Dokʉ̈ Tësälönîke 3:3 - Mbëtï Ndjapä: TÄFO MADƗ̈

³ ânyë ngâ akrə balë teabô tê lə̂ köbosə̂ yûkü ndə̂ azə̈ wun rə̂ angêta lâme-ê. Bëte nyënyê la tə̂ nyê, nyë wûnsə̂ nə̈ nə̂ pä yûkü ndə̂ ârâ sə̂ lakə̂ wun rə̂ âtə, Ndjapä nyïkrə rə̂ dokʉ̈tchê bëte ârâ.

Dokʉ̈ Tësälönîke 3:3 Iomraidhean Croise

Lûke 21:12

Praâbalë dokʉ̈tchê ndə̂kə̂ pa rə nə̈ lâme wutu, a âkʉadje nyê, kə̂ mboadje nyê la yûkü, ndjë kə̂ eadje la nyê bhâlə̂ anda kə̂ voga Ndjapä ndə̂kə̂ pa a wa ngbanga pâ nyê. A âyiadje nyê lə̂ nda kânga; ânyë a â-eadje la nyê atə̂ tchâtchu agbïɛ̈ la agoverenëre bëte mê.

Jâan 16:2

Bëte andjê groadje nyê lə̂ anda kə̂ voga Ndjapä. Pânə̈ lo nə̈ wutuadje ndə̂ andjanə̈ ndə̂ andjë won nyê toadje rə̂ bhâtə̂ su andjê pä, kua ndə̂ Ndjapä kä ndə̂ anyë mbô rə̂ lâme.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Abadjângele 2:25

Tə̂ lëge nə̈, Davîdi tö pö ndə̂ yê päkëdə̂: ‹Më wün Gbölö Gbïɛ̈ tchâtchu mê logbɛ̂, də ndôkö könô mê, ngâ rə ndə̂kə̂ ngbangi mê wâbo-a.

Abadjângele 21:11

Tche nə̈ ndə̂kə̂ wun ârâ, tche zâ wû tchêpâ lə̂ba ndə̂ Pôlo, kə̈ î da yê la könô yê la tə̂ yê ânyë kə̈ tô rə̂ päkëdə̂: «Nyë djë pö ndə̂ Kpɨ̂ki Yingö ndə̂ tche tô rə̂: Ajuîfu iadje earə̂ wû âtə kâkë bhâ Jerûzalêmo, ânyë kə̂ gbotə̂ yê tchânə̂ azü ndə̂ andjë wâbô wâtə̂ ajuîfu.»

Abadjângele 21:13

Käko tche tô rə̂ ndə̂nə̈ päkëdə̂: «Bëte giamâ nyë sə̂ lakə̂ kɨ ânyë kə̈ zâ su mê ngbɨ̂ɨ̂ lafô? Âwâbo kütû ndə̂kə̂ pa a i mê-a, praâbalë më kä ndjë tchêtchêtchê ndə̂kə̂ tchu bhâ Jerûzalêmo bëte rə̈ Gbölö Gbïɛ̈ Jezü.»

Abadjângele 9:16

Mê nyiadje sə̂nə̈ sə̈ tchë la tə̂ mê, yûkü ndə̂ tche wun-adje rə̂ bëte rə̈ mê.»

Rômo 5:3

Âdə̂âbo kütû bëte rə lâme-a, azə̈ wä ndjë la mômô lə̂ arə nyonyo ndə̂ âgbo azə̂ bëte azə̈ wûnsə̂ nə̈ nə̂ pä nyonyo mbö rə̂ ânyë akrə rʉatə̂ su yê.

Dokʉ̈ Körɛ̂nte 15:58

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Dokʉ̈ Körɛ̂nte 4:9

Bëte lə̂ la mê, Ndjapä kʉ̈ ârâ ndə̂ abadjângele kə̈ gbôtə̂ ârâ dəngbâ azü gbɛ̂, batə̂ azü ndə̂ a wâ ngbanga kuzü lə̂ küma andjê: Azü tchêbêche gbɛ̂ täkpa ndə̂ ârâ lakə̂ wun ârâ batə̂ rə ngɨ̈, aânje ndjë la azü gbɛ̂ wün ndjë ârâ.

Ëfêze 3:13

Më yükû nə̈ ndjë sə̈ nyê ndə̂kə̂ pa su nyê zogoabô zôgo tə̂ pö ndə̂ yûkü ndə̂ më wûn rə̂ tə̂ pö ndə̂ nyê: Yûkü lâme wä bëte dâkâ ndə̂ nyê.

Fïlîpe 1:28

Nyë gböäbô gbôtə̂ köbo pä a-earə̂ kə̂ kosə̂ nyê za wa lə̂ nyê ämbänə̈-ê, ârə̂ kä âkə̂ nyisə̂ kə̂ te ndə̂ andjê, ânyë nyë kä lə̂ köbo ndə̂kə̂ tcha lə̂ kuzü, rə nə̈ lâme tö bhândə̂ Ndjapä.

Kölôse 1:23

Praâbalë äwäpä su nyë ndə̂ nyë zâ rə̂ sə̈ Ndjapä ndəpo la gbôgbô ânyë kə̂ kpokpo tə̂ yê. Nyë ëäbô ê ngrɨ̈ tə̂ rə ndə̂ su nyê wâ pânə̈ ndə̂ nyë krʉ̂ bëte rə̂ lâme sə̂nə̈ ndə̂ nyë djê Tchôtchô Pö lâme, ndə̂ a mû rə̂ sə̈ azü pâ cho gbɛ̂, ndə̂ mëmê Pôlo, më mbôtə̂ mê tə̂ earə̂ kua ndə̂kə̂ mu Tchôtchô Pö nə̈.

Dokʉ̈ Tësälönîke 5:9

Bëte Ndjapä nyîkrəabô rə̂ ndə̂kə̂ pa mêrâ ndə̂ yê te pâ azə̂-a, praâbalë tche nyïkrə rə̂ ndə̂kə̂ pa azə̈ tcha lə̂ kuzü logbɛ̂ lə̂ köbosə̂ Gbölö Gbïɛ̈ ndə̂ azə̂ Jezü Krîsiti,

Bïchuû Tësälönîke 1:4

Bëte rə̂ kä ndə̂ ârâ bhi gogo ârâ lə̂ köbosə̂ nyê kulə̂ a-Egilîze ndə̂ Ndjapä lə̂ köbosə̂ nə̈ ndə̂ nyë rʉ̂âtə̂ su nyê la rə̂ ndə̂ nyë ndə̂po lə̂ köbo kə̂ za su nyê sə̈ Krîsiti lə̂ agbôgbô arə gbɛ̂, la arə nyonyo ndə̂ âgbô nyê.

Bïchuû Timotë 1:8

Âwâbo pä mo mbo ganô ndə̂kə̂ to pö pâ Gbölö Gbïɛ̈ ndə̂ azə̂-a. Âwâbo pä mo mbo ganô mê, earə̂ kânga ndə̂ yê-a. Praâbalë amö gamba rə̂ ndə̂kə̂ wun yûkü la mê, bëte Tchôtchô Pö, lakə̂ za su zə̈ pâ gbôgbô ndə̂ Ndjapä.

Dokʉ̈ Pîêre 2:21

Dëkë rə ndə̂ Ndjapä ê nyê bëte rə̂ kä lâme, bëte Krîsiti la tə̂ yê wün ndjë yûkü tə̂ pö ndə̂ nyê, ânyë kə̈ nyîsə̂ köbo nə̈ sə̈ nyê ndə̂kə̂ pa nyë nə lə̂ manə̈ ngbâ yê.

Apökälîbïchi 2:10

Âwâbo pä mo wa la wawa yûkü ndə̂ mô wun-adje rə̂ lâme-a. Amö djë pö âtə: Jâbolo vuadje nyê, kə̂ yiadje angâ azü lə̂ gbâtə̂ nyê lə̂ nda kânga. Nyê wun-adje yûkü lə̂ lö lə̂ könô gbɛ̂. Äwäpä mo mbo rə gundə̂sə̂ pö ma mê ndjoa ëtə̂ kuzü, ânyë mê zadje kurône ndə̂ tchîsûwu ndə̂ logbɛ̂ logbɛ̂ sə̈ mö.

Apökälîbïchi 2:13

Më wûnsə̂ tchô ndə̂ mo lô tâ nə̂, tchô nə̈ lâme wätə̂ ngendë-gbïɛ̈ ndə̂ Satäa. Praâbalë mo zätə̂ zə̈ gbɛ̂ sə̈ mê, mo vûâbo sə̂ su zə̈ ndə̂ mo zâ rə̂ sə̈ mê-a. Ndjë, tə̂ lo nə̈ ndə̂ a wôn Äntïpâse bhândə̂ nyê, sə̂ tchô ndə̂ Satäa sə̂ tâ. Äntïpâse nə̈ də̈ akrə ndə̂ tche mû pö pâ mê djîrə̂. Lə̂ arə lâme gbɛ̂ gbô su zə̈ kä pâ mê.