Dokʉ̈ Tësälönîke 3:5 - Mbëtï Ndjapä: TÄFO MADƗ̈

⁵ Bëte rə̂ kä ndə̂ më kä wâbo ndə̂kə̂ rʉatə̂ su mê ndə̂kə̂ krʉ zoo, ânyë kə̈ wân Timotë ndə̂kə̂ pa tche e kə̂ dje pö pâ su nyê ndə̂ nyë zâ rə̂ sə̈ Krîsiti lâme-a. Wawa mbö mê ndə̂kə̂ pa Jâbolo vuabô nyê vû-ê ânyë kua ndə̂ ârâ mbô rə̂ wabô wâ ämbänə̈-ê.

Dokʉ̈ Tësälönîke 3:5 Iomraidhean Croise

Matiyə̈ 4:3

Jâbolo, earə̂ kə̂ bolo azü nə̂ ndola tchë, kə̈ tô rə̂ sə̈ tchë päkëdə̂: «Âdə mo âdə Modô ndə̂ Ndjapä, amö to rə̂ sə̈ täme âtə âdôtə̂ yê tə̂ kɨ̈zɨ̂.»

Abadjângele 15:36

Lə̂ angâ alö la tchêngbâ nə̈, Pôlo tô rə̂ sə̈ Bärnäbâse päkëdə̂: «Azə̈ kâkä kə̈ wûn arə̂mâ kulə̂ agö balë balë gbɛ̂ ndə̂ azə̈ mû Tchôtchô Pö ndə̂ Gbölö Gbïɛ̈ tâ lâme. Käko azə̂ wun-adje köbosə̂ nə̈ ndə̂ andjë sə̂ la rə̂.»

Dokʉ̈ Körɛ̂nte 7:5

Nyë köäbô sə̂nə̈ kô ndə̂kə̂ sə köchë la ɛ̈chë lə̂ gbâtə̂ nyê-ê, praâbalë âdə nyê âdjetə̂ nyê lə̂ angâ alö ndə̂kə̂ to pö sə̈ Ndjapä ânyë kə̂ gbotâ. La tchêngbâ nə̈ nyê kä ka ndə̂nə̈, bëte nyë âmboabô me mbô tâ käko, Satäa gbo köbo ndə̂kə̂ vu nyê, ndə̂ nyë wâbô wâ la gbôgbô ndə̂kə̂ kitə̂ gʉ nə̈-ê.

Bïchuû Körɛ̂nte 2:11

Më mbö rə̂ käko ndə̂kə̂ pa Satäa boloabô nyê bôlo-ê, bëte azə̈ wûnsə̂ arə ndə̂ tche wâ ndə̂kə̂ mbo rə̂ nə̂.

Bïchuû Körɛ̂nte 6:1

Ndə̂ azə̈ sə̂ lakə̂ mbo kua la Ndjapä, ârâ yükû nə̈ sə̈ nyê ndə̂kə̂ gboabô gbôtə̂ tchôtchô su ndə̂ Ndjapä mbô rə̂ tə̂ azə̂ ämbänə̈-ê.

Gälâte 2:2

Më ë bhâye bëte Ndjapä nyïsə̂ nə̈ sə̈ mê ndə̂kə̂ e, ânyë Tchôtchô Pö ndə̂ më nyîsə̂ nə̈ sə̈ azü ndə̂ andjë wâbô wâtə̂ ajuîfu, më nyîsə̂ nə̈ sə̈ andjê. Më nyï ndjë sə̂nə̈ lə̂ ngâ kpûlû ndə̂ azü tə̂ küma Egilîze. Më mbö rə̂ käko ndə̂kə̂ pa kua ndə̂ më mbô rə̂ alême la anə̈ angêta wabô wâ ämbämbänə̈-ê.

Gälâte 4:11

Wawa mbö mê bëte kua ndə̂ më mbô rə̂ bëte nyê lâme, tchêngbâ nə̈ âwa ämbänə̈?

Ëfêze 4:14

Käko azə̂ kä wa bata batə̂ ayɛ̈yɛ̈ abechë tee-a, ndə̂ andjë wâ batə̂ külû la ngû ndə̂ kpabe sə lakə̂ e la rə̂ katchôgbɛ̂ lâme ndə̂, kə̂ nyisə̂ rə ndə̂ a-earə̂ yepa la a-earə̂ kə̂ bolo azü wâ batə̂ yi ndə̂ âro la andjê dəkalâ dəkalâ lâme.

Fïlîpe 2:16

lakə̂ mu pö ndə̂ âza tchîsûwu sə̈ azü, käko mê âwa la mômô tə̂ pö ndə̂ nyê lo kə̂ ka ndə̂ Krîsiti, bëte kua ndə̂ mê la yûkü ndə̂ më wûn rə̂ bëte nyê wâbo ämbänə̈-a.

Fïlîpe 2:19

Âdə Gbölö Gbïɛ̈ Jezü ânyində̂ nə̈, mê wan-adje Timotë sə̈ nyê lə̂ alö âtə, ndə̂kə̂ pa mëmê la tə̂ mê, su mê wa la gbôgbô lə̂ köbosə̂ apö ndə̂ tchê toadje tchêngbâ nə̈ sə̈ mê pâ nyê.

Dokʉ̈ Tësälönîke 2:1

Arə̂mä, nyënyê la tə̂ nyê, nyë wûnsə̂ nə̈ nə̂ pä kə̂ wutu ndə̂ ârâ bhândə̂ nyê alême wâbo ämbänə̈-a.

Dokʉ̈ Tësälönîke 3:6

Angaâtə, Timotë tô bhândə̂ nyê kə̈ kâ nə̂. Tche kä la tchôtchô pö pâ su nyê ndə̂ nyë zâ rə̂ sə̈ Ndjapä, la köbo ndə̂ nyê nyində̂ angâ nyê. Tche tö ndjë rə̂ pä gbô nyê kä lakə̂ to tchôtchô pö ndə̂ ârâ, kə̈ wâ la gʉ ndə̂kə̂ kä wun ârâ, batə̂ rə̂ ndə̂ ârâ wâ ndjë la gʉ ndə̂kə̂ kä wun nyê.