Dokʉ̈ Tësälönîke 4:17 - Mbëtï Ndjapä: TÄFO MADƗ̈

¹⁷ Pânə̈ azə̈ ndə̂ gbô azə̂ sə̂ la tʉ̈rʉ̂ la azə̂ tə̂ lo nə̈ lâme, a âkengadje la azə̂ la andjê gbɛ̂ lə̂ ndrö ndə̂kə̂ takpa la Gbölö Gbïɛ̈ bhâ lafô, ânyë azə̈ sə la Gbölö Gbïɛ̈ logbɛ̂.

Dokʉ̈ Tësälönîke 4:17 Iomraidhean Croise

Matiyə̈ 26:64

Jezü tô rə̂ ndə̂nə̈ sə̈ tchë päkëdə̂: «Mo tô rə̂ la ma zə̈ nə̂. Praâbalë më tö rə̂ sə̈ nyê, ndə̂kə̂ to tə̂ tchô angêta, nyê wun-adje Modô ndə̂ Akrə ndə̂ tche sə̂ də ndôkö könô Ndjapä ndə̂ tche wâ la gbôgbô gbɛ̂, ânyë kə̂ kadje lə̂ ndrö ndə̂ tchêlafô.»

Mâreke 14:62

Jezü tô rə̂ ndə̂nə̈ sə̈ tchë päkëdə̂: «Mëmê kä. Nyê wun-adje Modô ndə̂ Akrə ndə̂ tche sə̂ də ndôkö könô Ndjapä ndə̂ tche wâ la gbôgbô gbɛ̂. Tchê kadje lə̂ ndrö ndə̂ tchêlafô.»

Jâan 12:26

Âdə ngâ akrə ânyində̂ kə̂ mbo kua ndə̂ mê, äwäpä tche za tchêngbâ mê, ndə̂kə̂ pa sə̂ tchô ndə̂ më sə̂ tâ, tche sə ndjë tâ. Âdə ngâ akrə âmbo kua ndə̂ mê, Bha mê luadje sə̂ yê.»

Jâan 14:3

Âdə më âe kə̂ nyikrə tchô bëte nyê, mê kadje ngbâ mê ndə̂kə̂ kʉ nyê potə̂ mê, ânyë sə̂ tchô ndə̂ mê sə tâ, nyënyê ndjë gbɛ̂, nyê sə ndjë tâ.

Jâan 17:24

Bha mê, më nyïndə̂ nə̈ pä tchô ndə̂ më sə̂ tâ, andjanə̈ ndə̂ mo kʉ̂ andjê sə̈ mê, andjë sə ndjë tâ, ndə̂kə̂ pa andjë cheko golowäre ndə̂ mê ndə̂ mo zâ rə̂ sə̈ mê, bëte mo nyïndə̂ mê dokʉ̈tchê ndə̂kə̂ pa a mbo tchîsûwu.

Abadjângele 1:9

La tchêngbâ pö ndə̂ tche tô rə̂ lâme, tche kênga atə̂ lafô kpôlə̂ la andjê, praâbalë ndə̂ gbô andjê sə̂ lakə̂ wun tchë, ngâ ndrö gʉ̂â sə̂ yê lə̂ la andjê.

Abadjângele 8:39

Ndə̂ andjë wûtu lə̂ ngû nə̈, köchë ndə̂ a wôn tchâtchâ yê nə̈ kâ wûn bata Fïlîpe-a, bëte Yingö ndə̂ Gbölö Gbïɛ̈ tôngo tchë, kə̈ rô la tchë nə̂. Praâbalë gbô tchë ndə̂po lə̂ köbo wrʉ̂ ndə̂ yê nə̈ la mômô tə̂ su yê.

Dokʉ̈ Körɛ̂nte 15:52

kpro kâkë, batə̂ rə̂ ndə̂ akrə tchî la yê, sə̂nə̈ ndə̂ adɨ̂ tätälîtä kɨ. Bëte tätälîtä âkɨadje, akuzü joadje la tə̂ ndə̂ âkä ndɨabô ndɨ̂-î, ânyë azə̈ ndə̂ azə̈ nə̈, tə̂ azə̂ wadje ngbî.

Bïchuû Körɛ̂nte 5:8

Azə̈ wä la gbôgbô tə̂ gbölösə̂nə̈ tə̂ su azə̂ bëte azə̈ nyïndə̂ kə̂ gbo lə̂ tə̂ azə̂ âtə kə̂ e ndə̂kə̂ sə bhâ ndrotə̂ Gbölö Gbïɛ̈.

Fïlîpe 1:23

Su mê dɨ̈ mê bïbïchuû: Më wä la gʉ ndə̂kə̂ gbotə̂ tchîsûwu âtə ndə̂kə̂ sə la Krîsiti, anə̈ lâme kä âkə̈ dâka.

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Dokʉ̈ Tësälönîke 4:15

Pö ndə̂ ârâ nyîndə̂ kə̂ to rə̂ sə̈ nyê, ndə̂ Gbölö Gbïɛ̈ tô rə̂ sə̈ ârâ kä âtə: Azəzə̂ ndə̂ azə̈ sə la tʉ̈rʉ̂ la azə̂ ndjoa ëtə̂ lo kə̂ ka ndə̂ Gbölö Gbïɛ̈, andjanə̈ ndə̂ andjë tchû lâme, azə̂ roabô dokʉ̈tchê tə̂ andjê tee-a.

Dokʉ̈ Tësälönîke 4:18

Nyë zä wängö ndə̂kə̂ za gbôgbô tə̂ su angâ nyê lə̂ gbâtə̂ nyê la pö lâme.

Dokʉ̈ Tësälönîke 5:10

ndə̂ tche tchû bëte azə̂ lâme, âdə azə̂ âsə la tʉ̈rʉ̂ la azə̂, âdəndjë rə̂ ndə̂ azə̈ tchû, azə̈ sə balë la tchë.

Bïchuû Pîêre 3:13

Praâbalë azə̈ krʉ̈ bëte täfo tchêlafô la täfo tchêbêche, ndə̂ Ndjapä zâ bâlâ sə̈ azə̂ tə̂ pö ndə̂nə̈, käko kütû adjîrə̂ azü kä ndə̂ âsəadje lə̂nə̈.

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.

Apökälîbïchi 11:12

A-earə̂ ndə̂ma Ndjapä bïchuû lâme djê tchə̂lə̂ ngâ gɨ̈ ngbôô bhâ lafô ndə̂ âtô rə̂ sə̈ andjê päkëdə̂: «Nyë kënga atâ!» Andjë kênga atə̂ lafô lə̂ ndrö kpôlə̂ la a-earə̂ kə̂ kosə̂ andjê.

Apökälîbïchi 12:5

Ɛ̈chë nə̈ zɨ̂ tə̂ köchë, bechë nə̈ kä ndə̂ ânyiadje sə̂ köbo sə̈ azü pâ cho gbɛ̂ la gbôgbô kümändëmä. A kênga la bechë ndə̂ yê nə̈ bhâ ndrotə̂ Ndjapä la ngendë-gbïɛ̈ ndə̂ yê.