Dokʉ̈ Tësälönîke 2:7 - Mbëtï Ndjapä: TÄFO MADƗ̈

⁷ Äwä âme ndə̂kə̂ pa ârâ wa batə̂ ngâ kʉ̂ngbô pâ nyê tə̂ pö ndə̂nə̈ ndə̂ ârâ wâtə̂ abadjângele ndə̂ Krîsiti. Praâbalë ndə̂ ârâ sə̂ alême lə̂ gbâtə̂ nyê, ârâ mbö nyê nyima-ë, batə̂ ngâ anyï bechë ndə̂ tche kʉ̂ abechë ndə̂ yê ë krʉ yê ânyë kə̂ za ngo ëma andjê.

Dokʉ̈ Tësälönîke 2:7 Iomraidhean Croise

Abadjângele 13:18

Lə̂ ngû ndola tə̂ azü bïchuû, tche bâta andjê la kɨ̈zɨ̂ bhâlə̂ kpaɛ̈gâ.

Dokʉ̈ Körɛ̂nte 2:3

Ndə̂ më sə̂ lə̂ gbâtə̂ nyê alême, më wâbo la gbôgbô-a, wawa rôpâ mê ânyë më sə̂ lakə̂ gûgû gügu.

Dokʉ̈ Körɛ̂nte 9:22

Âdə mê âsə lə̂ gûtə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti, kə̂ mbo rə batə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti ânyë kə̂ gbo andjê sə̈ Krîsiti. Më zätə̂ mê gbɛ̂ sə̈ azü gbɛ̂ ndə̂kə̂ mbo rə̂ gbɛ̂ ânyë kə̂ tcha angânə̈ sə̈ Krîsiti.

Bïchuû Körɛ̂nte 10:1

Mëmê Pôlo, më yükû ngâ rə tchânə̂ nyê la rə̈ Krîsiti, tchetchë ndə̂ tche mbo rə nyima lakə̂ mbo dâkâ. A tö rə̂ pä âdə më âsə lə̂ gûtə̂ nyê kə̂ watə̂ zɨtɨ akrə, praâbalë âdə mê âsə tə̂ nyê ngrɨ̈, kə̂ mbo rə vrâdjâ vrâdjâ.

Bïchuû Körɛ̂nte 13:4

Tə̂ lëge nə̈, a wön tchë pâ yö ndə̂ gba bëte tche wâbo la gbôgbô-a, praâbalë angaâtə tche wä la tchîsûwu lə̂ köbosə̂ gbôgbô ndə̂ Ndjapä. Azə̂ ndjë gbɛ̂, ndə̂ azə̈ wâ la tchë balë, azə̈ wâbo la gbôgbô-a, praâbalë ârâ nyïsə̂ nə̈ sə̈ nyê pä azə̂ wadje la tchîsûwu balë la tchë lə̂ köbosə̂ gbôgbô ndə̂ Ndjapä.

Gälâte 4:19

Abechë ndə̂ mê, më kä lakə̂ wun yûkü nyê tə̂ täfo nə̈ batə̂ rə̂ ndə̂ tchə̂lə̂ ɛ̈chë ka tchë la güzu tə̂ lo kə̂ zɨ ndə̂ yê, zoo Krîsiti ge lə̂ nyê.

Dokʉ̈ Tësälönîke 2:11

Nyë wûn ndjë sə̂nə̈ nə̂ pä ârâ mbö rə tə̂ akrə balë balë batə̂ rə̂ ndə̂ bha bechë mbo rə̂ tə̂ abechë ndə̂ yê.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.