Dokʉ̈ Tësälönîke 3:8 - Mbëtï Ndjapä: TÄFO MADƗ̈

⁸ Angaâtə, tə̂ ârâ krâ nə̂ ngrôô bëte gbô nyê kä lə̂ köbo Gbölö Gbïɛ̈.

Dokʉ̈ Tësälönîke 3:8 Iomraidhean Croise

Jâan 15:4

Nyë sə̈ balë la mê ânyë mê səadje balë la nyê. Ngâ matö yö wâbo ndə̂kə̂ le la tə̂ yê, ndə̂ tche wâbô wâ ëtə̂ da yö nə̈-a. Andə̂ nye nə̈, ârə̂ âwa ndjë käko-ë, âdə nyê âsəabô sə̂ balë la mê, nyê leabô lêlê nə̈ balë tee-a.

Jâan 15:7

Âdə nyë âwa balë la mê, ânyë apö ndə̂ mê wâ lə̂ nyê, nyë âyukû arə gbɛ̂ ndə̂ nyë nyîndə̂ nə̈, nyê gboadje rə̂.

Jâan 8:31

Käko Jezü tô rə̂ sə̈ ajuîfu ndə̂ andjë zâ su andjê sə̈ tchë päkëdə̂: «Âdə nyê âsə lə̂ pö ndə̂ mê, dëkë tə̂ lëge nə̈ nyë wätə̂ adjisîpili ndə̂ mê.

Abadjângele 11:23

Ndə̂ tche wûtu bhâye, tche wûn rə̂ ndə̂ Ndjapä mbô tchôtchô su tə̂ azü nə̈. Tche wâ la mômô, ânyë kə̈ zâ wängö sə̈ andjê ndə̂kə̂ pa andjë za su andjê gbɛ̂ lakə̂ sə kpô ngbâ Gbölö Gbïɛ̈ logbɛ̂.

Dokʉ̈ Körɛ̂nte 15:58

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Dokʉ̈ Körɛ̂nte 16:13

Nyë löäbô lô-ê, nyë rʉ̈ätə̂ su nyê ndə̂ nyë zâ rə̂ sə̈ Krîsiti, nyë mbö rə batə̂ aköchë, kə̂ kpokpo tə̂ nyê.

Gälâte 5:1

Krîsiti jï azə̂ tchâtchâ ngbâa ndə̂kə̂ pa azə̈ sə ämbänə̈. Käko nyë kpökpo tə̂ nyê! Nyë kä nyî bata nyîndə̂ nə̈ pä a ka la nyê tchâtchâ ngbâa-ê.

Ëfêze 3:17

Kə̂ mbo rə̂ ndə̂kə̂ pa Krîsiti sə lə̂ su nyê lə̂ köbosə̂ kə̂ za su nyê sə̈ Ndjapä. Äwäpä nyë chichi tə̂ nyê, kə̂ kpokpo tə̂ nyê lə̂kə̂ nyində̂ ngâ nə̈ lâme.

Fïlîpe 1:21

Bëte andə̂ me nə̈, âdə mê âsə la tʉ̈rʉ̂ la mê, më sə̈ bëte Krîsiti, ânyë âdə mê âtchu, më tchü ndə̂kə̂ gbo rə ngbâ kua ndə̂ më mbô rə̂.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Kölôse 1:23

Praâbalë äwäpä su nyë ndə̂ nyë zâ rə̂ sə̈ Ndjapä ndəpo la gbôgbô ânyë kə̂ kpokpo tə̂ yê. Nyë ëäbô ê ngrɨ̈ tə̂ rə ndə̂ su nyê wâ pânə̈ ndə̂ nyë krʉ̂ bëte rə̂ lâme sə̂nə̈ ndə̂ nyë djê Tchôtchô Pö lâme, ndə̂ a mû rə̂ sə̈ azü pâ cho gbɛ̂, ndə̂ mëmê Pôlo, më mbôtə̂ mê tə̂ earə̂ kua ndə̂kə̂ mu Tchôtchô Pö nə̈.

Dokʉ̈ Tësälönîke 3:7

Käko arə̂mä, lə̂ nyonyo la arə gbôgbô ndə̂ âgbô ârâ lâme, ârâ gbö gbôgbô lə̂ köbosə̂ nyê, tə̂ pö ndə̂ su nyê ndə̂ nyë zâ rə̂ sə̈ Krîsiti.

Aheborö 10:23

Äwäpä su azə̂ ndəpo pâ rə ndə̂ azə̈ krʉ̂ bëte rə̂ tchânə̂ Ndjapä, ndə̂ azə̈ mu pö ndə̂nə̈, bëte Ndjapä mbö rə gundə̂sə̂ bâlâ ndə̂ yê.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Aheborö 4:14

Äwäpä azə̈ kpokpo tə̂ azə̂ pâ su azə̂ ndə̂ azə̈ zâ rə̂ sə̈ Ndjapä, ndə̂ azə̈ mu pö ndə̂nə̈, bëte azə̈ kä la gbölö earə̂ kə̂ wa ngela ndə̂ tche rô adɨ̂ nə̈ gbɛ̂, tche ë ndjoa bhâ tchâtchu Ndjapä, Jezü Modô ndə̂ Ndjapä kä.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Bïchuû Pîêre 3:17

Âdə andə̂ nye nə̈, arə̂mä ndə̂ më nyîndə̂ nyê tə̂ gbölösə̂nə̈, angaâtə a krâ tü nyê nə̂. La nyê gbö-ê, ânyë angbongbo azü lâme boloabô nyê bôlo la angbongbo apö ndə̂kə̂ yu köbo su nyê ndə̂ nyë zâ rə̂ sə̈ Jezü, ndə̂ nyë kpôkpo tə̂ nyê pânə̈ lâme-ê.

Apökälîbïchi 3:11

Mê ânə angaâtə. Rə ndə̂ mo wâ la rə̂ lâme, amö za rə̂ kperə̂, ânyë ngâ akrə balë krʉabô kurône ndə̂ zə̈ krʉ̂â-ê.

Apökälîbïchi 3:3

Rə ndə̂ a nyîsə̂ nə̈ sə̈ mö la rə ndə̂ mo djê rə̂ alême, äwäpä sə̂nə̈ te lê zə̈, mo bata rə̂, kə̂ gbotə̂ bəndɨ kə̂ mbo rə ndə̂ zə̈-ê. Âdə mo âjoabô jô-ê, mê ânə pu mö batə̂ ngâ earə̂ ngbä, ânyë mô wun-abô sə̂ dalo ndə̂ mê tro mö la rə̂ tee-a.