Dokʉ̈ Tësälönîke 3:6 - Mbëtï Ndjapä: TÄFO MADƗ̈

⁶ Angaâtə, Timotë tô bhândə̂ nyê kə̈ kâ nə̂. Tche kä la tchôtchô pö pâ su nyê ndə̂ nyë zâ rə̂ sə̈ Ndjapä, la köbo ndə̂ nyê nyində̂ angâ nyê. Tche tö ndjë rə̂ pä gbô nyê kä lakə̂ to tchôtchô pö ndə̂ ârâ, kə̈ wâ la gʉ ndə̂kə̂ kä wun ârâ, batə̂ rə̂ ndə̂ ârâ wâ ndjë la gʉ ndə̂kə̂ kä wun nyê.

Dokʉ̈ Tësälönîke 3:6 Iomraidhean Croise

Abadjângele 16:1

Pôlo wûtu bhâlə̂ gö ndə̂ Dêrebe ndjë la Lîsetere. Ngâ djisîpili kä bhâye ndə̂ rə̈ yê wû pä Timotë, anyï nə̈ də̈ ngâ juîfu ndə̂ tche zâ su yê sə̈ Krîsiti. Praâbalë bha nə̈ də̈ gerêke.

Abadjângele 18:1

La tchêngbâ nə̈ Pôlo tô bhâ Ätêne kə̈ ê atə̂ Körɛ̂nte.

Abadjângele 18:5

Ndə̂ Sïlâse la Timotë tô bhâ Mäsëdöâne âkə̈ wûtu, Pôlo zâtə̂ yê gbɛ̂ ndə̂kə̂ mu pö Ndjapä. Tche sə̈ lakə̂ nyisə̂ nə̈ kraâ sə̈ ajuîfu pä Jezü də̈ Krîsiti.

Dokʉ̈ Körɛ̂nte 11:2

Më gämba nyê bëte logbɛ̂ sə̂ mê kä lakə̂ te lə̂ nyê, ânyë nyë kä lakə̂ mbo rə gundə̂sə̂ apö ndə̂ mê nyisə̂ nə̈ sə̈ nyê.

Dokʉ̈ Körɛ̂nte 13:13

Ndə̂ tchô angaâtə, arə vötaâ lâme kä tâ: Kə̂ za su sə̈ Krîsiti, kə̂ za su pâ rə ndə̂ akrə krʉ bëte rə̂, la kə̂ nyində̂ ngâ, praâbalë kə̂ nyində̂ ngâ wä gbölö kə̈ rô adɨ̂ nə̈ gbɛ̂.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Fïlîpe 1:8

Lə̂ la Ndjapä më nyïndə̂ nyê tə̂ gbölösə̂nə̈ la su mê balë batə̂ rə̂ ndə̂ Jezü Krîsiti nyîndə̂ nyê.

Kölôse 1:4

Bëte ârâ djê pö ndə̂kə̂ za su nyê sə̈ Jezü Krîsiti lâme nə̂, ndjë lakə̂ nyində̂ azü ndə̂ Ndjapä gbɛ̂ lâme.

Kölôse 4:18

Mëmê Pôlo, mëmê la tə̂ mê kä ndə̂ âmbô mbëtï âtə, më pô ndə̂ nyê nə̂. Sə̂nə̈ yüäbô yû tə̂ nyê pä më kä bhâlə̂ nda kânga-ê! Äfü pä Ndjapä mbo tchôtchô su tə̂ nyê!

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Tësälönîke 2:17

Âdə andə̂ ârâ arə̂mä, azə̈ krʉ̈ tchə̂lə̂ tə̂ azə̂ la nyê tə̂ angâ alö, ndə̂ ârâ sə̂ tə̂ nyê ngrɨ̈, praâbalë gbô su ârâ kä pâ nyê. Ârâ mbö rə̂ gbɛ̂ ndə̂kə̂ e kə̂ wun nyê, bëte gʉ nyê nyü ârâ tə̂ gbölösə̂nə̈.

Dokʉ̈ Tësälönîke 2:9

Arə̂mä, äwäpä su nyê te pâ yûkü ndə̂ ârâ wûn rə̂ alême lakə̂ mbo kua, ânyë gbâdâ kâ tə̂ ârâ. Ârâ mbö kua dalobiî ânyë kə̈ wâbô wâtə̂ kʉ̂ngbô pâ ngâ akrə balë-ê. Käko kä ndə̂ ârâ mû Tchôtchô Pö ndə̂ Ndjapä.

Dokʉ̈ Tësälönîke 3:7

Käko arə̂mä, lə̂ nyonyo la arə gbôgbô ndə̂ âgbô ârâ lâme, ârâ gbö gbôgbô lə̂ köbosə̂ nyê, tə̂ pö ndə̂ su nyê ndə̂ nyë zâ rə̂ sə̈ Krîsiti.

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Bïchuû Timotë 1:3

Më zä ayîabâ tə̂ gbölösə̂nə̈ sə̈ Ndjapä, ndə̂ më zâ tchêngbâ araâta mê lakə̂ mbo kua sə̈ tchë, la tchôtchô kə̂ rɨ tchə̂lə̂ su. Më kä lakə̂ za küma mê dalobiî tə̂ pö ndə̂ zə̈ logbɛ̂ ndə̂ mê to pö sə̈ Ndjapä.

Filemön 1:5

Bëte më djë rə̂ pä mo nyïndə̂ azü ndə̂ Ndjapä gbɛ̂, kə̈ zâ ndjë su zə̈ gbɛ̂ sə̈ Gbölö Gbïɛ̈ Jezü.

Aheborö 13:3

Äwäpä sə̂ azü bhâlə̂ nda kânga te lə̂ nyê, âwûntî pä nyënyê ndjë gbɛ̂, nyë kä lə̂ nda kânga. Äwäpä sə̂ azü ndə̂ a mbô andjê la yûkü te lə̂ nyê bëte nyënyê ndjë gbɛ̂, nyë kä ndjë la tə̂ nyê tâ ndə̂ âwâ ndə̂kə̂ wun yûkü.

Aheborö 13:7

Äwäpä sə̂ adokʉ̈ azü tə̂ aküma Egilîze ndə̂ andjë nyîsə̂ pö Ndjapä sə̈ nyê te lə̂ nyê. Nyë rɨ̈ su nyê tə̂ köbo ndə̂ andjë sə̂ la rə̂ ânyë kə̈ tchû, nyë mbö rə batə̂ andjê, tə̂ pö ndə̂ su andjê ndə̂ andjë zâ rə̂ sə̈ Ndjapä.

Dokʉ̈ Jâan 3:23

Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.