Dokʉ̈ Tësälönîke 3:12 - Mbëtï Ndjapä: TÄFO MADƗ̈

¹² Äwäpä Gbölö Gbïɛ̈ mbo rə̂ pä köbo ndə̂ nyê nyində̂ angâ nyê lə̂ gbâtə̂ nyê, la köbo ndə̂ nyê nyində̂ azü gbɛ̂ ârô masə̂nə̈ lâme sə lakə̂ êë atə̂ tchâtchu nə̈, batə̂ rə̂ ndə̂ ârâ nyîndə̂ nyê! Amin!

Dokʉ̈ Tësälönîke 3:12 Iomraidhean Croise

Matiyə̈ 22:39

Bïchuû ndïɛ̈ nə̈ wä ndjë batə̂ dokʉ̈ nə̈: ‹Äwäpä mo nyində̂ ngâ zə̈ akrə batə̂ tə̂ zə̈.›

Matiyə̈ 7:12

«Rə gbɛ̂ ndə̂ nyë nyîndə̂ nə̈ pä azü mbo rə̂ tə̂ nyê, nyë mbö ndjë rə̂ la tə̂ nyê tə̂ andjê. Rə lâme kä ndə̂ ndïɛ̈ ndə̂ Möyîze la a-Mbëtï ndə̂ a-earə̂ ndə̂ma Ndjapä yûkû nə̈.»

Lûke 17:5

Abadjângele tô rə̂ sə̈ Gbölö Gbïɛ̈ päkëdə̂: «Amö mbo rə̂ ânyë kə̂ za su ârâ sə̈ Ndjapä ge.»

Rômo 13:8

Âwâbo pä ngâ geda ndə̂ akrə balë wa lə̂ küma nyê-a. Praâbalë kütû geda ndə̂kə̂ nyində̂ angâ nyê lə̂ gbâtə̂ nyê. Akrə ndə̂ tche nyîndə̂ angâ yê, tche mbö arə gbɛ̂ ndə̂ ndïɛ̈ yûkû nə̈.

Bïchuû Körɛ̂nte 9:10

Ndjapä ndə̂ tche kʉ andjî rəgʉ sə̈ earə̂ kə̂ lu rəgʉ, ânyë kə̂ kʉ kɨ̈zɨ̂ sə̈ azü ndə̂kə̂ zɨ rə̂, tchê kʉadje andjî rəgʉ sə̈ nyê, kə̂ mbo rə̂ pä äle ndə̂kə̂ pa azü gbo atchôtchô arə tə̂ gbölösə̂nə̈ lə̂ köbosə̂ nyê.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Fïlîpe 1:9

Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Dokʉ̈ Tësälönîke 2:8

Tə̂ pö ndə̂nə̈ ndə̂ ârâ nyîndə̂ nyê tə̂ gbölösə̂nə̈, ârâ nyîâbo ndə̂kə̂ mu kütû Tchôtchô Pö balë sə̈ nyê-a, praâbalë ârâ nyï ndjë ndə̂kə̂ za tchîsûwu ndə̂ ârâ la kuzü bëte nyê, bëte nyë də̈ azü ndə̂ pö ndə̂ nyê kʉ̂ ârâ tə̂ gbölösə̂nə̈!

Dokʉ̈ Tësälönîke 4:1

Ndə̂kə̂ ka ndə̂nə̈, arə̂mä, ârâ nyïsə̂ köbo ndə̂ nyê sə la rə̂ ânyë âfu tə̂ Ndjapä alême nə̂. Tə̂ lëge nə̈, nyë sə̂ käko nə̂. Praâbalë angaâtə, ârâ yükû nə̈ sə̈ nyê lakə̂ za wängö sə̈ nyê la rə̈ Gbölö Gbïɛ̈ Jezü; nyë mbö rə̂ âkä ro anə̈ dokʉ̈tchê.

Dokʉ̈ Tësälönîke 5:15

La nyê gbö-ê, ânyë ngâ akrə balë mboabô ngbongbo rə mbô tə̂ akrə ndə̂ tche mbô ngbongbo rə tə̂ yê-ê, praâbalë nyë pü köbo logbɛ̂ ndə̂kə̂ mbo tchôtchô rə lə̂ gbâtə̂ nyê, ndjë tə̂ azü gbɛ̂.

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Jâke 1:17

Arə gbɛ̂ ndə̂ sə̂nə̈ lû, la akʉbala ndə̂ âdâka gbɛ̂ tö bhâ lafô, bhândə̂ Ndjapä, ndə̂ tche mbô arə ndə̂ âwâ la ngbänga yê tâ. Tche djêâbo tchə̂lə̂ tə̂ yê-a, kə̈ wâbo la tchâkrʉzrö yê tâ ndə̂ âtro-a.

Bïchuû Pîêre 1:7

Nyë zä kə̂ mbo la sə̂ angâ nyê ëpâ kə̂ zatə̂ nyê gbɛ̂ sə̈ Ndjapä, nyë zä kə̂ nyïndə̂ ngâ ëpâ kə̂ mbo la sə̂ angâ nyê.

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.