Dokʉ̈ Tësälönîke 4:13 - Mbëtï Ndjapä: TÄFO MADƗ̈

¹³ Arə̂mä, ârâ nyïndə̂ nə̈ pä nyë wunsə̂ lëge pö pâ azü ndə̂ andjë tchû, ânyë kə̂ səabô sə̂ la nyonyo batə̂ andə̂ azü ndə̂ andjë zâbô su andjê zâ pâ ngâ rə balë lâme-ê.

Dokʉ̈ Tësälönîke 4:13 Iomraidhean Croise

Matiyə̈ 27:52

Ma cho kudû akuzü krô-ê, krʉkrʉ azü ndə̂ Ndjapä ndə̂ andjë tchû alême, andjë jô lə̂ kuzü-ê.

Jâan 11:24

Mârete tô rə̂ sə̈ tchë päkëdə̂: «Më wünsə̂ nə̈ pä tchê joadje lə̂ kuzü lə̂ lö ndə̂kə̂ jo ndə̂ akuzü sə̂nə̈ ndə̂ tchêbêche krʉ.»

Abadjângele 13:36

Ndə̂ gbô Davîdi wâ la tʉ̈rʉ̂ la yê, tche mbö rə gbɛ̂ ndə̂ Ndjapä nyîndə̂ nə̈ pä tche mbo rə̂. La tchêngbâ nə̈ tche tchû, a chî tchë ndrotə̂ araâta nə̈ ânyë tche fô.

Abadjângele 7:60

La tchêngbâ nə̈ tche gʉ̂te ëbêche ânyë kə̈ ôn ngbôô kə̈ tô rə̂ päkëdə̂: «Gbölö Gbïɛ̈, amö ko pö lə̂ küma andjê!» La tchêngbâ pö nə̈ lâme, tche tchû-î.

Abadjângele 8:2

Angâ azü ndə̂ andjë zâtə̂ andjê gbɛ̂ sə̈ Ndjapä chî Etîêne ânyë kə̈ kɨ̂ tchë tə̂ gbölösə̂nə̈.

Rômo 1:13

Arə̂mä, më nyïndə̂ nə̈ pä nyë wunsə̂ nə̈ pä më nyïkrə rə̂ tə̂ su mê tə̂ngâlo ndə̂kə̂ e atə̂ndə̂ nyê. Praâbalë köbo mîɛ tə̂ mê zoo angêta. Më nyïndə̂ kə̂ wutu bhâye ndə̂kə̂ pa më mbo kua ndə̂kə̂ gbo azü bëte Krîsiti lə̂ gö ndə̂ nyê ndjë batə̂ rə̂ ndə̂ më gbô andjê lə̂ angâ agö ngbî.

Dokʉ̈ Körɛ̂nte 10:1

Arə̂mä, më nyïndə̂ nə̈ pä sə̂ pö ndə̂ arə ndə̂ âgbô araâta azə̂ alême te lə̂ nyê, ndə̂ andjë gbɛ̂ nə̂ alême tchâtchâ ndrö, ânyë kə̈ rô gbɛ̂ lə̂ gbölö ngbêngbê ngû.

Dokʉ̈ Körɛ̂nte 12:1

Âdə andə̂ arə ndə̂ Kpɨ̂ki Yingö kʉ rə̂ sə̈ azü, arə̂mä më nyïndə̂ nə̈ pä nyë wunsə̂ pö pânə̈ djîrə̂.

Dokʉ̈ Körɛ̂nte 15:6

La tchêngbâ nə̈ tche wûtu ëtə̂ arə̂mâ ndə̂, kə̂ ngba ndə̂ andjê rô ngbangbo mïndûu (500) kpö sə̂nə̈ balë. Gbô gbogbôsə̂ andjê kä la tʉ̈rʉ̂ la andjê, angânə̈ tchû nə̂.

Bïchuû Körɛ̂nte 1:8

Bëte ârâ nyïndə̂ nə̈ pä nyë wunsə̂ pö pâ yûkü ndə̂ ârâ wun rə̂ lə̂ agö ndə̂ Azï: Arə̂mä, ârâ wün yûkü alême tə̂ gbölösə̂nə̈, yûkü rôpâ gbôgbô ndə̂ ârâ; bhâtə̂ su ârâ, ârâ tö rə̂ pä andə̂ ârâ kâ nə̂.

Ëfêze 2:12

Sə̂nə̈ lâme, nyë wâbo la Krîsiti-a, kə̈ wâbo lə̂ arə ndə̂ âwâtə̂ andə̂ azü gö ndə̂ Isarayële-a. Nyë wâbo lə̂ amadɨ̈ ndə̂ Ndjapä ndə̂ tche zâ bâlâ nə̈ lâme-a, nyë wâbo la ngâ rə ndə̂ nyê za su nyê pânə̈-a, kə̈ wâbo la Ndjapä pâ cho âtə-a. Äwäpä sə̂nə̈ te ndjë lə̂ nyê.

Ëfêze 2:3

Azə̈ gbɛ̂, azə̈ mbö ndjë rə alême batə̂ andjê: Azə̈ mbö rə alême gundə̂sə̂ gʉ su azə̂, azə̈ mbö rə ndə̂ tə̂ azə̂ yûkû nə̈, la rə ndə̂ su azə̂ nyîndə̂ nə̈. Tə̂ pö ndə̂nə̈ ndə̂ azə̈ wâ alême käko lâme, azə̈ wä ndjë alême ndə̂kə̂ gbo mêrâ ndə̂ Ndjapä batə̂ azü gbɛ̂.

Dokʉ̈ Tësälönîke 4:14

Bëte âdə azə̂ âgamba rə̂ pä Jezü tchû kə̈ jô lə̂ kuzü nə̂, dëkë azü ndə̂ andjë wâ balë la Krîsiti ânyë kə̈ tchû lâme, Ndjapä joadje andjê lə̂ kuzü ânyë kə̂ paladje andjê ndə̂kə̂ sə la Jezü sə̂nə̈ balë.

Dokʉ̈ Tësälönîke 4:15

Pö ndə̂ ârâ nyîndə̂ kə̂ to rə̂ sə̈ nyê, ndə̂ Gbölö Gbïɛ̈ tô rə̂ sə̈ ârâ kä âtə: Azəzə̂ ndə̂ azə̈ sə la tʉ̈rʉ̂ la azə̂ ndjoa ëtə̂ lo kə̂ ka ndə̂ Gbölö Gbïɛ̈, andjanə̈ ndə̂ andjë tchû lâme, azə̂ roabô dokʉ̈tchê tə̂ andjê tee-a.

Dokʉ̈ Tësälönîke 5:10

ndə̂ tche tchû bëte azə̂ lâme, âdə azə̂ âsə la tʉ̈rʉ̂ la azə̂, âdəndjë rə̂ ndə̂ azə̈ tchû, azə̈ sə balë la tchë.

Dokʉ̈ Tësälönîke 5:6

Käko âwâbo pä azə̈ lo batə̂ adɨ̂ azü-a, praâbalë la azə̂ gbö-ê, azə̈ zɨ̈äbô rə zɨ̂ âro masə̂nə̈-ê.

Bïchuû Pîêre 3:4

andjê toadje rə̂ päkëdə̂: «Kə̂ za bâlâ ndə̂ Gbölö Gbïɛ̈ zâ rə̂ alême tə̂ pö ndə̂ kə̂ ka ndə̂ yê lâme, pö ndə̂nə̈ wä atöko? Bëte ndə̂nə̈ gû nə̂ ndə̂ arabha azə̂ tchû, gbô arə gbɛ̂ kä gbɛ̂ kpôsə̂nə̈, ndə̂kə̂ to tə̂ lo nə̈ ndə̂ Ndjapä mbô arə gbɛ̂!»

Bïchuû Pîêre 3:8

Praâbalë arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ngâ pö kä tâ ndə̂, âwâbo pä sə̂nə̈ yu tə̂ nyê-a: Lə̂ la Gbölö Gbïɛ̈ lö balë wä batə̂ ngû sâke balë, ânyë ngû sâke balë wâ batə̂ lö balë.