

Kölôse 3:5

Käko nyë jï agʉ tə̂ su nyê ndə̂ âmbo rə̂ pä nyë mbo angbongbo rə ndə̂ tchêbêche âtə batə̂: Kə̂ pu aɛ̈chë âdəndjë aköchë katchôgbɛ̂, kə̂ mbo arə kâkpö, gʉ tə̂ su akrə, gʉ ndə̂kə̂ mbo angbongbo rə la gbölö gʉ ndə̂kə̂ gbo rə ndə̂ âwâtə̂ ngâ köbo ndə̂kə̂ voga angakʉ̈lä.

Kölôse 4:12

Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.

Dokʉ̈ Tësälönîke 4:2

Bëte kə̂ zama ndə̂ Gbölö Gbïɛ̈ Jezü zâ rə̂ sə̈ ârâ ânyë ârâ zâ rə̂ sə̈ nyê lâme, nyë wûnsə̂ nə̈ nə̂.

Dokʉ̈ Tësälönîke 4:4

Äwäpä akrə balë balë lə̂ gbâtə̂ nyê wunsə̂ köbo ndə̂kə̂ to ɛ̈chë ndə̂ âdâka gbɛ̂ lə̂ la Ndjapä lakə̂ lusə̂tə̂.

Dokʉ̈ Tësälönîke 5:18

Nyë zä ayîabâ sə̈ Ndjapä lə̂ arə gbɛ̂, bëte rə ndə̂ tche nyîndə̂ nə̈ tə̂ nyê kä lâme, nyënyê ndə̂ nyë wâ balë la Jezü Krîsiti.

Dokʉ̈ Tësälönîke 5:23

Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Bïchuû Tësälönîke 2:13

Âdə andə̂ ârâ, arə̂mä ndə̂ Gbölö Gbïɛ̈ nyîndə̂ nyê, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Bëte Ndjapä dɨ̈ nyê dokʉ̈tchê ânyë kə̈ mbô arə gbɛ̂, ndə̂kə̂ pa nyë tcha lə̂ kuzü lə̂ köbosə̂ Yingö ndə̂ yê ndə̂ âmbo rə̂ pä tchîsûwu ndə̂ nyê daka gbɛ̂ lə̂ la yê. Bëte nyë gämba lëge pö.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 10:36

Äwäpä nyë rʉatə̂ su nyê, ânyë kə̂ mbo rə ndə̂ su Ndjapä nyîndə̂ nə̈, käko ânyë nyê gbo arə ndə̂ tche zâ bâlâ nə̈ lâme.

Aheborö 12:16

La nyê gbö-ê, ânyë akrə balë lə̂ gbâtə̂ nyê puabô aɛ̈chë âdəndjë aköchë pû katchôgbɛ̂! Nyê lüsə̂ arə ndə̂ âwâtə̂ andə̂ Ndjapä. Nyê mbôâbô rə mbô batə̂ Ezawü ndə̂ tche yôsə̂ tchô ndə̂ yê ndə̂ dokʉ̈ bechë bëte kalângʉ balë ndə̂ kɨ̈zɨ̂ lâme-ê.

Aheborö 13:21

Äfü pä Ndjapä nə̈ mbo rə̂ pä nyë watə̂ azü ndə̂ andjë mbo tchôtchô arə gbɛ̂ ndə̂ su yê nyîndə̂ nə̈! Äfü pä lə̂ köbosə̂ Jezü Krîsiti, Ndjapä mbo rə̂ pä azə̈ mbo rə ndə̂ âfû tə̂ su yê! Voga wätə̂ andə̂ yê nə̈ logbɛ̂ logbɛ̂! Amin.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Pîêre 4:2

Käko lə̂ adɨ̂ alö ndə̂ âwâ ngbânə̈ tchâtchu nyê ndə̂kə̂ sə pâ cho âtə, nyë mböämbô rə mbô gundə̂sə̂ ngbongbo gʉ su nyê-ê, praâbalë nyë mbö rə lə̂ köbosə̂ nə̈ ndə̂ Ndjapä nyîndə̂ nə̈.

Dokʉ̈ Jâan 2:17

Tchêbêche âtə âro më rö la arə gbɛ̂ ndə̂ su azü nyîndə̂ nə̈. Praâbalë akrə ndə̂ tche mbô rə ndə̂ su Ndjapä nyîndə̂ nə̈, tchîsûwu ndə̂ yê âwa pïï etə̂.

Apökälîbïchi 21:8

Andə̂ a-earə̂ gbugbu la azü ndə̂ andjë zâbô su andjê zâ sə̈ Ndjapä la a-earə̂ ngbongbo rə la a-earə̂ kə̂ won tchô la a-earə̂ kə̂ pu aɛ̈chë âdəndjë aköchë katchôgbɛ̂ la a-earə̂ yëwä la a-earə̂ kə̂ voga angakʉ̈lä la a-earə̂ yepa gbɛ̂; tchô ndə̂ andjê kä bhâlə̂ gbölö tïmï wo ndə̂ sûfre, ndə̂ âwâtə̂ bïchuû kuzü.»

Apökälîbïchi 22:15

Praâbalë a âyiadje azü kâkë atə̂ sûwu: Azü ndə̂ andjë mbo rə batə̂ aɛ̈vrô la a-earə̂ yëwä la azü ndə̂ andjë pu aɛ̈chë âdəndjë aköchë katchôgbɛ̂ la a-earə̂ kə̂ won azü la a-earə̂ kə̂ voga angakʉ̈lä la akrə balë balë gbɛ̂ ndə̂ tche nyîndə̂ yepa lakə̂ mo yepa!