Dokʉ̈ Tësälönîke 3:1 - Mbëtï Ndjapä: TÄFO MADƗ̈

¹ Käko köbo ndə̂kə̂ pa ârâ rʉatə̂ su ârâ kə̂ krʉ zoo wâbo-a, bëte rə̂ kä ndə̂ ârâ nyïkrə rə̂ ndə̂kə̂ sə la kütû ârâ po bhâ Ätêne,

Dokʉ̈ Tësälönîke 3:1 Iomraidhean Croise

Abadjângele 17:15

Azü ndə̂ andjë nyisə̂ köbo sə̈ Pôlo nə̂ la tchë zoo kə̈ wûtu bhâ Ätêne. Ndə̂ andjë âsə̈ gu atə̂ Berë, Pôlo zâma ndə̂kə̂ pa andjë to rə̂ sə̈ Sïlâse la Timotë ndə̂kə̂ e ngbâ yê gasa-ê.

Abadjângele 17:16

Ndə̂ Pôlo sə̂ lakə̂ krʉ bëte Sïlâse la Timotë bhâ Ätêne, su yê ndɨ̂ bëte rə̂ ndə̂ tche wûn angakʉ̈lä ndə̂ andjë sɨ̂sɨ̈ lə̂ gö nə̈.

Bïchuû Körɛ̂nte 2:13

Gbô su mê kä ngbɨ̂ɨ̂ bëte më gbôâbo ngâ mê Tîte-a. Bëte rə̂ kä ndə̂ më gbôtə̂ azü nə̈, ânyë kə̈ ê atə̂ Mäsëdöâne.

Dokʉ̈ Tësälönîke 2:17

Âdə andə̂ ârâ arə̂mä, azə̈ krʉ̈ tchə̂lə̂ tə̂ azə̂ la nyê tə̂ angâ alö, ndə̂ ârâ sə̂ tə̂ nyê ngrɨ̈, praâbalë gbô su ârâ kä pâ nyê. Ârâ mbö rə̂ gbɛ̂ ndə̂kə̂ e kə̂ wun nyê, bëte gʉ nyê nyü ârâ tə̂ gbölösə̂nə̈.

Dokʉ̈ Tësälönîke 3:5

Bëte rə̂ kä ndə̂ më kä wâbo ndə̂kə̂ rʉatə̂ su mê ndə̂kə̂ krʉ zoo, ânyë kə̈ wân Timotë ndə̂kə̂ pa tche e kə̂ dje pö pâ su nyê ndə̂ nyë zâ rə̂ sə̈ Krîsiti lâme-a. Wawa mbö mê ndə̂kə̂ pa Jâbolo vuabô nyê vû-ê ânyë kua ndə̂ ârâ mbô rə̂ wabô wâ ämbänə̈-ê.