Dokʉ̈ Tësälönîke 3:4 - Mbëtï Ndjapä: TÄFO MADƗ̈

⁴ Ndə̂ gbô ârâ ndə̂po lə̂ gbâtə̂ nyê alême, ârâ tô rə̂ sə̈ nyê nə̂ pä ârâ wun-adje yûkü; ârə̂ kä âkə̈ wûtu âtə, nyë wûnsə̂ nə̈ nə̂.

Dokʉ̈ Tësälönîke 3:4 Iomraidhean Croise

Matiyə̈ 24:25

Më tô rə̂ sə̈ nyê dokʉ̈tchê nə̂.

Abadjângele 17:1

Pôlo la Sïlâse rö lə̂ gö ndə̂ Änfïpölîse la Apolonï kə̈ wûtu bhâ Tësälönîke. Ngâ nda kə̂ voga Ndjapä ndə̂ ajuîfu kä bhâye.

Abadjângele 17:13

Praâbalë ndə̂ ajuîfu ndə̂ Tësälönîke djê rə̂ pä Pôlo kä lakə̂ mu ndjë pö Ndjapä bhâ Berë, andjë nə̂ lakə̂ kä djingɨli tchə̂lə̂ küma kpûlû azü, lakə̂ mbo rə̂ pä azü nə̈ alafô la pö.

Abadjângele 20:24

Praâbalë më wün tchîsûwu ndə̂ mê batə̂ ngâ mbämbä rə lə̂ la mê. Rə ndə̂ mê pu köbo nə̈ wä ndə̂kə̂ pa më ka kua ndə̂ mê, kə̂ mbo rə gbɛ̂ ndə̂ Gbölö Gbïɛ̈ Jezü zâ rə̂ sə̈ mê ndə̂kə̂ mbo rə̂. Äwä ndə̂kə̂ mu Tchôtchô Pö ndə̂ ânə̂ lə̂ köbosə̂ tchôtchô su Ndjapä sə̈ azü.

Dokʉ̈ Tësälönîke 2:14

Käko arə̂mä, kə̂ mbo rə ndə̂ nyê wä batə̂ andə̂ azü ndə̂ a-Egilîze ndə̂ andjë sə̂ bhâ Judë, andjanə̈ ndə̂ andjë wâ balë la Jezü Krîsiti lâme, bëte nyë wün ndjë yûkü tchânə̂ azü gö ndə̂ nyê la tə̂ nyê batə̂ rə̂ ndə̂ azü ndə̂ a-Egilîze ndə̂ Judë wûn yûkü tchânə̂ ajuîfu.

Dokʉ̈ Tësälönîke 2:2

Nyë wûn ndjë sə̂nə̈ nə̂ pä dokʉ̈tchê ârâ wün yûkü ânyë a drô ârâ bhâlə̂ gö ndə̂ Fïlîpe. Praâbalë Ndjapä zä gbôgbô tə̂ su ârâ ndə̂kə̂ mu Tchôtchô Pö ndə̂ yê sə̈ nyê lə̂ arə yûkü lâme.

Bïchuû Tësälönîke 2:5

Më tô pö lâme sə̈ nyê alême nə̂, sə̂nə̈ ndə̂ gbô mê ndə̂po lə̂ gbâtə̂ nyê, sə̂nə̈ têâbo lə̂ nyê?

Bïchuû Tësälönîke 3:10

Bëte sə̂nə̈ ndə̂ gbô ârâ sə̈ lə̂ gbâtə̂ nyê, ârâ yükû nə̈ sə̈ nyê päkëdə̂: «Akrə ndə̂ tche nyîâbô nyîndə̂ kə̂ mbo kua, âwâbo pä tche zɨ ndjë rə-a.»