Dokʉ̈ Tësälönîke 3:13 - Mbëtï Ndjapä: TÄFO MADƗ̈

¹³ Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Dokʉ̈ Tësälönîke 3:13 Iomraidhean Croise

Matiyə̈ 25:31

«Lo nə̈ ndə̂ Modô ndə̂ Akrə ka lə̂ gbôgbô ndə̂ yê la aânje ndə̂ yê gbɛ̂, tchê səadje ëpâ gbölö ngendë-gbïɛ̈ ndə̂ yê.

Mâreke 8:38

Bëte âdə ngâ akrə âmbo ganô mê la apö ndə̂ mê lə̂ la azü ndə̂ tchô angêta ndə̂ andjë kôsə̂ pö ma Ndjapä lakə̂ mbo ngbongbo rə, Modô ndə̂ Akrə mboadje ndjë ganô yê lo nə̈ ndə̂ tchê kadje lə̂ gbôgbô ndə̂ Bha nə̈ la aânje ndə̂ yê ndə̂ andjë wâ ngbî tiî bëte Ndjapä.»

Lûke 1:6

Zakarï la Alîsabëte wätə̂ adjîrə̂ azü lə̂ la Ndjapä, andjë mbö rə la köbo nə̈ gundə̂sə̂ andïɛ̈ gbɛ̂ la apö gbɛ̂ ndə̂ Gbölö Gbïɛ̈.

Rômo 14:4

Mo də̈ andə̂ zə̈ nə̈ tchabâ ânyë kə̂ jende earə̂ kua ndə̂ ngâ akrə ngbî? Âdə gbô tche âwa lafô âdəndjë rə̂ ndə̂ tche tê, äwün kütû gbölö akrə ndə̂ yê. Gbô tchë səadje lakə̂ krʉ lafô bëte Gbölö Gbïɛ̈ wä la gbôgbô ndə̂kə̂ mbo rə̂ pä tche krʉ po lafô.

Rômo 16:25

Äwäpä azə̈ voga Ndjapä! Tche wä la gbôgbô ndə̂kə̂ mbo rə̂ pä nyë kpokpo lə̂ köbosə̂ kə̂ za su nyê sə̈ Ndjapä, gundə̂sə̂ Tchôtchô Pö ndə̂ Jezü Krîsiti ndə̂ më mû rə̂. Tchôtchô Pö nə̈ wätə̂ rə ndə̂ tche nyîkrə rə̂ dokʉ̈tchê bhâlə̂ su yê, ndə̂ ândə̂po lə̂ küwû nə̈ logbɛ̂, ânyë tche nyîsə̂ nə̈ sə̈ azə̂ angêta.

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Gälâte 1:4

Gbölö Gbïɛ̈ Jezü yösə̂ tə̂ yê la tə̂ yê ndə̂kə̂ ji azə̂ lə̂ angbongbo arə ndə̂ tchîsûwu âtə batə̂ rə̂ ndə̂ su Ndjapä Bha azə̂ nyîndə̂ nə̈.

Ëfêze 5:27

Tche nyïndə̂ kə̂ mbo rə̂ pä Egilîze nə̈ fu tə̂ gbölösə̂nə̈, ngâ cho grʉabô rə̂ grʉ̂-ê, âsɨkpɨabô sɨ̂kpɨ-î, âdaka gbɛ̂, ânyë tche mbo rə̂ pä äkrʉ tchâtchu yê la tə̂ yê. Tche nyïndə̂ nə̈ pä Egilîze wa ngbî kə̂ daka gbɛ̂, ndə̂ ngâ pö balë wâbô wâ lə̂ küma nə̈-ê.

Fïlîpe 1:10

ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Kölôse 1:22

Praâbalë angaâtə lə̂ köbosə̂ kuzü Modô ndə̂ yê ndə̂ tche wûn yûkü lə̂ tə̂ yê ndə̂ akrə, tchôtchô kə̂ sə kângbâ yê lə̂ gbâtə̂ nyê la Ndjapä, ndə̂kə̂ mbo rə̂ ânyë nyê krʉ tchâtchu Ndjapä batə̂ azü ndə̂ andjë wâ ngbî ânyë kə̈ dâka gbɛ̂, azü ndə̂ pö wâbô wâ lə̂ küma andjê, azü ndə̂ ngâ ngbongbo rə wâbô wâ tə̂ andjê-ê.

Dokʉ̈ Tësälönîke 2:19

Käko tə̂ lo ndə̂kə̂ ka ndə̂ Gbölö Gbïɛ̈ Jezü, giamâ kä ndə̂ ârâ za su ârâ pânə̈, giamâ kä âkə̂ watə̂ mômô ndə̂ ârâ, giamâ kä ndə̂ ârâ gbo rə̂ ngbâ kua ndə̂ ârâ mbô rə̂ ndjoa etə̂ manə̈? Âdə̂âbo nyê?

Dokʉ̈ Tësälönîke 3:11

Äwäpä Ndjapä Bha azə̂ la tə̂ yê, ndjë la Gbölö Gbïɛ̈ ndə̂ azə̂ Jezü ji köbo sə̈ ârâ ndə̂kə̂ e atə̂ndə̂ nyê.

Dokʉ̈ Tësälönîke 3:2

ânyë kə̈ wân Timotë ngâ ârâ lə̂ Krîsiti sə̈ nyê; tche də̈ akrə ndə̂ andjë mbo kua balë la Ndjapä, kua ndə̂kə̂ mu Tchôtchô Pö ndə̂ Krîsiti. Ârâ wän tchë sə̈ nyê ndə̂kə̂ mbo rə̂ ânyë nyê kpokpo tə̂ nyê, kə̂ mbo rə̂ ânyë nyê gbo gbôgbô lə̂kə̂ za su nyê sə̈ Krîsiti,

Dokʉ̈ Tësälönîke 4:15

Pö ndə̂ ârâ nyîndə̂ kə̂ to rə̂ sə̈ nyê, ndə̂ Gbölö Gbïɛ̈ tô rə̂ sə̈ ârâ kä âtə: Azəzə̂ ndə̂ azə̈ sə la tʉ̈rʉ̂ la azə̂ ndjoa ëtə̂ lo kə̂ ka ndə̂ Gbölö Gbïɛ̈, andjanə̈ ndə̂ andjë tchû lâme, azə̂ roabô dokʉ̈tchê tə̂ andjê tee-a.

Dokʉ̈ Tësälönîke 4:17

Pânə̈ azə̈ ndə̂ gbô azə̂ sə̂ la tʉ̈rʉ̂ la azə̂ tə̂ lo nə̈ lâme, a âkengadje la azə̂ la andjê gbɛ̂ lə̂ ndrö ndə̂kə̂ takpa la Gbölö Gbïɛ̈ bhâ lafô, ânyë azə̈ sə la Gbölö Gbïɛ̈ logbɛ̂.

Dokʉ̈ Tësälönîke 5:23

Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Bïchuû Tësälönîke 1:10

Lo nə̈ ndə̂ tche kangbâ yê, azü ndə̂ yê âvogadje tchë, azü ndə̂ andjë zâ su andjê sə̈ Krîsiti âwun-adje tchë la mômô. Nyënyê ndjë gbɛ̂ nyë âsə lə̂ gbâtə̂ azü nə̈ lâme bëte nyë gämba pö ndə̂ ârâ mû rə̂ sə̈ nyê.

Bïchuû Tësälönîke 1:7

tchê zadje kə̂ yatə̂ sə̈ nyê, nyënyê ndə̂ azü ndə̂ a yûku nyê, ndjë la ârâ. Rə lâme âmbo tə̂ lo nə̈ ndə̂ Gbölö Gbïɛ̈ Jezü to bhâ lafô ndə̂kə̂ jre la aânje ndə̂ yê ndə̂ andjë wâ la gbôgbô.

Bïchuû Tësälönîke 2:1

Arə̂mä, âdə andə̂ pö ndə̂ lö kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la pö ndə̂kə̂ pala azə̂ ndrotə̂ yê lâme, ârâ yü nyê kâkë:

Jâke 5:8

Nyënyê ndjë gbɛ̂, äwäpä nyë rʉatə̂ su nyê, kə̂ kpokpo tə̂ nyê, bëte lö kə̂ ka ndə̂ Gbölö Gbïɛ̈ ndô nə̂.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Jûde 1:14

Hënôke, ndə̂ tche də̂ akrə mïndûu manə̈ bïchuû lə̂ gbölö mawo la tchêngbâ Adâme tô ndə̂ma Ndjapä pâ azü lâme dokʉ̈tchê alême päkëdə̂: «Wunsaâ, Gbölö Gbïɛ̈ nəadje la angbängbä aânje ndə̂ andjë wâ ngbî ânyë kə̈ dâka gbɛ̂,

Jûde 1:24

Ndjapä ndə̂ tche wâ ndə̂kə̂ bata nyê ânyë nyê teabô tê-ê, tchetchë kä ndə̂ âmbo rə̂ pä nyë daka gbɛ̂ ânyë kə̂ wutu tchâtchâ golowäre ndə̂ yê la gbölö mômô.