Dokʉ̈ Tësälönîke 2:9 - Mbëtï Ndjapä: TÄFO MADƗ̈

⁹ Arə̂mä, äwäpä su nyê te pâ yûkü ndə̂ ârâ wûn rə̂ alême lakə̂ mbo kua, ânyë gbâdâ kâ tə̂ ârâ. Ârâ mbö kua dalobiî ânyë kə̈ wâbô wâtə̂ kʉ̂ngbô pâ ngâ akrə balë-ê. Käko kä ndə̂ ârâ mû Tchôtchô Pö ndə̂ Ndjapä.

Dokʉ̈ Tësälönîke 2:9 Iomraidhean Croise

Lûke 18:7

Käko azü ndə̂ Ndjapä ndə̂ tche dɨ̂ andjê, ndə̂ andjë kɨ sə̈ tchë dalobiî lâme, tchê wabô tchə̂lə̂ ngbanga ndə̂ andjê? Tche âsə zoo ânyë kə̂ za könô sə̈ andjê?

Lûke 2:37

Pânə̈ köchë nə̈ tchû tə̂ yê. Tche wä la ngû tə̂ azü voanə̈ la tchêpâ nə̈ voanə̈. Logbɛ̂ tche kä kütû bhâlə̂ gbölö nda Ndjapä. Tchə̂lə̂ bütchî la tchêdalo, tche mbö kua ndə̂ Ndjapä, tche kösə̂ kɨ̈zɨ̂, kə̂ to pö sə̈ Ndjapä.

Abadjângele 18:3

Tche sə̂ po bhândə̂ andjê bëte kua ndə̂ tche mbo rə̂ la andə̂ Äkïlâse nə̈ wä balë: Andjë də̈ azü ndə̂ andjë mbo kua ndə̂ andokʉ̈ ndə̂ a mbo rə̂ la lə̂ba.

Abadjângele 20:24

Praâbalë më wün tchîsûwu ndə̂ mê batə̂ ngâ mbämbä rə lə̂ la mê. Rə ndə̂ mê pu köbo nə̈ wä ndə̂kə̂ pa më ka kua ndə̂ mê, kə̂ mbo rə gbɛ̂ ndə̂ Gbölö Gbïɛ̈ Jezü zâ rə̂ sə̈ mê ndə̂kə̂ mbo rə̂. Äwä ndə̂kə̂ mu Tchôtchô Pö ndə̂ ânə̂ lə̂ köbosə̂ tchôtchô su Ndjapä sə̈ azü.

Abadjângele 20:31

La nyê gbö-ê, lə̂ ngû vötaâ më gbôâbo tə̂kə̂ za wängö sə̈ nyê tchêdalo la tchə̂lə̂ bütchî la ngûla lə̂ la mê-a, sə̂nə̈ têâbo lə̂ nyê?

Rômo 1:1

Mëmê Pôlo, ndə̂ më wâtə̂ earə̂ kua ndə̂ Jezü Krîsiti, më mbö mbëtï âtə sə̈ nyê. Ndjapä ë mê ndə̂kə̂ pa më watə̂ badjângele ndə̂ yê. Tche zä mê ngbî ndə̂kə̂ pa më mu Tchôtchô Pö ndə̂ yê sə̈ azü gbɛ̂.

Rômo 15:16

ânyë kə̈ zâ mê ndə̂kə̂ mbo kua ndə̂ Jezü Krîsiti lə̂ gbâtə̂ azü ndə̂ andjë wâbô wâtə̂ ajuîfu. Tche zä mê ngbî bëte kə̂ mu Tchôtchô Pö ndə̂ Ndjapä sə̈ azü, käko ânyë azü ndə̂ andjë wâbô wâtə̂ ajuîfu wa ndjë tə̂ tchôtchô ngela lə̂ la yê lə̂ köbosə̂ Kpɨ̂ki Yingö, tchetchë kä ndə̂ âmbo rə̂ ânyë andjë wa lə̂ köbo nə̈.

Rômo 15:19

ndjë lə̂ köbo gbôgbô ndə̂ akpɨ̈ngbɨ̈ rə la arə ndə̂ âropâ küma azü ndə̂ Yingö ndə̂ Ndjapä mbô rə̂. Käko ndə̂kə̂ to bhâ Jerûzalêmo ndjoa lə̂ gö ndə̂ Ilirï, më rö lakə̂ mu Tchôtchô Pö ndə̂ Krîsiti sə̈ azü.

Dokʉ̈ Körɛ̂nte 4:12

Ârâ wün yûkü lakə̂ mbo kua la könô ârâ ânyë kə̂ gbo kɨ̈zɨ̂. A drö ârâ, praâbalë ârâ ë tchôtchô pö pâ andjê, a mbö ârâ la gbôgbô, praâbalë ârâ rʉ̈ätə̂ su ârâ.

Dokʉ̈ Körɛ̂nte 9:15

Praâbalë më gbôâbo ngâ rə balë lə̂nə̈-a. Më mbôâbo mbëtï âtə ndə̂kə̂ yukû nə̈-a. Ädäka ndə̂kə̂ pa më tchu kə̈ rô rə̂ ndə̂kə̂ pa më yukû rə tchânə̂ nyê. Bëte rə̂ kä ndə̂ mê bhi gogo mê, ngâ akrə balë ndə̂ tche wâ ndə̂kə̂ ji rə̂ wâbo-a.

Dokʉ̈ Körɛ̂nte 9:18

Käko makətche-kua ndə̂ mê nə̈ də̈ nə̈bâ? Ädə̈ rə̂ ndə̂ mê mu Tchôtchô Pö ämbämbänə̈ sə̈ azü. Rə ndə̂ âwâ âme ndə̂kə̂ pa më gbo rə̂ ngbânə̈, më yûâbo kû nə̈-a.

Dokʉ̈ Körɛ̂nte 9:4

Ârâ wâbo ndə̂kə̂ zɨ rə âdəndjë ndə̂kə̂ ndjo rə ngbâ kua ndə̂ ârâ?

Bïchuû Körɛ̂nte 11:27

Më mbö agbölö kua, kə̈ wâ la kôngö la tchêngbâ nə̈, lö zâbo la mê-a, gʉ kɨ̈zɨ̂ la ngû nyü mê, tə̂ angâ alö më lö la gʉ, zɨ mbo mê, lə̂ba wâbo tə̂ mê-a.

Bïchuû Körɛ̂nte 11:9

Ndə̂ më sə̂ alême lə̂ gbâtə̂ nyê bhâye, âdə mê âwa la gʉ ngâ rə, më yûâbo kû nə̈ tchânə̂ ngâ akrə balë-a. Arə̂mâ ndə̂ andjë tô bhâ Mäsëdöâne ânyë kə̈ nə̂, andjë kʉ̈ arə gbɛ̂ ndə̂ su mê nyîndə̂ nə̈ sə̈ mê. Lə̂ arə lâme gbɛ̂, më kpë wa tə̂ mê ndə̂kə̂ pa më wabô wâtə̂ kʉ̂ngbô pâ nyê-ê, käko më âsə me lakə̂ mbo tâ käko logbɛ̂.

Bïchuû Körɛ̂nte 6:5

Azü bhï ârâ, kə̈ yî ârâ bhâlə̂ nda kânga, kə̈ mbô rə̂ pä azü alafô tə̂ ârâ la pö, ârâ mômo gbɛ̂ la tchêngbâ kua, ârâ lôâbo-a, gʉ nyû ârâ.

Fïlîpe 4:16

Ndə̂ më sə̂ alême bhâ Tësälönîke, nyë wän arə ndə̂ më wâ la gʉ nə̈ sə̈ mê ëngbâ ngânə̈ ëngbâ ngânə̈.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Tësälönîke 2:2

Nyë wûn ndjë sə̂nə̈ nə̂ pä dokʉ̈tchê ârâ wün yûkü ânyë a drô ârâ bhâlə̂ gö ndə̂ Fïlîpe. Praâbalë Ndjapä zä gbôgbô tə̂ su ârâ ndə̂kə̂ mu Tchôtchô Pö ndə̂ yê sə̈ nyê lə̂ arə yûkü lâme.

Dokʉ̈ Tësälönîke 2:6

Ârâ pûâbo köbo ndə̂kə̂ pa azü lusə̂ ârâ-a, âdəndjë bhândə̂ nyê, âdəndjë bhândə̂ angâ azü ngbî-a.

Dokʉ̈ Tësälönîke 3:10

Ndə̂ ârâ sə lakə̂ to pö sə̈ Ndjapä dalobiî, ârâ yükû nə̈ logbɛ̂ la gbôgbô ndə̂kə̂ mbo rə̂ pä ârâ kä wun nyê, ânyë arə ndə̂ Yingö ndə̂ nyë wâbô wâ la rə̂ pâ su nyê ndə̂ nyë zâ rə̂ sə̈ Krîsiti lâme, ârâ kʉ rə̂ ëpânə̈ sə̈ nyê.

Dokʉ̈ Timotë 1:11

Pö ndə̂ âwâ gundə̂sə̂ Tchôtchô Pö ndə̂ ânyîsə̂ kə̂ wa gbölö ndə̂ Ndjapä kä âtə. Ndjapä ndə̂ a to tchôtchô pö ndə̂ yê kä ndə̂ âzâ pö lâme ëlə̂ ma mê.

Dokʉ̈ Timotë 4:10

Âdə azə̂ âsə̈ wun yûkü, ndjë âdə azə̈ âsə lakə̂ mbo kʉ̈ʉ̈, bëte azə̈ zä su azə̂ pâ Ndjapä ndə̂ tche wâ la tʉ̈rʉ̂ la yê. Tche wätə̂ earə̂ kə̂ tcha azü gbɛ̂, tə̂ gbogbôsə̂nə̈ tche tchä azü ndə̂ andjë zâ su andjê sə̈ Krîsiti.

Dokʉ̈ Timotë 5:5

Âdə andə̂ tchanə̈ ndə̂ tche wâtə̂ lëge ɛ̈chë lə̂ ndavrö, ndə̂ tche sə̂ la kütû yê, tche zä su yê pâ Ndjapä, kə̂ rʉatə̂ su yê dalobiî lakə̂ dɨ tchə̂lə̂ ma yê sə̈ Ndjapä, ndjë lakə̂ to pö sə̈ tchë.

Bïchuû Timotë 1:3

Më zä ayîabâ tə̂ gbölösə̂nə̈ sə̈ Ndjapä, ndə̂ më zâ tchêngbâ araâta mê lakə̂ mbo kua sə̈ tchë, la tchôtchô kə̂ rɨ tchə̂lə̂ su. Më kä lakə̂ za küma mê dalobiî tə̂ pö ndə̂ zə̈ logbɛ̂ ndə̂ mê to pö sə̈ Ndjapä.