Dokʉ̈ Tësälönîke 4:1 - Mbëtï Ndjapä: TÄFO MADƗ̈

¹ Ndə̂kə̂ ka ndə̂nə̈, arə̂mä, ârâ nyïsə̂ köbo ndə̂ nyê sə la rə̂ ânyë âfu tə̂ Ndjapä alême nə̂. Tə̂ lëge nə̈, nyë sə̂ käko nə̂. Praâbalë angaâtə, ârâ yükû nə̈ sə̈ nyê lakə̂ za wängö sə̈ nyê la rə̈ Gbölö Gbïɛ̈ Jezü; nyë mbö rə̂ âkä ro anə̈ dokʉ̈tchê.

Dokʉ̈ Tësälönîke 4:1 Iomraidhean Croise

Jâan 15:2

Amatö yö gbɛ̂ ndə̂ âwâ ëtə̂ mê, ânyë kə̈ lêâbô lê-ê, tche âku rə̂ fiî. Praâbalë amatö yö gbɛ̂ ndə̂ âlê, tche âsro atäpânə̈ ndə̂ âwûtu tə̂ kʉ̂tê nə̈ ndə̂kə̂ pa äka lê tə̂ gbölösə̂nə̈.

Abadjângele 20:27

Tə̂ lëge nə̈, arə ndə̂ Ndjapä nyikrə rə̂ dokʉ̈tchê, më nyîsə̂ nə̈ nə̂ gbɛ̂ sə̈ nyê, kə̈ vûâbo sə̂ ngâ rə balë-a.

Rômo 8:8

Azü ndə̂ andjë mbo rə gundə̂sə̂ angbongbo gʉ su andjê, su Ndjapä wâbo ndə̂kə̂ fu la andjê-a.

Dokʉ̈ Körɛ̂nte 11:23

Käko pö ndə̂ më gbô rə̂ tchânə̂ Gbölö Gbïɛ̈ ânyë kə̂ to rə̂ sə̈ nyê kä âtə: Lə̂ bütchî ndə̂ a yôsə̂ Gbölö Gbïɛ̈ Jezü, tche zâ mâpa,

Dokʉ̈ Körɛ̂nte 15:1

Arə̂mä, më nyïndə̂ kə̂ kä kra tü nyê pâ Tchôtchô Pö ndə̂ më mû rə̂ sə̈ nyê alême, ndə̂ nyë gbô rə̂ ânyë gbô su nyê wâ pânə̈ lâme.

Dokʉ̈ Körɛ̂nte 15:58

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Bïchuû Körɛ̂nte 10:1

Mëmê Pôlo, më yükû ngâ rə tchânə̂ nyê la rə̈ Krîsiti, tchetchë ndə̂ tche mbo rə nyima lakə̂ mbo dâkâ. A tö rə̂ pä âdə më âsə lə̂ gûtə̂ nyê kə̂ watə̂ zɨtɨ akrə, praâbalë âdə mê âsə tə̂ nyê ngrɨ̈, kə̂ mbo rə vrâdjâ vrâdjâ.

Bïchuû Körɛ̂nte 13:11

Ndə̂kə̂ ka ndə̂ pö nə̈ arə̂mä, nyë wä la mômô! Nyë pu köbo ndə̂kə̂ daka gbɛ̂. Nyë zä wängö lə̂ gbâtə̂ nyê la angâ nyê, nyë djëtə̂ nyê lə̂ gbâtə̂ nyê, kə̂ sə la zɨtɨ su, ânyë Ndjapä ndə̂ tche nyîndə̂ azü, ânyë kə̂ za zɨtɨ su sə̈ andjê, tchê səadje la nyê.

Bïchuû Körɛ̂nte 5:9

Rə ndə̂ azə̈ nyîndə̂ nə̈ wä ndə̂kə̂ pa kə̂ sə ndə̂ azə̂ daka tchâtchu yê, ndə̂ gbô azə̂ ndə̂po lə̂ tə̂ azə̂ lâme âdəndjë rə̂ ndə̂ azə̈ wûtu lə̂nə̈.

Bïchuû Körɛ̂nte 6:1

Ndə̂ azə̈ sə̂ lakə̂ mbo kua la Ndjapä, ârâ yükû nə̈ sə̈ nyê ndə̂kə̂ gboabô gbôtə̂ tchôtchô su ndə̂ Ndjapä mbô rə̂ tə̂ azə̂ ämbänə̈-ê.

Gälâte 6:1

Arə̂mä, âdə nyë âgbo ngâ akrə lakə̂ mbo ngbongbo rə, nyënyê ndə̂ Kpɨ̂ki Yingö wâ lə̂ nyê, äwäpä nyë ka la tchë pâ tchôtchô köbo tə̂ nyima nə̈. La zə̈ gbö-ê! Ânyë momö ndjë gbɛ̂ ngâ rə vuabô mö vû ndə̂kə̂ pa mo te lə̂ ngbongbo rə-ê.

Ëfêze 4:1

Mëmê ndə̂ më də̂ earə̂ kânga bëte Gbölö Gbïɛ̈, më zä wängö sə̈ nyê ndə̂kə̂ pa nyë mbotə̂ nyê gundə̂sə̂ kə̂ e nyê ndə̂ Ndjapä ê nyê lâme.

Ëfêze 4:20

Âdə andə̂ nye nə̈, âdə̂âbo käko kä ndə̂ a nyîsə̂ kə̂ wunsə̂ Krîsiti sə̈ nyê-a.

Ëfêze 5:17

Bëte rə̂ kä, nyë sə̈äbô sə̂ batə̂ angbɨ̈lə̈ azü-î, praâbalë nyë pü köbo ndə̂kə̂ wunsə̂ rə ndə̂ Gbölö Gbïɛ̈ nyîndə̂ nə̈.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 1:9

Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Fïlîpe 3:14

Käko më kpë la rö ndə̂kə̂ wutu ëtə̂ manə̈, ânyë kə̂ gbo rə ngbânə̈ tchânə̂ Ndjapä ndə̂ tche ê azə̂ ndə̂kə̂ gbo rə̂ bhâ lafô lə̂ köbosə̂ Jezü Krîsiti.

Kölôse 1:10

Käko äwäpä tchîsûwu ndə̂ nyê daka gbɛ̂ gundə̂sə̂ nə̈ ndə̂ Gbölö Gbïɛ̈ nyîndə̂ nə̈, ânyë nyê mbo arə ndə̂ âfû tə̂ yê. Äwäpä kə̂ wunsə̂ Ndjapä ndə̂ nyê e atə̂ tchâtchu nə̈.

Kölôse 2:6

Ndə̂ nyë nyîndə̂ nə̈ pä Jezü Krîsiti wa Gbölö Gbïɛ̈ ndə̂ nyê lâme, äwäpä nyë mbo rə batə̂ azü ndə̂ andjë wâ balë la tchë.

Dokʉ̈ Tësälönîke 3:12

Äwäpä Gbölö Gbïɛ̈ mbo rə̂ pä köbo ndə̂ nyê nyində̂ angâ nyê lə̂ gbâtə̂ nyê, la köbo ndə̂ nyê nyində̂ azü gbɛ̂ ârô masə̂nə̈ lâme sə lakə̂ êë atə̂ tchâtchu nə̈, batə̂ rə̂ ndə̂ ârâ nyîndə̂ nyê! Amin!

Dokʉ̈ Tësälönîke 4:2

Bëte kə̂ zama ndə̂ Gbölö Gbïɛ̈ Jezü zâ rə̂ sə̈ ârâ ânyë ârâ zâ rə̂ sə̈ nyê lâme, nyë wûnsə̂ nə̈ nə̂.

Dokʉ̈ Tësälönîke 5:12

Arə̂mä, ârâ yükû nə̈ sə̈ nyê ndə̂kə̂ pa nyë lusə̂ andjanə̈ ndə̂ andjë mbo kua lə̂ gbâtə̂ nyê, ndə̂ andjë nyisə̂ köbo sə̈ nyê la rə̈ Gbölö Gbïɛ̈, lakə̂ gbɨtɨ tü nyê.

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Bïchuû Tësälönîke 2:1

Arə̂mä, âdə andə̂ pö ndə̂ lö kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la pö ndə̂kə̂ pala azə̂ ndrotə̂ yê lâme, ârâ yü nyê kâkë:

Bïchuû Tësälönîke 3:1

Ndə̂kə̂ ka pö ndə̂ mê, arə̂mä, nyë tö pö sə̈ Ndjapä bëte ârâ ânyë pö ndə̂ Gbölö Gbïɛ̈ za tchô gbɛ̂, ânyë azü lusə̂ nə̈ batə̂ rə̂ ndə̂ a lûsə̂ nə̈ bhândə̂ nyê.

Bïchuû Tësälönîke 3:13

Âdə andə̂ nye nə̈, arə̂mä, nyê möäbô mô tə̂kə̂ mbo tchôtchô rə-ê.

Dokʉ̈ Timotë 5:21

Më yükû nə̈ sə̈ mö la gbôgbô tchâtchu Ndjapä, ndjë tchâtchu Jezü Krîsiti la aânje ndə̂ Ndjapä dɨ̂ andjê, amö mbo rə gundə̂sə̂ kə̂ zama lâme, kə̂ səabô sə̂ dəndə̂ ngâ akrə balë-ê, kə̂ nyiabô nyîndə̂ ngâ akrə âro ngânə̈-ê.

Bïchuû Timotë 4:1

Më yükû nə̈ sə̈ mö tchâtchu Ndjapä ndjë tchâtchu Jezü Krîsiti ndə̂ tchê kadje ndə̂kə̂ wa ngbanga ndə̂ azü ndə̂ andjë wâ la tʉ̈rʉ̂ la andjê la andjanə̈ ndə̂ andjë tchû. Tche âwa ngbanga nə̈ tə̂ lo kə̂ ka ndə̂ yê, la lo kə̂ mbo kümändëmä ndə̂ yê.

Aheborö 11:6

Dëkë, âdə akrə âwabô wâ ndə̂kə̂ za su yê sə̈ Ndjapä, tche wâbo ndə̂kə̂ daka lə̂ la Ndjapä-a, bëte akrə ndə̂ tche gîtə̂ yê pu Ndjapä, äwäpä tche wunsə̂ nə̈ pä Ndjapä kä tâ, tche kʉ̈ tchôtchô arə sə̈ azü ndə̂ andjë pu tchë.

Aheborö 13:16

Sə̂nə̈ yüäbô yû tə̂ nyê ndə̂kə̂ mbo dâkâ tə̂ azü, lakə̂ za könô lə̂ gbâtə̂ nyê la angâ nyê-ê, bëte kə̂ wa ngela käko lâme kä ndə̂ âfû tə̂ Ndjapä.

Aheborö 13:22

Arə̂mä, më yükû nə̈ sə̈ nyê ndə̂kə̂ pa nyê rʉatə̂ su nyê, kə̂ gamba apö gbɛ̂ ndə̂ më tô rə̂ ndə̂kə̂ za gbôgbô tə̂ su nyê. Ndə̂kə̂ wun rə̂ djîrə̂, më wân-âbo ngrɨ̈ngrɨ̈ mbëtï sə̈ nyê-a.

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.

Dokʉ̈ Jâan 3:22

Rə gbɛ̂ ndə̂ azə̈ yukû nə̈, azə̈ âgbo rə̂ tchânə̂ yê, bëte azə̈ bäta ndïɛ̈ ndə̂ yê, ânyë kə̈ mbô rə ndə̂ âfû tə̂ yê.