Dokʉ̈ Tësälönîke 4:16 - Mbëtï Ndjapä: TÄFO MADƗ̈

¹⁶ Bëte Ndjapä zadje ma, a djeadje ndjë tchə̂lə̂ gɨ̈ ngâ makündji ndə̂ aânje la tätälîtä ndə̂ Ndjapä. Käko Gbölö Gbïɛ̈ la tə̂ yê toadje bhâ lafô kə̂ jreadje. Azü ndə̂ andjë zâ su andjê sə̈ Krîsiti ânyë kə̈ tchû, andjë kä ndə̂ âjo lə̂ kuzü dokʉ̈tchê.

Dokʉ̈ Tësälönîke 4:16 Iomraidhean Croise

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Matiyə̈ 16:28

Ɛn-ɛn, tə̂ lëge nə̈ më tö rə̂ sə̈ nyê: Angâ azü lə̂ gbâtə̂ nyê tchâtə tchuabô tee-a zoo, kə̂ wun Modô ndə̂ Akrə ndə̂ tche ka batə̂ Gbïɛ̈.»

Matiyə̈ 25:31

«Lo nə̈ ndə̂ Modô ndə̂ Akrə ka lə̂ gbôgbô ndə̂ yê la aânje ndə̂ yê gbɛ̂, tchê səadje ëpâ gbölö ngendë-gbïɛ̈ ndə̂ yê.

Matiyə̈ 26:64

Jezü tô rə̂ ndə̂nə̈ sə̈ tchë päkëdə̂: «Mo tô rə̂ la ma zə̈ nə̂. Praâbalë më tö rə̂ sə̈ nyê, ndə̂kə̂ to tə̂ tchô angêta, nyê wun-adje Modô ndə̂ Akrə ndə̂ tche sə̂ də ndôkö könô Ndjapä ndə̂ tche wâ la gbôgbô gbɛ̂, ânyë kə̂ kadje lə̂ ndrö ndə̂ tchêlafô.»

Abadjângele 1:11

Aköchë lâme tô rə̂ sə̈ andjê päkëdə̂: «Nyënyê ndə̂ azü gö ndə̂ Galilë, nyë krʉ̈ tchâtə lakə̂ wun tchô atə̂ lafô bëte giamâ? Jezü ndə̂ a zâ tchë lə̂ gûtə̂ nyê ânyë kə̈ kênga la tchë atə̂ lafô lâme, tchê kadje ndjë ngbâ yê batə̂ rə̂ ndə̂ nyë wûn tchë lakə̂ kenga atə̂ lafô lâme.»

Dokʉ̈ Körɛ̂nte 15:18

Käko änyïndə̂ kə̂ to rə̂ pä andjanə̈ ndə̂ andjë zâ su andjê sə̈ Ndjapä ânyë kə̈ tchû lə̂ Krîsiti lâme, andjë yû nə̂ tratralë-ê.

Dokʉ̈ Körɛ̂nte 15:20

Praâbalë tə̂ lëge nə̈, Krîsiti də̈ dokʉ̈ akrə ndə̂ tche jô lə̂ kuzü, ndə̂kə̂ nyisə̂ nə̈ pä azü ndə̂ andjë tchû, andjê joadje ndjë lə̂ kuzü.

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Dokʉ̈ Tësälönîke 1:10

Nyë krʉ̈ ndə̂kə̂ pa Modô ndə̂ yê to bhâ lafô kə̂ ka, Jezü ndə̂ Ndjapä jô tchë lə̂ kuzü, tchetchë kä ndə̂ âji azə̂ tchâtchâ mêrâ ndə̂ Ndjapä ndə̂ ânə.

Dokʉ̈ Tësälönîke 3:11

Äwäpä Ndjapä Bha azə̂ la tə̂ yê, ndjë la Gbölö Gbïɛ̈ ndə̂ azə̂ Jezü ji köbo sə̈ ârâ ndə̂kə̂ e atə̂ndə̂ nyê.

Bïchuû Tësälönîke 1:7

tchê zadje kə̂ yatə̂ sə̈ nyê, nyënyê ndə̂ azü ndə̂ a yûku nyê, ndjë la ârâ. Rə lâme âmbo tə̂ lo nə̈ ndə̂ Gbölö Gbïɛ̈ Jezü to bhâ lafô ndə̂kə̂ jre la aânje ndə̂ yê ndə̂ andjë wâ la gbôgbô.

Bïchuû Tësälönîke 2:1

Arə̂mä, âdə andə̂ pö ndə̂ lö kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la pö ndə̂kə̂ pala azə̂ ndrotə̂ yê lâme, ârâ yü nyê kâkë:

Bïchuû Pîêre 3:10

Käko lo kə̂ ka ndə̂ Gbölö Gbïɛ̈ wadje batə̂ earə̂ ngbä. Tə̂ lö nə̈ lâme tchêlafô âro me la ngâ gbölö wârə̂, wo âjuadje arə tchêlafô, sə̂nə̈ lâme tchêbêche la arə gbɛ̂ ndə̂ âwâ lə̂nə̈ âyu me yü.

Jûde 1:9

Mïchêle ndə̂ tche də̂ kabïta ndə̂ aânje mbôâbo tə̂ ngâ rə käko nə̂-a. Ndə̂ tche sə̂ alême lakə̂ po la Jâbolo tə̂ pö ndə̂ krʉkrʉ Möyîze, tche drôâbo Jâbolo-a, âdəndjë ndə̂kə̂ wa ngbanga lə̂ küma yê-a. Tche tö kütû rə̂ päkëdə̂: «Äwäpä Gbölö Gbïɛ̈ wa ngbanga lə̂ küma zə̈!»

Apökälîbïchi 1:10

Tə̂ lö Gbölö Gbïɛ̈, Kpɨ̂ki Yingö tchü mê kproô, ânyë më djê tchə̂lə̂ ngâ gɨ̈ dəngbâ mê ndə̂ âôn ngbôô batə̂ tchə̂lə̂ gɨ̈ tätälîtä.

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.

Apökälîbïchi 14:13

Pânə̈ më kâ djê ngâ tchə̂lə̂ gɨ̈ bhâ lafô päkëdə̂: «Mbo pö âtə lə̂ mbëtï päkëdə̂: ‹Mômô kä tə̂ azü ndə̂ andjë tchû angêta bëte kua ndə̂ Gbölö Gbïɛ̈!› ‹Ɛn-ɛn, Kpɨ̂ki Yingö tö rə̂ päkëdə̂: Mômô kä tə̂ andjê. Andjê yadje tə̂ andjê la tchêngbâ gbôgbô kua ndə̂ andjë mbô rə̂, bëte kua ndə̂ andjë mbô rə̂ lâme zä tchêngbâ andjê!›»

Apökälîbïchi 8:13

Më kâ wûn tchô, kə̈ djê sɨ̈kɨ̈ ngâ kânda ndə̂ tche sə̂ lakə̂ wrʉ ngrɨ̈ bhâ lafô lakə̂ ta wârə̂ päkëdə̂: «Nyonyo! Nyonyo! Nyonyo kä tə̂ azü ndə̂ tchêbêche, bëte sɨ̈kɨ̈ atätälîtä vötaâ ndə̂ aânje vötaâ kä hrʉadje rə̂ lâme!»

Apökälîbïchi 8:2

Pânə̈ më wûn aânje mïndûu manə̈ bïchuû ndə̂ andjê krʉ̂ tchâtchu Ndjapä, ânyë a kʉ̂ atätälîtä mïndûu manə̈ bïchuû sə̈ andjê.