Dokʉ̈ Tësälönîke 3:2 - Mbëtï Ndjapä: TÄFO MADƗ̈

² ânyë kə̈ wân Timotë ngâ ârâ lə̂ Krîsiti sə̈ nyê; tche də̈ akrə ndə̂ andjë mbo kua balë la Ndjapä, kua ndə̂kə̂ mu Tchôtchô Pö ndə̂ Krîsiti. Ârâ wän tchë sə̈ nyê ndə̂kə̂ mbo rə̂ ânyë nyê kpokpo tə̂ nyê, kə̂ mbo rə̂ ânyë nyê gbo gbôgbô lə̂kə̂ za su nyê sə̈ Krîsiti,

Dokʉ̈ Tësälönîke 3:2 Iomraidhean Croise

Abadjângele 16:1

Pôlo wûtu bhâlə̂ gö ndə̂ Dêrebe ndjë la Lîsetere. Ngâ djisîpili kä bhâye ndə̂ rə̈ yê wû pä Timotë, anyï nə̈ də̈ ngâ juîfu ndə̂ tche zâ su yê sə̈ Krîsiti. Praâbalë bha nə̈ də̈ gerêke.

Abadjângele 16:5

Azü ndə̂ Egilîze kpökpo tə̂ andjê tə̂ gbölösə̂nə̈ lə̂kə̂ za su sə̈ Jezü, ânyë kə̂ ngba ndə̂ andjê sə̂ lakə̂ êë atə̂ lafô logbɛ̂.

Abadjângele 18:5

Ndə̂ Sïlâse la Timotë tô bhâ Mäsëdöâne âkə̈ wûtu, Pôlo zâtə̂ yê gbɛ̂ ndə̂kə̂ mu pö Ndjapä. Tche sə̈ lakə̂ nyisə̂ nə̈ kraâ sə̈ ajuîfu pä Jezü də̈ Krîsiti.

Rômo 16:21

Timotë, ngâ mê ndə̂ ârâ mbo kua la tchë pô ndə̂ nyê nə̂. Lüsïûse la Jasön la Sösïpätêre ndə̂ andjë wâtə̂ azü bhândə̂ mê, andjë pô ndjë ndə̂ nyê nə̂.

Dokʉ̈ Körɛ̂nte 3:10

Lə̂ köbosə̂ tchôtchô su ndə̂ Ndjapä mbô rə̂ tə̂ mê, më mbö kua nə̈ batə̂ ngâ tchôtchô earə̂ kə̂ mbo nda, ânyë kə̈ mbô da nda nə̈. Ngâ akrə ngbî mbô nda ëpânə̈. Praâbalë äwäpä la akrə balë balë gbo lə̂ känyï ndə̂ tche mbo rə̂ la nda nə̈ ëpânə̈.

Dokʉ̈ Körɛ̂nte 4:17

Tə̂ pö ndə̂nə̈ kä ndə̂ më wân Timotë sə̈ nyê, modô ndə̂ mê ndə̂ më nyîndə̂ yê tə̂ gbölösə̂nə̈, ndə̂ gbô tchë sə̂ lə̂ köbo Gbölö Gbïɛ̈. Tche kä ndə̂ ânyiadje sə̂ köbo ndə̂ më sə̂ la rə̂ la tchêngbâ nə̈ ndə̂ më wâ balë la Krîsiti, batə̂ rə̂ ndə̂ më nyîsə̂ nə̈ katchôgbɛ̂, kulə̂ a-Egilîze.

Bïchuû Körɛ̂nte 1:1

Mëmê Pôlo, më wätə̂ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈. Mëmê la ngâ azə̂ Timotë kä ndə̂ âwân mbëtï âtə. Ârâ wän mbëtï âtə sə̈ Egilîze ndə̂ Ndjapä ndə̂ âwâ lə̂ gö ndə̂ Körɛ̂nte ndjë la azü ndə̂ Ndjapä gbɛ̂ ndə̂ andjë wâ lə̂ agö ndə̂ Akayï gbɛ̂.

Bïchuû Körɛ̂nte 1:19

Bëte Jezü Krîsiti Modô ndə̂ Ndjapä ndə̂ ârâ mû pö ndə̂ yê bhândə̂ nyê, mëmê la Silvɛ̈n la Timotë lâme, tche tôâbo rə̂ pä: «Ɛn-ɛn» la «ɛ̂n-ɛ̈n-a», praâbalë, pö ndə̂ yê də̈ kütû «ɛn-ɛn».

Bïchuû Körɛ̂nte 2:12

Ndə̂ më âsə̈ wutu bhâ Tröwâse ndə̂kə̂ mu Tchôtchô Pö ndə̂ Krîsiti, më wûnsə̂ nə̈ nə̂ pä Gbölö Gbïɛ̈ jî köbo sə̈ mê nə̂ ndə̂kə̂ mbo kua.

Bïchuû Körɛ̂nte 2:13

Gbô su mê kä ngbɨ̂ɨ̂ bëte më gbôâbo ngâ mê Tîte-a. Bëte rə̂ kä ndə̂ më gbôtə̂ azü nə̈, ânyë kə̈ ê atə̂ Mäsëdöâne.

Bïchuû Körɛ̂nte 8:23

Tîte də̈ agü mê la ngâ mê ndə̂ ârâ mbo kua la tchë bëte nyê. Âdə andə̂ arə̂mâ lâme, andjë də̈ azü ndə̂ a-Egilîze wân andjê. Andjë mbö kua bëte voga ndə̂ Krîsiti.

Fïlîpe 1:25

Tə̂ lëge nə̈, më wünsə̂ nə̈ bhâtə̂ su mê pä mê wadje la tchîsûwu, mê səadje ndrotə̂ nyê ndə̂kə̂ pa kua ndə̂ nyê e atə̂ tchâtchu nə̈ ânyë nyë wa la mômô lə̂kə̂ za su nyê sə̈ Ndjapä.

Kölôse 1:1

Mëmê Pôlo, më də̈ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈, mëmê la ngâ azə̂ Timotë,

Kölôse 1:7

Ëpäfrâse, agü ârâ earə̂ kua ndə̂ ârâ nyîndə̂ yê tə̂ gbölösə̂nə̈ mû pö lâme sə̈ nyê nə̂, tche də̈ ndjë lëge earə̂ kua ndə̂ Krîsiti bëte nyê.

Kölôse 4:12

Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.

Kölôse 4:9

Më wän tchë la Önëzîme, lëge ngâ ârâ ndə̂ më nyîndə̂ yê tə̂ gbölösə̂nə̈ tche də̈ ngâ akrə ndə̂ nyê. Arə̂mâ bïchuû lâme nyiadje sə̂ arə gbɛ̂ ndə̂ ârâ sə̂ lakə̂ mbo rə̂ bhâtə sə̈ nyê.

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Dokʉ̈ Tësälönîke 3:5

Bëte rə̂ kä ndə̂ më kä wâbo ndə̂kə̂ rʉatə̂ su mê ndə̂kə̂ krʉ zoo, ânyë kə̈ wân Timotë ndə̂kə̂ pa tche e kə̂ dje pö pâ su nyê ndə̂ nyë zâ rə̂ sə̈ Krîsiti lâme-a. Wawa mbö mê ndə̂kə̂ pa Jâbolo vuabô nyê vû-ê ânyë kua ndə̂ ârâ mbô rə̂ wabô wâ ämbänə̈-ê.

Bïchuû Tësälönîke 2:17

za gbôgbô tə̂ su nyê, kə̂ mbo rə̂ pä nyë kpokpo tə̂ nyê lə̂ arə gbɛ̂ ndə̂ nyê mbo rə̂ la apö gbɛ̂ ndə̂ nyê to rə̂ ndə̂kə̂ mbo dâkâ tə̂ azü.